പീരുമേട്

പീരുമേട്
പീരുമേട്
ഗ്രാമം
	പീരുമേട്ടിലെ പരുന്തുപാറയുടെ വീക്ഷണം
	പീരുമേട്
	Coordinates: 9°33′02″N 77°01′49″E / 9.5505100°N 77.0302580°E
Country	India
State	Kerala
District	Idukki
ഭരണസമ്പ്രദായം
• ഭരണസമിതി	പീരുമേട് ഗ്രാമപഞ്ചായത്ത്
വിസ്തീർണ്ണം
• ആകെ	114.75 ച.കി.മീ.(44.31 ച മൈ)
ജനസംഖ്യ (2001)
• ആകെ	25,768
• ജനസാന്ദ്രത	220/ച.കി.മീ.(580/ച മൈ)
Languages
• Official	Malayalam, English
സമയമേഖല	UTC+5:30 (IST)
PIN	685531
ഏരിയ കോഡ്	04869
വാഹന റെജിസ്ട്രേഷൻ	KL-37
വെബ്സൈറ്റ്	[1]

കേരളത്തിലെ ഇടുക്കി ജില്ലയിലെ തേക്കടിയിലേക്കുള്ള വഴിയിലെ ഒരു ചെറിയ മലമ്പ്രദേശ പട്ടണമാണ് പീരുമേട്. സമുദ്ര നിരപ്പിൽ നിന്ന് 915 മീ ഉയരത്തിൽ സ്ഥിതി ചെയ്യുന്ന ഈ സ്ഥലം സുഖകരമായ കാലാവസ്ഥ, പ്രകൃതി മനോഹാരിത എന്നിവയ്ക്ക് പ്രസിദ്ധമാണ്‌. കോട്ടയം-കുമിളി റോഡിൽ (ഇപ്പോൾ കൊല്ലം -തേനി ദേശീയ പാത) കോട്ടയത്തു നിന്നും ഏകദേശം 75 കി.മി. ദൂരത്തിലാണ് ഈ പ്രദേശം സ്ഥിതിചെയ്യുന്നത്.

ചരിത്രം

പീരുമേട് (1900)

പീരുമേടിന്റെ പഴയ പേര് അഴുത എന്നായിരുന്നു. പീരുമേട് തിരുവിതാംകൂർ രാ‍ജാവിന്റെ വേനൽക്കാല വാസസ്ഥലമായിരുന്നു. വേനൽക്കാല വസതിയായിരുന്ന കെട്ടിടം പിന്നീട് പൂഞ്ഞാർ രാജത്തിന്റെ കൈവശമായി. ഇപ്പോൾ ഇത് സ്വകാര്യ കൈവശത്തിലാണ്. പ്രമുഖ സിദ്ധനും സൂഫി സന്യാസിയുമായിരുന്ന പീർമുഹമ്മദ് വലിയുല്ലാഹ് ദീർഘകാലം ധ്യാനത്തിന് തെരഞ്ഞെടുത്ത മലയായത് കൊണ്ടാണ് പീരുമേട് എന്ന് പേര് വന്നത്.

പ്രത്യേകതകൾ

ചെറിയ വെള്ളച്ചാട്ടങ്ങളും പുൽമൈതാനങ്ങളും, പൈൻ മരങ്ങളും ഇവിടുത്തെ പ്രധാന ആകർഷണങ്ങളാണ്. ഇന്ത്യയിലെ പ്രധാന വന്യ ജീവി സങ്കേതമായ പെരിയാർ വന്യ ജീവി സങ്കേതം ഇവിടെ നിന്ന് 43 കി.മി ദൂരത്തിലാണ്. കൂടാതെ മുല്ലപ്പെരിയാർ അണക്കെട്ട്, മംഗളാദേവി ക്ഷേത്രം, പാഞ്ചാലിമേട്, പരുന്തുപാറ, വാഗമൺ, തേക്കടി തടാകം എന്നിവ പീരുമേട് താലൂക്ക് പരിധിക്കുള്ളിലാണ്‌. അഴുതയാർ പീരുമേട്ടിൽ നിന്ന് ഉത്ഭവിക്കുന്ന നദിയാണ്. പീർ മുഹമ്മദ് എന്ന സൂഫി സന്ന്യാസിയുടെ ശവകുടീരം ഇവിടെയുണ്ട്. കേരളത്തിലെ ഏറ്റവും വിസ്തീർണ്ണമുള്ള താലൂക്ക് പീരുമേടാണ്^[1]^[2].

സുഗന്ധദ്രവ്യങ്ങൾ

ഈ പ്രദേശത്ത് ധാരാളം സുഗന്ധദ്രവ്യ കൃഷി സ്ഥിതി ചെയ്യുന്നു. ഇതിൽ പ്രധാനം കാപ്പി, തേയില, ഏലം എന്നിവയാണ്.^[3] കൂടാതെ കൃഷിക്ക് നല്ല അനുയോജ്യമായ മണ്ണുള്ളത് കൊണ്ട് കുരുമുളക്, അരിമുളക്, ഇഞ്ചി, മഞ്ഞൾ എന്നിവയും ഇവിടെ കാണപ്പെടുന്നു.^[4] കൂടാതെ അടുത്ത കാലത്തായി വാനില കൃഷിയും ഈ ഭാഗത്ത് ധാരാളമായി കണ്ടുവരുന്നു.^[5]