കേരള നവോത്ഥാന പ്രസ്ഥാനം
കേരള നവോത്ഥാന പ്രസ്ഥാനം പത്തൊൻപതാം നൂറ്റാണ്ടിന്റെ അവസാനത്തോടെ ആരംഭിച്ച ഒരു സാമൂഹ്യ-സാംസ്കാരിക മുന്നേറ്റമായിരുന്നു. ഇത് അന്നത്തെ കേരളത്തിലെ സാമൂഹ്യജീവിതത്തിൽ വലിയ തോതിലുള്ള മാറ്റങ്ങൾക്ക് തുടക്കമിട്ടു.ഇന്ത്യയിൽ പത്തൊൻപതാം നൂറ്റാണ്ടിൽ ഏറ്റവും ശക്തമായ സ്ഥലമായിരുന്നു കേരളം
പശ്ചാത്തലം
തിരുത്തുകകേരളത്തിന്റെ സാമൂഹ്യ മാറ്റങ്ങളുടെ അടിസ്ഥാനം പതിനാറാം നൂറ്റാണ്ടോളം പഴക്കമുള്ളതാണ്. തുഞ്ചത്തെഴുത്തച്ഛനെ പോലെ ഉള്ള രചയിതാക്കളുടെ സ്വാധീനത്തിൽ ആധുനിക മലയാളഭാഷ രൂപം കൊണ്ടതും ഭക്തിപ്രസ്ഥാനത്തിന്റെ വളർച്ചയും സാഹിത്യത്തിനും അറിവിനും മേൽ ബ്രാഹ്മണർക്ക് ഉണ്ടായിരുന്ന കുത്തക തകർക്കാൻ സഹായിച്ചു.
ആദ്യം പോർട്ടുഗീസുകാരും പിന്നീട് ഡച്ചുകാരും ഒടുവിൽ ഇംഗ്ലീഷുകാരും എത്തിയത് ഈ മാറ്റങ്ങൾക്ക് രാസത്വരകമായിത്തീർന്നു. യൂറോപ്യൻ മിഷണറിമാരുടെ വരവോടെ വിദ്യാഭ്യാസസ്ഥാപനങ്ങൾ ഉണ്ടായിത്തുടങ്ങുകയും ഈഴവർ [1]പോലെ ഉള്ള ജാതിസമുദായങ്ങൾക്കിടയിൽ വിദ്യാഭ്യാസം നേടിയ ഒരു വിഭാഗം ആളുകൾ ഉണ്ടായി വരികയും ചെയ്തു.[2][3]
നാടുവാഴിത്തത്തിന് അന്ത്യം കുറിച്ചുകൊണ്ട് തിരുവിതാംകൂറിലും കൊച്ചിയിലും കേന്ദ്രീകൃത രാജവംശങ്ങൾ നിലവിൽ വന്നത് നാടുവാഴിത്തത്തെ ദുർബലപ്പെടുത്തിയതും ഈ മാറ്റങ്ങൾക്ക് പശ്ചാത്തലമൊരുക്കി. കേരളത്തിലേക്കുള്ള മൈസൂരിന്റെ കടന്നുകയറ്റം(1766-1792) നമ്പൂതിരി, നായർ തുടങ്ങിയ വരേണ്യവിഭാഗങ്ങൾക്ക് അധികാരത്തിന്മേലുള്ള സ്വാധീനം ദുർബലപ്പെടുത്തി. മൈസൂരുകാർ ജാതിവ്യവസ്ഥയെ വകവെച്ചിരുന്നില്ല. ഉത്തരകേരളത്തിലെ പല നമ്പൂതിരി, നായർ കുടുംബങ്ങൾക്കും വേട്ടയാടലിൽ നിന്ന് രക്ഷനേടാനായി തെക്കൻ കേരളത്തിലേക്ക് ഓടിപ്പോകേണ്ടി വന്നു.
ഉത്തരേന്ത്യയിൽ നിന്ന് വിഭിന്നമായി കേരളത്തിലെ നവോത്ഥാനം കീഴാളവർഗങ്ങളുടെ നേതൃത്വത്തിലായിരുന്നു നടന്നത്. നാരായണ ഗുരു, അയ്യൻകാളി തുടങ്ങിയവർ പത്തൊൻപതാം നൂറ്റാണ്ടിലെ സാമൂഹ്യ സാഹചര്യങ്ങളിൽ പിന്നോക്ക ജാതികളായി കണക്കാക്കപ്പെട്ടിരുന്ന ജാതികളിൽ പെട്ടവരായിരുന്നു. അതുകൊണ്ടുതന്നെ, ജാതി നവീകരിക്കുന്നതിനേക്കാൾ അവരുടെ ഊന്നൽ ജാതി സമ്പ്രദായത്തിന് അന്ത്യംകുറിക്കുന്നതിലായിരുന്നു.[4]
നേതാക്കൾ
തിരുത്തുകകേരളത്തിൽ നിന്നുള്ള പ്രമുഖ നേതാക്കൾ
സംഭവങ്ങളുടെ പട്ടിക
തിരുത്തുക- 1813-1859 : ചാന്നാർ ലഹള
- 1836 സമത്വ സമാജം രൂപീകരിക്കുന്നു
- 1846 : കുര്യാക്കോസ് ഏലിയാസ് ചാവറ ആദ്യത്തെ കാത്തലിക് സംസ്കൃത സ്കൂൾ ആരംഭിച്ചു
- 1888 : ശ്രീനാരായണഗുരുനാരായണഗുരു വിന്റെ അരുവിപ്പുറം പ്രതിഷ്ഠ
- 1891 - മലയാളി മെമ്മോറിയൽ
- 1892 : സ്വാമി വിവേകാനന്ദൻ കേരളം സന്ദർശിക്കുന്നു
- 1893 : അയ്യങ്കാളിയുടെ വില്ലുവണ്ടി സമരം
- 1896 : ശ്രീ മൂലം തിരുനാളിന് ഈഴവ മെമ്മോറിയൽ സമർപ്പിക്കുന്നു
- 1893 :ഡോ. അയ്യത്താൻ ഗോപാലൻ കേരളത്തിൽ ബ്രഹ്മസമാജം ഏർപ്പെടുത്തി
- 1898 : ഡോ. അയ്യത്താൻ ഗോപാലൻ ബ്രഹ്മസമാജത്തിന്റെ കേരളത്തിലെ ആദ്യത്തെ ശാഖ കോഴിക്കോട് സ്ഥാപിച്ചു)
- 1900 : ബാലന്മാരിലും,വിദ്യാർത്ഥികളിലും മാനവികതയുടെ മൂല്യങ്ങൾ വളർത്തിയെടുക്കുന്നതിനും, സാമൂഹിക പ്രവർത്തനങ്ങളിലേക്ക് അവരെ ആകർഷിക്കുന്നതിനും, സ്ത്രീകളുടെ അവകാശങ്ങൾ സംരക്ഷിക്കുന്നതിനുംഡോ. അയ്യത്താൻ ഗോപാലൻ സുഗുണവർധിനിപ്രസ്ഥാനം രൂപീകരിക്കുന്നു.
- 1900 :കോഴിക്കോട്ട് പ്രത്യേക ബ്രഹ്മമന്ദിരം (ഹാൾ) പൊതുജനങ്ങൾക്കായി തുറന്നു. (ഇപ്പോൾ ഇത് കോഴിക്കോടുള്ള അയ്യത്താൻ ഗോപാലൻ മെമ്മോറിയൽ സ്കൂൾ) ബ്രഹ്മമന്ദിരം ഉദ്ഘാടനം ചെയ്തത് അന്നത്തേ സാമൂതിരി രാജാവായ മാന വിക്രമൻ എട്ടൻ തമ്പുരൻ ആയിരുന്നു.
- 1903 : എസ്.എൻ.ഡി.പി രൂപീകരണം
- 1907 : അയ്യങ്കാളി സാധുജന പരിപാലന സംഘം രൂപീകരിക്കുന്നു.
- 1909 : ഹാരിജനങ്ങളുടെ ഉന്നമനത്തിനായി ഡിപ്രസ്ഡ് ക്ലാസ്സെസ് മിഷൻ (Depressed Classes Mission) സംഘടന ഡോ. അയ്യത്താൻ ഗോപാലൻ രൂപീകരിക്കുന്നു. ലേഡി ചന്ദാവർക്കർ പ്രാഥമിക വിദ്യാലയം തുറന്നു, ദളിതർക്കും, താഴ്ന്ന വിഭാഗങ്ങൾക്കും, പെൺകുട്ടികൾക്കും സൗജന്യ വിദ്യാഭ്യാസം നൽകി.
- 1909 : പൊയ്‌കയിൽ യോഹന്നാൻ പ്രത്യക്ഷ രക്ഷാ ദൈവസഭ രൂപീകരിക്കുന്നു
- 1913 കൊച്ചിയിൽ കായൽ സമ്മേളനം പണ്ഡിറ്റ് കെ.പി.കറുപ്പൻ സംഘടിപ്പിക്കുന്നു
- 1915 : അയ്യങ്കാളിയുടെ നേതൃത്വത്തിൽ കല്ലുമാല സമരം
- 1914 : നായർ സർവീസ് സൊസൈറ്റി രൂപീകരണം
- 1917 : സഹോദരൻ അയ്യപ്പന്റെ നേതൃത്വത്തിൽ മിശ്രഭോജനം
- 1919 : വി.ടി.ഭട്ടതിരിപ്പാടിന്റെ നേതൃത്വത്തിൽ നമ്പൂതിരി യുവജന സംഘം രൂപീകരിക്കുന്നു
- 1924 : വൈക്കം സത്യാഗ്രഹം
- 1924 : ഡോ. അയ്യത്താൻ ഗോപാലൻ കേരളത്തിൽ ബ്രഹ്മസമാജം തെക്കൻ കേരളത്തിൽ (ആലപ്പുഴയിൽ) ഏർപ്പെടുത്തി.
- 1928 : ഡോ. അയ്യത്താൻ ഗോപാലൻ ആലപ്പുഴയിൽ ബ്രഹ്മമന്ദിരം നിർമ്മിച്ചു.
- 1931-1932 : ഗുരുവായൂർ സത്യാഗ്രഹം
- 1935 : എം.സി. ജോസഫും പനമ്പള്ള് ഗോവിന്ദ മേനോനും ചേർന്ന് യുക്തിവാദി സംഘം സ്ഥാപിച്ചു.
- 1936 : ക്ഷേത്രപ്രവേശന വിളംബരം
അവലംബം
തിരുത്തുക- ↑ Modern Kerala, Studies in social and agrarian relations (1988). Modern Kerala:Studies in social and agrarian relation by K.K.N.Kurup. mittal publications 1988: K.K.N.Kurup. 1988. 1988. pp. pp. p. 86.
{{cite book}}:|pages=has extra text (help) - ↑ A Sreedhara Menon, "Cultural heritage of Kerala" , p.245
- ↑ Modern Kerala, Studies in social and agrarian relations (1988). Modern Kerala:Studies in social and agrarian relation by K.K.N.Kurup. . mittal publications 1988: publications 1988: K.K.N.Kurup. 1988. 1988. pp. pp. p. 86.
{{cite book}}:|pages=has extra text (help) - ↑ http://www.frontline.in/the-nation/three-phases-of-indian-renaissance/article9541139.ece#test