ദേവികുളം ബ്ലോക്ക് പഞ്ചായത്ത്

ഇടുക്കി ജില്ലയിലെ ദേവികുളം, ഉടുമ്പൻചോല താലൂക്കുകളിൽ സ്ഥിതി ചെയ്യുന്ന ബ്ളോക്ക് പഞ്ചായത്താണ് ദേവികുളം. 12 ഡിവിഷനുകൾ ഉള്ള ഈ ബ്ലോക്ക് പഞ്ചായത്തിൽ മറയൂർ, മൂന്നാർ, കാന്തല്ലൂർ,വട്ടവട, ശാന്തൻപാറ,ചിന്നക്കനാൽ, മാങ്കുളം ,എന്നീ ഏഴ് ഗ്രാമപഞ്ചായത്തുകളും, 2010 നവംബർ 1നു രൂപീകൃതമായ കേരളത്തിലെ ഏക ആദിവാസി ഗ്രാമ പഞ്ചായത്തായ ഇടമലക്കുടിയും ഉൾപ്പെടുന്നു. 994.49 ചതുരശ്രകിലോമീറ്റർ വിസ്തൃതിയുള്ള ഈ ബ്ലോക്ക് പഞ്ചായത്ത് 1963 ജൂലൈ 1-നാണ് രൂപീകൃതമായത്.

മറയൂർ, കണ്ണൻദേവൻ ഹിൽസ്, കാന്തല്ലൂർ, വട്ടവട, പൂപ്പാറ, ചിന്നക്കനാൽ, മാങ്കുളം, കീഴന്തൂർ, ശാന്തൻപാറ എന്നീ വില്ലേജുകളാണ് ദേവികുളം ബ്ലോക്ക് പഞ്ചായത്തിൽ ഉൾപ്പെടുന്നത്

അതിരുകൾ

• വടക്ക് - തമിഴ്നാട് സംസ്ഥാനം, കോയമ്പത്തൂർ ജില്ല
• കിഴക്ക് - തമിഴ്നാട്ടിലെ മധുര ജില്ല
• തെക്ക് - നെടുങ്കണ്ടം ബ്ലോക്ക് പഞ്ചായത്ത്, അടിമാലി ബ്ലോക്ക് പഞ്ചായത്ത്
• പടിഞ്ഞാറ് - അടിമാലി ബ്ലോക്ക് പഞ്ചായത്ത്

പൊതുവിവരങ്ങൾ

പൊതുവിവരങ്ങൾ:- 2001 ലെ ജനസംഖ്യാ കണക്കെടുപ്പനുസരിച്ച്:

ജില്ല	ഇടുക്കി
ബ്ലോക്ക്	ദേവികുളം
വിസ്തീർണ്ണം	994.49
ഡിവിഷനുകളുടെ എണ്ണം	12
ജനസംഖ്യ	127830
പുരുഷൻമാർ	65453
സ്ത്രീകൾ	62377
ജനസാന്ദ്രത	129
സ്ത്രീ : പുരുഷ അനുപാതം	953
മൊത്തം സാക്ഷരത	71
സാക്ഷരത (പുരുഷൻമാർ)	80
സാക്ഷരത (സ്ത്രീകൾ)	61