ശ്യാം പുഷ്കരൻ

ഒരു മലയാള ചലച്ചിത്ര തിരക്കഥാകൃത്താണ് ശ്യാം പുഷ്കരൻ. ദിലീഷ് നായരുമായി ചേർന്ന് രചന നിർവഹിച്ച് 2011ൽ പുറത്തിറങ്ങിയ സോൾട്ട് ആന്റ് പെപ്പർ ആണ് ആദ്യ ചലച്ചിത്രം. മികച്ച തിരക്കഥാകൃത്തിനുള്ള ദേശീയ ചലച്ചിത്ര പുരസ്കാരം ലഭിച്ചിട്ടുണ്ട്.

ശ്യാം പുഷ്കരൻ
ജനനം	തുറവൂർ, ചേർത്തല
തൊഴിൽ	തിരക്കഥാകൃത്ത്
സജീവ കാലം	2011–
ജീവിതപങ്കാളി(കൾ)	ഉണ്ണിമായ പ്രസാദ് ​ (m. 2012)​
പുരസ്കാരങ്ങൾ	മികച്ച തിരക്കഥാകൃത്തിനുള്ള ദേശീയ ചലച്ചിത്ര പുരസ്കാരം 2016 മികച്ച തിരക്കഥാകൃത്തിനുള്ള കേരളസംസ്ഥാന ചലച്ചിത്ര പുരസ്കാരം 2016

ജീവിതരേഖ

1984 സെപ്റ്റംബർ 6ന് ആലപ്പുഴ ജില്ലയിലെ തുറവൂരിൽ ജനിച്ചു. മാംഗ്ലൂർ സർവകലാശാലയിൽനിന്നും ബിരുദം നേടി. 2011ൽ പുറത്തിറങ്ങിയ സോൾട്ട് ആന്റ് പെപ്പറിന്റെ തിരക്കഥ രചിച്ചു. 2012ൽ ടാ തടിയാ എന്ന ചലച്ചിത്രത്തിന്റെ തിരക്കഥാരചന നിർവഹിച്ചു. 2016ൽ ദിലീഷ് പോത്തൻ സംവിധാനം ചെയ്ത മഹേഷിന്റെ പ്രതികാരം എന്ന ചലച്ചിത്രത്തിന്റെ രചനയ്ക്ക് മികച്ച തിരക്കഥാകൃത്തിനുള്ള 2016ലെ ദേശീയ ചലച്ചിത്ര പുരസ്കാരവും കേരള സംസ്ഥാന ചലച്ചിത്ര പുരസ്കാരവും ലഭിച്ചു.

ചലച്ചിത്രങ്ങൾ

വർഷം	ചലച്ചിത്രം	സഹപ്രവർത്തകർ
2011	സോൾട്ട് ആന്റ് പെപ്പർ	ദിലീഷ് നായർ
2012	22 ഫീമെയിൽ കോട്ടയം	അഭിലാഷ് എസ്. കുമാർ
2012	ടാ തടിയാ	ദിലീഷ് നായർ, അഭിലാഷ് എസ്. കുമാർ
2013	5 സുന്ദരികൾ	മുനീർ അലി
2013	ഇടുക്കി ഗോൾഡ്	ദിലീഷ് നായർ
2014	ഇയ്യോബിന്റെ പുസ്തകം	ഗോപൻ ചിതംബരൻ
2015	റാണി പത്മിനി	രവിശങ്കർ
2016	മഹേഷിന്റെ പ്രതികാരം
2017	തൊണ്ടിമുതലും ദൃക്സാക്ഷിയും
2017	മായാനദി	ദിലീഷ് നായർ
2019	കുമ്പളങ്ങി നൈറ്റ്സ്	ദിലീഷ് പോത്തൻ

പുരസ്കാരങ്ങൾ

• മികച്ച തിരക്കഥാകൃത്തിനുള്ള കേരള സംസ്ഥാന ചലച്ചിത്ര പുരസ്കാരം 2016
• മികച്ച തിരക്കഥാകൃത്തിനുള്ള ദേശീയ ചലച്ചിത്ര പുരസ്കാരം 2016