ഏഴോം ഗ്രാമപഞ്ചായത്ത്
കേരളത്തിലെ കണ്ണൂർ ജില്ലയിലെ കല്ല്യാശ്ശേരി ബ്ലോക്കിലെ ഒരു ഗ്രാമപഞ്ചായത്താണ് ഏഴോം ഗ്രാമപഞ്ചായത്ത്.[1] ഏഴ് അമ്പലങ്ങളിൽ ഓം എന്നു എഴുതിയ നാടാണ് എഴോം എന്നു ചില ചരിത്രകാരന്മാർ രേഖപ്പെടുത്തിയിട്ടുണ്ട്. [അവലംബം ആവശ്യമാണ്] കേരളത്തിൽ കമ്യൂണിസ്റ്റുകാർ നടത്തിയ കർഷക സമരചരിത്രത്തിൽ ഇടം നേടിയ നാടാണിത്. തളിപ്പറമ്പ് നഗരസഭയിലെ കുപ്പം മുതൽ മാടായി പഞ്ചായത്തിലെ പഴയങ്ങാടി വരെയുള്ള പ്രദേശമാണ് ഏഴോം.
2001ലെ ഇന്ത്യൻ കാനേഷുമാരി പ്രകാരം ഇവിടത്തെ ജനസംഖ്യ 18479 ആണ്. ഇതിൽ 8710 പുരുഷന്മാരും 9769 സ്ത്രീകളുമുണ്ട്.[1] ഇന്ത്യ യിലെ ആദ്യത്തെ സമ്പൂർണ സാക്ഷരത നേടിയ ഗ്രാമ പഞ്ചായത്ത് ആണ് എഴോം പഞ്ചായത്ത് . 1984 മുതൽ തുടങ്ങിയ കൂട്ടായ ശ്രമത്തിലൂടെ കാൻഫെഡും ഗ്രാമത്തിലെ ജനങ്ങളും നടത്തിയ പരിശ്രമം കൊണ്ട് നേടിയെടുത്തതാണ് ഈനേട്ടം. ഇതിനു മുൻ കൈ എടുത്ത്‌ വിജയിപ്പിച്ചതിൽ പ്രമുഖരാണ് പി. എൻ. പണിക്കരും,പി.ടി.ഭാസ്കരപണിക്കരും ,വി. ആർ.വി.എഴോം എന്ന രവിമാഷുമാണ്.
അതിർത്തികൾ
തിരുത്തുകമാടായി ഗ്രാമപഞ്ചായത്ത്, തളിപ്പറമ്പ് നഗരസഭ, ചെറുതാഴം ഗ്രാമപഞ്ചായത്ത്, പഴയങ്ങാടി-കുപ്പം പുഴ എന്നിവയാണ് ഇതിന്റെ അതിർത്തികൾ.
വാർഡുകൾ
തിരുത്തുകപ്രത്യേകതകൾ
തിരുത്തുക
ജില്ലയുടെ നെല്ലറ എന്ന് അറിയപ്പെടുന്നു[അവലംബം ആവശ്യമാണ്]. ഇത് കല്ല്യാശ്ശേരി നിയമസഭമണ്ഡലത്തിലെ ഗ്രാമപഞ്ചായത്താണ്. ചിറയ്ക്കൽ താലൂക്കിലെ അക്യാബ് എന്നാണ് പണ്ടുകാലത്ത് ഈ പ്രദേശം അറിയപ്പെട്ടിരുന്നത്. പഴയ മദിരാശി സംസ്ഥാനത്തിന്റെ ഭാഗമായിരുന്ന മലബാർ ജില്ലയിലെ ചിറയ്ക്കൽ താലൂക്കിലുൾപ്പെട്ട ഏഴോം വില്ലേജ് എന്നറിയപ്പെട്ടിരുന്ന പ്രദേശമാണ് ഇന്നത്തെ ഏഴോം ഗ്രാമപഞ്ചായത്തായി രൂപം പ്രാപിച്ചത്. 1950-ലെ മദ്രാസ് വില്ലേജുപഞ്ചായത്ത് ആക്ട് പ്രകാരം 1954-ലാണ് ഏഴോം പഞ്ചായത്ത് രൂപീകൃതമാവുന്നത്. ഗ്രാമവികസനരംഗത്ത് സുസംഘടിതമായ പഞ്ചായത്തു ഭരണസംവിധാനം നിലവിൽ വന്നത് 1956-ലാണ്. ടി.പി.കുഞ്ഞിരാമൻ ആയിരുന്നു ആദ്യപ്രസിഡന്റ്.[2] കുന്നുകളും വയലേലകളും ഉള്ള ഭൂപ്രകൃതിയാണ് ഇവിടെ കാണപ്പെടുന്നത്. ഇവിടത്തെ ജനങ്ങൾക്ക് കൃഷിയാണ് പ്രധാന തൊഴിൽ. കണ്ടൽക്കാടുകളുടെ സം‌രക്ഷൻ എന്നറിയപ്പെടുന്ന പൊക്കുടൻ ഈ ഗ്രാമക്കാരനാണ്. കൈപ്പാട് രീതിയിൽ കൃഷി നടത്തുന്ന സംസ്ഥാനത്തെ അപൂർവം സ്ഥലങ്ങളിലൊന്നാണിത് . എഴോം പഞ്ചായത്ത് നെൽ കൃഷിക്കും, മത്സ്യകൃഷിക്കും പ്രസിദ്ധമാണ്. ഇന്ത്യയിലെ ആദ്യത്തെ സമ്പൂർണ്ണ സാക്ഷരത നേടിയ പഞ്ചായത്ത് എഴോം പഞ്ചായത്താണ്[അവലംബം ആവശ്യമാണ്]. ദീർഘ കാലം പഞ്ചായത്ത് പ്രസിഡന്റ് ആയിരുന്ന ടി.പി. കുഞ്ഞിരാമനെ ഈ നാടിന്റെ ഗ്രാമ പിതാവായി പ്രഖ്യാപിചിട്ടുണ്ട്. ഇപ്പോഴത്തെ പഞ്ചായത് പ്രസിഡന്റ് ഡി വിമല ആണ്.
ആശുപത്രികൾ
തിരുത്തുക- സി. എച്ച് .സി. എരിപുരം.
- പി. എച്ച്. സി. എഴോം
- ആയുർ വേദിക് ഹോസ്പിറ്റൽ നെരുവംബ്രം.
സ്കൂൾ
തിരുത്തുക- ജി.എച്ച്. എച്ച്.എസ്. കൊട്ടില
- എരിപുരം ചെങ്ങൽ എൽ പി സ്കൂൾ
- മറ്റ് 7 പ്രൈമറി സ്കൂളുകൾ
ഏഴോം നെൽവിത്ത്
തിരുത്തുകകാർഷിക രംഗത്ത് ഏഴോം പഞ്ചായത്തിന്റെ ശ്രമങ്ങൾ ലോക ശ്രദ്ധനേടുകയാണ്. കണ്ണൂർ ജില്ലയിലെഏഴോംഗ്രാമപഞ്ചായത്തിലെ കൈപ്പാട് മേഖലകളിൽ പരീക്ഷണാർഥം വികസിപ്പിച്ചെടുക്കുകയും വിജയം കൈവരിക്കുകയും ചെയ്ത നെൽവിത്താണ് ഏഴോം നെൽവിത്ത് എന്ന പേരിൽ ഗ്രാമത്തിന്റെ പേരിലറിയപ്പെട്ടത്. ഒരു ഗ്രാമത്തിന്റെ നാമം ആഗോളതലത്തിൽ ഒരു അരിയുടെ പേരിൽ അറിയപ്പെടുകയാണ്.[3]
അവലംബം
തിരുത്തുക- ↑ 1.0 1.1 "Census of India : Villages with population 5000 & above". Retrieved 2008-12-10.
{{cite web}}:|first=missing|last=(help)CS1 maint: multiple names: authors list (link) - ↑ "ഏഴോം ഗ്രാമപഞ്ചായത്ത്" (in ബ്രിട്ടീഷ് ഇംഗ്ലീഷ്). Retrieved 2024-12-08.
- ↑ "ആർക്കൈവ് പകർപ്പ്". Archived from the original on 2010-04-30. Retrieved 2011-11-17.
|
കണ്ണൂർ ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |