ഇസ്ലാമിൽ ഈസാ നബി (Arabic: عيسى‎ `Īsā )ഇസ്രായേൽ സമൂഹത്തിലേയ്ക്ക് അയക്കപ്പെട്ട മഹാനായ പ്രവാചകനാകുന്നു. പിതാവില്ലാതെ അത്ഭുതകരമായി ജനിച്ചതിനാൽ അദ്ദേഹത്തെ ഖുർ‌ആൻ അദ്ദേഹത്തിന്റെ മാതാവിനോടു ചേർത്ത് മറിയമിന്റെ മകൻ ഈസാ എന്നാണു വിളിക്കുന്നത്. അദ്ദേഹത്തിനു നൽകപ്പെട്ട വേദമാണു ഇഞ്ചീൽ. ഈസാ നബിയുടെ അത്ഭുത ജനനത്തിലും അദ്ദേഹത്തിന്റെ അത്ഭുത പ്രവൃത്തികളിലും ഇസ്ലാം മത വിശ്വാസികൾ വിശ്വസിക്കുന്നു. ഈസയെ ദൈവത്തിന്റെ പുത്രനായോ, ദൈവത്തിന്റെ അവതാരമായോ മുസ്ലിംകൾ കണക്കാക്കുന്നില്ല. ഖുർആൻ ഈസയെ ആദിപിതാവായ ആദമിനോടാണു ഉപമിച്ചിരിക്കുന്നത്.

മർയമിന്റെ പുത്രൻ ഈസ
Isa (Jesus)1.png
ഈസ അലൈഹിസ്സലാം എന്ന് ഇസ്ലാമിക കാലിഗ്രാഫി ഉപയോഗിച്ചെഴുതിയത്.
ജനനം7–2 BC/BCE
ഈത്തപ്പഴ മരച്ചുവട്ടിൽ
മരണം
മരിച്ചതായി മുസ്ലിംകൾ വിശ്വസിക്കുന്നില്ല; ദൈവത്തിലേക്ക്‌ ഉയർത്തപ്പെട്ടതായി വിശ്വാസം. കുരിശു മരണത്തിൽ നിന്ന് രക്ഷപെട്ട് , തൻ്റെ ദൗത്യം നിർവഹിക്കാൻ വേണ്ടി കാണാതായ കുഞ്ഞാടുകളെ തേടി പ്പിടിച്ച് 120 വയസ്സിൽ സാധാരണ രീതിയിൽ മരണപ്പെട്ടു. ഈസാ നബി യുടെ ഖബർ കശ്മീരിൽ ഇന്നും. ഉണ്ട്. For more details www.Al-Islam.com
തൊഴിൽപ്രവാചകൻ,പ്രബോധകൻ
മാതാപിതാക്ക(ൾ)അമ്മ:ഇമ്രാൻറെ മകൾ മറിയം, പിതാവില്ലതെയാണ് ഈസ ജനിച്ചത്‌
അല്ലാഹുവെ സംബന്ധിച്ചിടത്തോളം ഈസായെ ഉപമിക്കാവുന്നത്‌ ആദമിനോടാകുന്നു. അവനെ (അവൻറെ രൂപം) മണ്ണിൽ നിന്നും അവൻ സൃഷ്ടിച്ചു. പിന്നീട്‌ അതിനോട്‌ ഉണ്ടാകൂ എന്ന്‌ പറഞ്ഞപ്പോൾ അവൻ (ആദം) അതാ ഉണ്ടാകുന്നു.(3.59)
"അല്ലാഹു പറഞ്ഞ സന്ദർഭം(ഓർക്കുക) ഹേ ഈസാ, തീർച്ചയായും നിന്നെ ഞാൻ പൂർണ്ണമായി ഏറ്റെടുക്കുകയും, എന്റെ അടൂക്കലേക്ക് നിന്നെ ഉയർത്തുകയും, സത്യനിഷേധികളിൽ നിന്ന് നിന്നെ ഞാൻ ശുദ്ധമാക്കുകയും, നിന്നെ പിന്തുടർന്നവരെ ഉയിർത്തെഴുന്നേല്പിന്റെ നാൾ വരേക്കും സത്യനിഷേധികളേക്കാൾ ഉന്നതന്മാരാക്കുകയും ചെയ്യുന്നതാണു. പിന്നെ എന്റെ അടുത്തേക്കാണു നിങ്ങളുടെ മടക്കം. നിങ്ങൾ ഭിന്നിച്ചു കൊണ്ടിരിക്കുന്ന കാര്യത്തിൽ അപ്പോൾ ഞാൻ നിങ്ങൾക്കിടയിൽ തീർപ്പു കൽപ്പിക്കുന്നതാണു." വി.ഖു.(3:55) "(മുഹമ്മദ് നബിയെ) പറയുക: അല്ലാഹുവിലും ഞങ്ങൾക്ക് അവതരിക്കപ്പെട്ടതി(ഖുർആൻ)ലും ഇബ്രാഹീം, ഇസ്മായീൽ,ഇസ് ഹാഖ്, യാഖൂബ് ,യാഖൂബ് സന്തതികൾ എന്നിവർക്ക് അവതരിക്കപ്പെട്ട(ദിവ്യസന്ദേശം)തിലും മൂസാക്കും, ഈസാക്കും, മറ്റു പ്രവാചകന്മാർക്കും തങ്ങളുടെ രക്ഷിതാവിങ്കൽ നിന്ന് നൽകപ്പെട്ടതിലും ഞങ്ങൾ വിശ്വസിച്ചിരിക്കുന്നു.അവരിൽ ആർക്കിടയിലും ഞങ്ങൾ വിവേചനം കൽപ്പിക്കുന്നില്ല.ഞങ്ങൾ അല്ലാഹുവിനു കീഴ്പ്പെട്ടവരാകുന്നു". (വി.ഖു. 3:84)

തിരോധാനംതിരുത്തുക

ഈസയുടെ കുരിശുമരണത്തേയും വധത്തേയും ഖുർആൻ നിരാകരിക്കുന്നു. അദ്ദേഹത്തെ അല്ലാഹു തന്നിലേക്കുയർത്തിയെന്നും ജനം ഈസയുടെ കാര്യത്തിൽ കുഴപ്പത്തിലകപ്പെട്ടു എന്നും ഖുർആൻ പറയുന്നു.


"അല്ലാഹുവിൻറെ ദൂതനായ, മർയമിൻറെ മകൻ മസീഹ്‌ ഈസായെ ഞങ്ങൾ കൊന്നിരിക്കുന്നു എന്നവർ പറഞ്ഞതിനാലും ( അവർ ശപിക്കപ്പെട്ടിരിക്കുന്നു. ) വാസ്തവത്തിൽ അദ്ദേഹത്തെ അവർ കൊലപ്പെടുത്തിയിട്ടുമില്ല, ക്രൂശിച്ചിട്ടുമില്ല. പക്ഷേ ( യാഥാർത്ഥ്യം ) അവർക്ക്‌ തിരിച്ചറിയാതാവുകയാണുണ്ടായത്‌. തീർച്ചയായും അദ്ദേഹത്തിൻറെ ( ഈസായുടെ ) കാര്യത്തിൽ ഭിന്നിച്ചവർ അതിനെപ്പറ്റി സംശയത്തിൽ തന്നെയാകുന്നു. ഊഹാപോഹത്തെ പിന്തുടരുന്നതല്ലാതെ അവർക്ക്‌ അക്കാര്യത്തെപ്പറ്റി യാതൊരു അറിവുമില്ല. ഉറപ്പായും അദ്ദേഹത്തെ അവർ കൊലപ്പെടുത്തിയിട്ടില്ല."(പരിശുദ്ധ ഖുർആൻ/നിസാഅ് #157)

എന്നിരുന്നാലും ഖുറാനിൽ പ്രതിപാതിക്കുന്ന ഈസയാണ് യേശുക്രിസ്തുവെങ്കിൽ -അദ്ദേഹം കുരിശിൽ വധിക്കപ്പെട്ടതായി ചരിത്രപരമായ[അവലംബം ആവശ്യമാണ്] തെളിവുകൾ നിലനിൽക്കുന്നു. അവ ഖണ്ഠിക്കപ്പെട്ടിട്ടുമില്ല[അവലംബം ആവശ്യമാണ്]. ഖുറാനിലെ ഈസയും ബൈബിളിലെ യേശുവും ഒന്നല്ല എന്ന വാദങ്ങളും ഉയരുന്നുണ്ട്[അവലംബം ആവശ്യമാണ്].

അവലംബംതിരുത്തുക

[1][2]

[3]

  1. "യേശുവും മർയവും ഖുർആനിലും ബൈബിളിലും" (PDF).
  2. Veitschegger, Karl. "Jesus in den anderen Religionen". ശേഖരിച്ചത് 2008-03-17.
  3. "ഈസാ നബി".

പുറത്തേക്കുള്ള കണ്ണികൾതിരുത്തുക


"https://ml.wikipedia.org/w/index.php?title=ഈസാ&oldid=3603429" എന്ന താളിൽനിന്ന് ശേഖരിച്ചത്