ഈസാ
ഇസ്ലാമിൽ ഈസാ നബി (Arabic: عيسى `Īsā ) ജൂത സമൂഹത്തിലേയ്ക്ക് അയക്കപ്പെട്ട മഹാനായ പ്രവാചകനാകുന്നു. പിതാവില്ലാതെ അത്ഭുതകരമായി ജനിച്ചതിനാൽ അദ്ദേഹത്തെ ഖുർആൻ അദ്ദേഹത്തിന്റെ മാതാവിനോടു ചേർത്ത് മർയമിന്റെ മകൻ ഈസാ എന്നാണു വിളിക്കുന്നത്. അദ്ദേഹത്തിനു നൽകപ്പെട്ട വേദമാണു ഇഞ്ചീൽ. ഈസാ നബിയുടെ അത്ഭുത ജനനത്തിലും അദ്ദേഹത്തിന്റെ അത്ഭുത പ്രവൃത്തികളിലും ഇസ്ലാം മത വിശ്വാസികൾ വിശ്വസിക്കുന്നു. ഈസയെ ദൈവത്തിന്റെ പുത്രനായോ, ദൈവത്തിന്റെ അവതാരമായോ മുസ്ലിംകൾ കണക്കാക്കുന്നില്ല. ഖുർആൻ ഈസയെ ആദിപിതാവായ ആദമിനോടാണു ഉപമിച്ചിരിക്കുന്നത്.
മർയമിന്റെ പുത്രൻ ഈസ | |
|---|---|
1.png) ഈസ അലൈഹിസ്സലാം എന്ന് ഇസ്ലാമിക കാലിഗ്രാഫി ഉപയോഗിച്ചെഴുതിയത്. | |
| ജനനം | 7–2 BC/BCE |
| മരണം | മരിച്ചതായി മുസ്ലിംകൾ വിശ്വസിക്കുന്നില്ല. ജൂതൻമാർ ഒരു ചാരൻ വഴി ഈസ (യേ ശു) ഒളിച്ചിരിക്കുന്ന സ്ഥലം പറഞ്ഞു കൊടുക്കുകയും അതു മുഖേനെ അവിടെയെത്തിയ അവർ അവരിൽ ഒരാളെ ഒളി താവളത്തിന്റെ ഉള്ളിലേക്ക് അയച്ചു . അപ്പോഴേക്കും ജിബ്രീരീൽ അല്ലാഹുവിന്റെ നിർദ്ദേശ പ്രകാരം അവിടെയെത്തുകയും ഈസ നബിയെ വാന ലോകത്തേക്ക് ഉയർത്തിയിരുന്നു. ഇതറിയാതെ ഉളളിൽ കയറിയ ആൾ ഈസയെ കണ്ടില്ല. പുറത്തു നിന്നവർ സമയം കുറേയായപ്പോൾ അകത്തു കടക്കുകയും ചെയ്തു. അപ്പോഴേക്കും അല്ലാഹു ആദ്യം കയറിയ ആളെ നബിയോട് മുഖസാദൃഷ്യം നൽകി.
ഇയാളെയാണ് അവർ ക്രൂശിച്ചതും (കുരിശിൽ തറച്ചത്) മറവ് ചെയ്തതതും. |
| തൊഴിൽ | പ്രവാചകൻ,പ്രബോധകൻ |
| മാതാപിതാക്ക(ൾ) | അമ്മ:ഇമ്രാൻറെ മകൾ മറിയം, മാലാഖ അവരിലേക്ക് ഊതിയപ്പോൾ ഗർഭം ധരിച്ചു(ഇസ്ലാമിക വിശ്വാസം അനുസരിച്ച്) |
- അല്ലാഹുവെ സംബന്ധിച്ചിടത്തോളം ഈസായെ ഉപമിക്കാവുന്നത്‌ ആദമിനോടാകുന്നു. അവനെ (അവൻറെ രൂപം) മർയമിലേക്ക് അല്ലാഹുവിന്റെ ജിബ്‌രീൽ ഊതി ഗർഭംധരിച്ചു . പിന്നീട്‌ അതിനോട്‌ ഉണ്ടാകൂ എന്ന് പറഞ്ഞപ്പോൾ അവൻ (ആദം) അതാ ഉണ്ടാകുന്നു.(3.59)
- "അല്ലാഹു പറഞ്ഞ സന്ദർഭം(ഓർക്കുക) ഹേ ഈസാ, തീർച്ചയായും നിന്നെ ഞാൻ വഫാത്താക്കിയപ്പോൾ (മരിപ്പിച്ചപ്പോൾ) എന്റെ അടൂക്കലേക്ക് നിന്നെ ഉയർത്തുകയും, സത്യനിഷേധികളിൽ നിന്ന് നിന്നെ ഞാൻ ശുദ്ധമാക്കുകയും, നിന്നെ പിന്തുടർന്നവരെ ഉയിർത്തെഴുന്നേല്പിന്റെ നാൾ വരേക്കും സത്യനിഷേധികളേക്കാൾ ഉന്നതന്മാരാക്കുകയും ചെയ്യുന്നതാണു. പിന്നെ എന്റെ അടുത്തേക്കാണു നിങ്ങളുടെ മടക്കം. നിങ്ങൾ ഭിന്നിച്ചു കൊണ്ടിരിക്കുന്ന കാര്യത്തിൽ അപ്പോൾ ഞാൻ നിങ്ങൾക്കിടയിൽ തീർപ്പു കൽപ്പിക്കുന്നതാണു." (വി.ഖു.3:55) "പറയുക: അല്ലാഹുവിലും ഞങ്ങൾക്ക് അവതരിക്കപ്പെട്ടതിലും ഇബ്രാഹീം, ഇസ്മായീൽ,ഇസ് ഹാഖ്, യാഖൂബ് ,യാഖൂബ് സന്തതികൾ എന്നിവർക്ക് അവതരിക്കപ്പെട്ടതിലും മൂസാക്കും, ഈസാക്കും, മറ്റു പ്രവാചകന്മാർക്കും തങ്ങളുടെ രക്ഷിതാവിങ്കൽ നിന്ന് നൽകപ്പെട്ടതിലും ഞങ്ങൾ വിശ്വസിച്ചിരിക്കുന്നു.അവരിൽ ആർക്കിടയിലും ഞങ്ങൾ വിവേചനം കൽപ്പിക്കുന്നില്ല.ഞങ്ങൾ അല്ലാഹുവിനു കീഴ്പ്പെട്ടവരാകുന്നു". (വി.ഖു. 3:84)
തിരോധാനം തിരുത്തുക
ഈസയുടെ കുരിശുമരണത്തേയും വധത്തേയും ഖുർആൻ നിരാകരിക്കുന്നു. അദ്ദേഹത്തെ അല്ലാഹു തന്നിലേക്കുയർത്തിയെന്നും ജനം ഈസയുടെ കാര്യത്തിൽ കുഴപ്പത്തിലകപ്പെട്ടു എന്നും ഖുർആൻ പറയുന്നു. മിക്ക ഇസ്ലാമിക പാരമ്പര്യങ്ങളും യേശു ക്രൂശിൽ അല്ലെങ്കിൽ മറ്റെന്തെങ്കിലും ശാരീരികമായി മരിച്ചുവെന്ന് വ്യക്തമായി നിഷേധിക്കുന്നു.
ഖുറാൻ അനുസരിച്ച്, അദ്ദേഹം ക്രൂശിക്കപ്പെട്ടില്ല, മറിച്ച് ദൈവത്താൽ രക്ഷിക്കപ്പെട്ടു. (മുസ്ലീങ്ങൾ വിശ്വസിക്കുന്നത് യേശു കുരിശിൽ മരിച്ചതല്ല, മറിച്ച് ജീവനോടെ സ്വർഗത്തിലേക്ക് ഉയർത്തപ്പെട്ടതിലൂടെയാണ് രക്ഷിക്കപ്പെട്ടതെന്നാണ്).
"അല്ലാഹുവിൻറെ ദൂതനായ, മർയമിൻറെ മകൻ മസീഹ്‌ ഈസായെ ഞങ്ങൾ കൊന്നിരിക്കുന്നു എന്നവർ പറഞ്ഞതിനാലും വാസ്തവത്തിൽ അദ്ദേഹത്തെ അവർ കൊലപ്പെടുത്തിയിട്ടുമില്ല, ക്രൂശിച്ചിട്ടുമില്ല. പക്ഷേ ( യാഥാർത്ഥ്യം ) അവർക്ക്‌ തിരിച്ചറിയാതാവുകയാണുണ്ടായത്‌. തീർച്ചയായും അദ്ദേഹത്തിൻറെ ( ഈസായുടെ ) കാര്യത്തിൽ ഭിന്നിച്ചവർ അതിനെപ്പറ്റി സംശയത്തിൽ തന്നെയാകുന്നു. ഊഹാപോഹത്തെ പിന്തുടരുന്നതല്ലാതെ അവർക്ക്‌ അക്കാര്യത്തെപ്പറ്റി യാതൊരു അറിവുമില്ല. ഉറപ്പായും അദ്ദേഹത്തെ അവർ കൊലപ്പെടുത്തിയിട്ടില്ല."(പരിശുദ്ധ ഖുർആൻ/നിസാഅ് #15
അവലംബം തിരുത്തുക
- ↑ "യേശുവും മർയവും ഖുർആനിലും ബൈബിളിലും" (PDF). മൂലതാളിൽ (PDF) നിന്നും 2011-08-29-ന് ആർക്കൈവ് ചെയ്തത്. ശേഖരിച്ചത് 2011-12-18.
- ↑ Veitschegger, Karl. "Jesus in den anderen Religionen". മൂലതാളിൽ നിന്നും 2008-02-22-ന് ആർക്കൈവ് ചെയ്തത്. ശേഖരിച്ചത് 2008-03-17.
- ↑ "ഈസാ നബി".
പുറത്തേക്കുള്ള കണ്ണികൾ തിരുത്തുക
- An Islamic perspective on Jesus
- യേശു മഹാനായ പ്രവാചകൻ [പ്രവർത്തിക്കാത്ത കണ്ണി]-എം.മുഹമ്മദ് അക്‌ബർ
- യേശുവും മർയവും ഖുർആനിലും ബൈബിളിലും". Archived 2011-08-29 at the Wayback Machine.- ഇ.സി സൈമൺ മാസ്റ്റർ
