ഫലകം:സമകാലികം/ഏപ്രിൽ 2010

ഏപ്രിൽ 30 - കേരള കോൺഗ്രസ് മാണി വിഭാഗവും, ജോസഫ് വിഭാഗവും ലയിച്ച്, യു.ഡി.എഫിൽ പ്രവർത്തിക്കാൻ തീരുമാനിച്ചതിനെ തുടർന്ന്, എൽ.ഡി.എഫ്. പൊതുമരാമത്ത് മന്ത്രിയായിരുന്ന പി.ജെ. ജോസഫിനെ കേരള മന്ത്രിസഭയിൽ നിന്ന് പുറത്താക്കി.
ഏപ്രിൽ 29 - ഭാരതം തദ്ദേശീയമായി നിർമ്മിച്ച ആദ്യ ആധുനിക യുദ്ധക്കപ്പലായ ഐ.എൻ.എസ്. ശിവാലിക്, പ്രതിരോധ മന്ത്രി എ.കെ. ആന്റണി രാഷ്ട്രത്തിനു സമർപ്പിച്ചു.

ഏപ്രിൽ 29 - ഉബുണ്ടുവിന്റെ പുതിയ പതിപ്പായ ലൂസിഡ് ലിൻക്സ് പുറത്തിറങ്ങി.
ഏപ്രിൽ 28 - 2010-ലെ മുട്ടത്തുവർക്കി സാഹിത്യ പുരസ്കാരത്തിനു് പി. വത്സല അർഹയായി.
ഏപ്രിൽ 26 - മുൻ എം.പിയും നിയമസഭാ സ്പീക്കറുമായിരുന്ന വർക്കല രാധാകൃഷ്ണൻ അന്തരിച്ചു.
ഏപ്രിൽ 25 - 2010-ലെ ഇന്ത്യൻ പ്രീമിയർ ലീഗ് കലാശക്കളിയിൽ മുംബൈ ഇന്ത്യൻസിനെ 22 റൺസിനു തോല്പ്പിച്ച് ചെന്നൈ സൂപ്പർ കിംഗ്സ് ജേതാക്കളായി.
ഏപ്രിൽ 18 - ഐ.പി.എൽ. കൊച്ചി ടീം സംബന്ധിച്ചുണ്ടായ വിവാദങ്ങളെത്തുടർന്ന് കേന്ദ്ര വിദേശകാര്യ സഹമന്ത്രി ശശി തരൂർ രാജിവെച്ചു.
ഏപ്രിൽ 10 - റഷ്യയിൽ വിമാനം തകർന്ന് പോളിഷ് പ്രസിഡന്റ് അടക്കം 96 പേർ കൊല്ലപ്പെട്ടു.

ഏപ്രിൽ 6 - 2009-ലെ കേരള സംസ്ഥാന ചലച്ചിത്ര പുരസ്കാരങ്ങൾ പ്രഖ്യാപിച്ചു. മമ്മൂട്ടി മികച്ച നടനായും, ശ്വേത മേനോൻ മികച്ച നടിയായും, ഹരിഹരൻ മികച്ച സം‌വിധായകനായും, പാലേരി മാണിക്യം ഒരു പാതിരാകൊലപാതകത്തിന്റെ കഥ മികച്ച ചിത്രമായും തിരഞ്ഞെടുത്തു
ഏപ്രിൽ 1 - ഇന്ത്യൻ സർക്കാർ, എല്ലാ ആറുവയസിനും പതിനാലു വയസിനും മദ്ധ്യേയുള്ള കുട്ടികൾക്ക് ലഭിക്കേണ്ട നിർബന്ധിത മൗലികാവകാശമായി വിദ്യാഭ്യാസം പുനർനിർവചിച്ചു.