സദാശിവ ബ്രഹ്മേന്ദ്രർ
18-ആം നൂറ്റാണ്ടിൽ തമിഴ്നാട്ടിലെ കുംഭകോണത്തിനു സമീപം ജീവിച്ചിരുന്ന ഒരു അദ്വൈതചിന്തകനും സംഗീതകാരനും ആയിരുന്നു സദാശിവ ബ്രഹ്മേന്ദ്ര അഥവാ സദാശിവ ബ്രഹ്മേന്ദ്രർ. പൊതുവേ സംസ്കൃതത്തിൽ രചിക്കപ്പെട്ടിരുന്ന അദ്ദേഹത്തിന്റെ ഒട്ടുമിക്ക കൃതികളും നഷ്ടപ്പെട്ടുപോയെങ്കിലും അവശേഷിക്കുന്ന ചിലതു തന്നെ അദ്ദേഹത്തിന്റെ ലക്ഷണമൊത്ത കർണ്ണാടകസംഗീതരചനാപാടവം തെളിയിക്കുന്നു.[2]
Sadasiva Brahmendra | |
|---|---|
| ജനനം | 17th-early 18th century Madurai, later moved to Thiruvisanallur, Kumbakonam[1] |
| മരണം | Apr-May 1755 (Vaishaka Sukla Dasami) Nerur (Tamil Nadu), near Karur, Tamil Nadu |
| പ്രധാന തീർത്ഥാടനകേന്ദ്രം | Adishtanam at Nerur (Tamil Nadu), Manamadurai |
ജീവിതം
തിരുത്തുകമോക്ഷസോമസുന്ദര അവധാനി, പാർവ്വതി എന്നീ ദമ്പതികളുടെ പുത്രനായാണു് സദാശിവൻ ജനിച്ചതു്. [3]ശിവരാമകൃഷ്ണൻ എന്നായിരുന്നു യഥാർത്ഥനാമം. പതിനേഴാമത്തെ വയസ്സിൽ അദ്ദേഹത്തിന്റെ വിവാഹം കഴിഞ്ഞു. പലപ്പോഴും അദ്ദേഹം അർദ്ധനഗ്നനായോ പൂർണ്ണനഗ്നനായോ ചിന്താമഗ്നനായി അലഞ്ഞുതിരിഞ്ഞുനടന്നിരുന്നുവത്രേ. സമൂഹത്തിന്റെ മുഖ്യധാരയിൽ നിന്നും വേറിട്ട് ജീവിച്ച അദ്ദേഹം മിക്കപ്പോഴും ധ്യാനത്തിലേർപ്പെട്ടു. “പരമലഹരിയിൽ” മുഴുകിയ ഒരാൾ എന്ന് മറ്റുള്ളവർ അദ്ദേഹത്തെ വിവരിച്ചിരുന്നു.[4]
തിരുച്ചിറപ്പള്ളിയ്ക്കു 100 കിലോമീറ്റർ പടിഞ്ഞാറുള്ള നേരൂർ എന്ന സ്ഥലത്തുവെച്ച് അദ്ദേഹം സമാധി പ്രാപിച്ചു. ക്രി.വ. 1762-ലാണു് അദ്ദേഹത്തിന്റെ മരണം എന്നു വിശ്വസിക്കപ്പെടുന്നു.
കൃതികൾ
തിരുത്തുകഅദ്വൈതരസമഞ്ജരി, ബ്രഹ്മതത്വപ്രകാശിക, യോഗസുധാകരം എന്നീ സംസ്കൃതകൃതികൾ അദ്ദേഹം രചിച്ചു. അദ്വൈതതത്വശാസ്ത്രത്തിന്റെ ചിന്തകൾ ഉൾക്കൊള്ളുന്ന ഒട്ടനവധി കർണ്ണാടകസംഗീത കീർത്തനങ്ങളും അദ്ദേഹത്തിന്റേതായിട്ടുണ്ടു്. പിൽക്കാലത്തു് പ്രചുരപ്രധാനമായ ഇവയിൽ ചിലതു്:
- ഭജരേ രഘുവീരം (രാഗം: മോഹനം/ ജോൻപുരി)
- ഭജരേ ഗോപാലം ( രാഗം: ഹിന്ദോളം)
- ഭജരേ യദുനാഥം (രാഗം: പിലൂ)
- മാനസ സഞ്ചര രേ (രാഗം: ശ്യാമ)
- സർവ്വം ബ്രഹ്മമയം (രാഗം: മധുവന്തി / ജിഞ്ജോടി)
- പിബരേ രാമരസം (രാഗം: ആഹിർ ഭൈരവി)
- ആനന്ദ പൂർണ്ണ (രാഗം; മദ്ധ്യമാവതി)
- ബ്രഹ്മൈ വാഹം (രാഗം: നാഥനാമക്രിയ)
- ബ്രൂഹി മുകുന്ദേതി (രാഗം: കുറിഞ്ഞി)
- ചേതഃ ശ്രീ രാമം (രാഗം: കേദാരഗൗള)
- ചിന്താ നാസ്തി കില (രാഗം: ഷഹാന)
- ഗായതി വനമാലീ (രാഗം: ദുർഗ)
- ഖേലതി മമ ഹൃദയേ (രാഗം: അഠാണ)
- ഖേലതി പിണ്ഡാണ്ഡേ (രാഗം: ശുദ്ധ ധന്യാസി)
- ക്രീഡതി വനമാലീ (രാഗം: സിന്ധുഭൈരവി)
- കൃഷ്ണ പാഹി (രാഗം: മദ്ധ്യമാവതി)
- നഹിരേ നഹി (രാഗം: മോഹനം)
- പൂർണ്ണം ബോധോ അഹം (രാഗം: കല്യാണി)
- പ്രതിവാരം വാരം (രാഗം: തിലാങ്)
- സ്മരവാരം വാരം (രാഗം: കാപി)
- തത്വ ജീവത്വം (രാഗം: കീരവാണി)
- തുങ്ഗദരങ്ഗേ (രാഗം: കുന്തളവരാളി)
അവലംബം
തിരുത്തുക- ↑ "Sadasiva Brahmendra (18th Century)". Retrieved 2 December 2010.
- ↑ "Commentaries of Sadasiva Brahmendra on Brahmasutra & Yogasutra". 2010-07-29. Retrieved 2 December 2010.
- ↑ "Arulmigu Sri Sadasiva Brahmendra". nerureswarartemple.tnhrce.in. Archived from the original on 2020-08-07. Retrieved 2021-08-19.
- ↑ "Sri Sadashiva Brahmendra – the Avadhuta". 27 May 2010. Retrieved 2 December 2010.
ബാഹ്യ ലിങ്കുകൾ
തിരുത്തുക- Sri Kailasha Ashramam Archived 2015-02-24 at the Wayback Machine. (in English)
- SADASIVA BRAHMENDRA SARASVATI by N. RAGHUNATHAN M.A., B.L. (in English)
- Santa Shreshta Sadasiva Bramhendra and his miracles Archived 2019-12-28 at the Wayback Machine. (in English)
കൂടുതൽ വായനയ്ക്ക്
തിരുത്തുകBrahmatatvaprakasika nama Brahmasutravrttih - http://www.dkagencies.com/doc/from/1023/to/1123/bkId/DK8263321716226271789703045171/details.html