ലൈംഗികത്തൊഴിലാളി

(വേശ്യ എന്ന താളിൽ നിന്നും തിരിച്ചുവിട്ടതു പ്രകാരം)

ലൈംഗിക സമ്പർക്കം പണത്തിനു പകരമായി നൽകുന്നവരാണ് ലൈംഗിക തൊഴിലാളി എന്നറിയപ്പെടുന്നത്. ആംഗലേയത്തിൽ 'സെക്സ് വർക്കർ' എന്നറിയപ്പെടുന്നു. (English:Sex Worker) ആൺ-പെണ്-ശിശു-ട്രാൻസ്ജെന്ഡറുകളും ലൈംഗിക തൊഴിലിൽ ഏർപ്പെടാറുണ്ട്. കൂടുതലും ലൈംഗികപട്ടിണി അനുഭവിക്കുന്ന ആളുകളാണ് ഇക്കൂട്ടരെ സമീപിക്കാറുള്ളത്. ചരിത്രത്തിലെ ഏറ്റവും പുരാതനമായ തൊഴിൽ എന്ന് ലൈംഗികത്തൊഴിൽ അറിയപ്പെടുന്നു. ലോകത്ത് എല്ലായിടത്തും ലൈംഗികത്തൊഴിലാളികളെ കാണാം. ഒരു പുരുഷനു മാത്രം ലൈംഗികസുഖം പകരുകയും മറ്റുള്ളവരെ ആശ്രയിക്കാതിരിക്കുകയും ചെയ്യുന്ന സ്ത്രീകളെ വെപ്പാട്ടി എന്നാണ് വിളിച്ചിരുന്നത്. അതും ലൈംഗികത്തൊഴിലാളിയുടേതുപോലുള്ള പ്രവർത്തനം ആണെങ്കിലും തൊഴിൽ എന്നു വിളിക്കാനാവില്ല.

ലൈംഗികത്തൊഴിലാളികളുടെ സ്വാഭിമാനഘോഷയാത്ര

ലോകത്തിലെ ധാരാളം രാജ്യങ്ങളിലും ലൈംഗികതൊഴിൽ നിയമം മൂലം വിലക്കിയിട്ടുണ്ടെങ്കിലും അനേകം രാജ്യങ്ങളിൽ ഇത് നിയമപരമായി അനുവദിനീയമാണ്. ലൈംഗികദാരിദ്ര്യം മൂലം ഉണ്ടാകാനിടയുള്ള പ്രശ്നങ്ങളും, മനുഷ്യാവകാശങ്ങളും, ലൈംഗികനീതിയും, ആരോഗ്യസംരക്ഷണവും, വിനോദസഞ്ചാരവും ഒക്കെ പരിഗണിച്ചാണ് ഇത്തരം നിയമങ്ങൾ അവിടങ്ങളിൽ നടപ്പിലാക്കിയിട്ടുള്ളത്. തായ്ലൻഡ് പോലുള്ള ചില രാജ്യങ്ങളിൽ ലൈംഗികതൊഴിൽ വിദേശനാണ്യം നേടുന്നതിൽ പ്രധാന പങ്കു വഹിക്കുന്നു. സുരക്ഷിതമല്ലാത്ത ലൈംഗിക ബന്ധത്തിലൂടെ പകരുന്ന എയ്‌ഡ്‌സ്‌, ഹെർപ്പിസ്, ഹെപ്പറ്റെറ്റിസ് ബി തുടങ്ങിയ എസ്ടിഡി രോഗങ്ങളുടെ ഭീഷണി നേരിടുന്നവരിൽ ഭൂരിപക്ഷവും ലൈംഗിക തൊഴിലാളികളാണ്. അതിനാൽ പല രാജ്യങ്ങളിലും ഗർഭനിരോധന ഉറകളും ഹെൽത്ത്‌ ചെക്കപ്പും ലൈംഗികത്തൊഴിലാളികൾക്ക് സർക്കാർ ലഭ്യമാക്കാറുണ്ട്.

പുല്ലിംഗം ഇല്ലാത്ത പദങ്ങളിൽ ഒന്നാണ് "വേശ്യ (Prostitute)". വേശ്യ എന്നത് ഏകപക്ഷീയമായി സ്ത്രീകളെ അപമാനിക്കാൻ വേണ്ടിയുള്ള ഒരു നീച വാക്കായി ആണ് ഉപയോഗിച്ചിരുന്നത്. "ലൈംഗികത്തൊഴിലാളി" എന്ന പദമാണ് ഇന്ന് സാർവത്രികമായി ഉപയോഗിച്ചു വരുന്നത്. "ജിഗ്ളോ (Gigolo)" എന്ന ഇംഗ്ലീഷ് വാക്ക് പുരുഷ ലൈംഗിക തൊഴിലാളിയെ ഉദ്ദേശിച്ചുള്ളതാണ്. ധാരാളം പുരുഷന്മാരും ഈ തൊഴിലിൽ ഏർപ്പെടുന്നുണ്ട് എന്നാണ് കണക്കുകൾ പറയുന്നത്. ലൈംഗികാസ്വാദനം ആഗ്രഹിക്കുന്ന സ്ത്രീകളും സ്വവര്ഗാനുരാഗികളും ഇവരെ സമീപിക്കാറുണ്ട്.

തല കൊണ്ട് ജോലി ചെയ്യുന്ന ഒരു ശാസ്ത്രജ്ഞനും, വാ കൊണ്ട് പഠിപ്പിക്കുന്ന ഒരു അധ്യാപകനും, കായികമായി അദ്വാനിക്കുന്ന ഒരു കൃഷിക്കാരനെയും പോലെ ശരീരം കൊണ്ട് ജോലി ചെയ്യുന്നവർ തന്നെയാണ് ലൈംഗിക തൊഴിലാളികൾ (നളിനി ജമീലയുടെ "ഒരു ലൈഗീക തൊഴിലാളിയുടെ ആത്മ കഥ "). എന്നാൽ ഒരു കപട സദാചാര സമൂഹത്തിൽ പ്രസ്തുത തൊഴിലിനു വേണ്ടത്ര അംഗീകാരം കിട്ടാതെ പോകുന്നു. പുരുഷൻ പലപ്പോഴും അന്യ സ്ത്രീകളുമായി ബന്ധപ്പെടുന്നത് ഒരു വലിയ കാര്യമായി കരുതുകയും അതേ സമയം ലൈംഗിക തൊഴിലാളിയായ സ്ത്രീയെ ഒരു തെറ്റുകാരിയായി ചിത്രീകരിക്കുകയും ചെയ്യുന്ന പ്രവണത യാഥാസ്ഥികമോ പുരുഷാധിപത്യപരമോ ആയ സമൂഹങ്ങളിൽ കാണാറുണ്ട്. ലൈംഗികത്തൊഴിലാളികൾ സമൂഹത്തിന് വലിയ സേവനമാണ് ചെയ്യുന്നത് എന്ന് നളിനീ ജമീല ചൂണ്ടിക്കാട്ടുന്നു.

അവിവാഹിതർ, വിഭാര്യർ, വിധവകൾ തുടങ്ങിയ പങ്കാളി ഇല്ലാത്തവർ, ലൈംഗികജീവിതം നിഷേധിക്കപെട്ടവർ, ലൈംഗിക തൃപ്തി ലഭിക്കാത്തവർ, അതി ലൈംഗികത ഉള്ളവർ, ദാമ്പത്യത്തിൽ വിരസത അനുഭവപ്പെടുന്നവർ, ചിലപ്പോൾ കൗതുകം കൂടുതലുള്ള കൗമാര പ്രായക്കാർ, വൃദ്ധർ, ഭിന്നശേഷിയുള്ളവർ തുടങ്ങി സമൂഹത്തിന്റെ വിവിധ ശ്രേണികളിലുള്ളവർവരെ ലൈംഗികത്തൊഴിലാളികളെ സമീപിക്കാറുണ്ട് എന്ന് വിലയിരുത്തപ്പെടുന്നു. ജനതികപരമായി ബഹുപങ്കാളികളെ തേടുന്ന മനുഷ്യർ തങ്ങളുടെ ലൈംഗിക സംതൃപ്തിക്കായി ലൈംഗികത്തൊഴിലാളികളെ തേടിപ്പോകാൻ സാധ്യതയുണ്ട്. എന്നിരുന്നാലും വിവാഹേതര ലൈംഗികബന്ധം പാപമായി കാണുന്ന സമൂഹങ്ങളിൽ ലൈംഗികത്തൊഴിലാളികൾക്ക് പ്രശ്നങ്ങളെ അഭിമുഖീകരിക്കേണ്ടി വന്നേക്കാം. അതിനാൽ അത്തരം സമൂഹങ്ങളിൽ രഹസ്യസ്വഭാവത്തോടെയാവും ഇത് നടക്കാറുണ്ടാവുക.

ഇന്ത്യയിൽതിരുത്തുക

പ്രാചീന ഭാരതത്തിൽ ലൈംഗിക തൊഴിൽ ഒരു പുണ്യ കർമ്മമായി അനുവർത്തിച്ചു വന്നിരുന്നു. ദേവദാസികൾ എന്നാണ് ഇവർ അറിയപ്പെട്ടിരുന്നത്. കൽക്കട്ട, മുംബൈ തുടങ്ങിയ നഗരങ്ങളിൽ ലൈംഗിക തൊഴിലാളികൾ താമസമാക്കിയ നിരവധി തെരുവുകൾ കാണാൻ സാധിക്കും. ഈ നഗരങ്ങളിൽ ലൈംഗിക അതിക്രമങ്ങൾ താരതമ്യേനെ കുറവാണ് എന്ന് ചിലർ അഭിപ്രായപ്പെടുന്നു. സുരക്ഷിതമല്ലാത്ത ലൈംഗിക ബന്ധത്തിലൂടെ പകരുന്ന രോഗങ്ങൾ (STDs) തടയാനും ലൈംഗിക തൊഴിലാളികളുടെ അവകാശങ്ങൾക്ക് വേണ്ടിയും ആരോഗ്യവകുപ്പും സന്നദ്ധ സംഘടനകളും ഇവിടങ്ങളിൽ പ്രവർത്തിച്ചു വരുന്നുണ്ട്.

1956ൽ നടപ്പാക്കിയ ഇമ്മോറൽ ട്രാഫിക്ക് സപ്രഷൻ ആക്‌ട് വഴി വേശ്യാവൃത്തി ഇന്ത്യയിൽ നിയന്ത്രിച്ചിട്ടുണ്ട്. എന്നാൽ പ്രായപൂർത്തിയായ ഒരു സ്ത്രീക്ക് തന്റെ ശരീരത്തെ സ്വകാര്യ, വാണിജ്യ ആവശ്യങ്ങൾക്ക് വേണ്ടി ഉപയോഗിക്കാം. വേശ്യാലയം നടത്തുക, വേശ്യാവൃത്തിക്ക് പ്രേരിപ്പിക്കുക, ഇടനിലക്കാരനായി പ്രവർത്തിക്കുക, പെൺവാണിഭം നടത്തുക എന്നിവ കുറ്റകരമാണ്. ഇടപാടുകാരെയും ശിക്ഷിക്കാൻ വ്യവസ്ഥയുണ്ട്.

ഇന്ത്യയിലെ ഒരു നിയമപ്രകാരവും ലൈംഗികത്തൊഴിൽ കുറ്റകരമല്ല, പ്രായപൂർത്തിയായവർക്ക് അവർക്ക് ഇഷ്ടമുള്ള സ്ഥലത്ത് താമസിക്കാനും, സഞ്ചരിക്കാനും, ഇഷ്ടമുള്ള ജോലി ചെയ്യാനും ഭരണഘടന അധികാരം നൽകുന്നുണ്ട്. ലൈംഗികത്തൊഴിൽ ആരോപിച്ച് തടങ്കലിൽ വെച്ച സ്ത്രീകളെ മോചിപ്പിക്കാൻ ഉത്തരവിട്ട് സെപ്റ്റംബർ 2020-തിൽ മുംബൈ ഹൈക്കോടതി ഇക്കാര്യം വ്യക്തമാക്കി.

വ്യക്തിഗത വിവരങ്ങൾ വെളിപ്പെടുത്താൻ ആവശ്യപ്പെടാതെ രാജ്യത്തെ ലൈംഗിക തൊഴിലാളികൾക്ക് കൊറോണ സമയത്ത് ആവശ്യമായ റേഷനും, സൗകര്യങ്ങളും ഉടൻ നൽകണമെന്ന് ഉത്തരവിട്ട സുപ്രീംകോടതി വിധിയും മുംബൈ ഹൈക്കോടതി ചൂണ്ടിക്കാണിച്ചു.

മറ്റു രാജ്യങ്ങളിൽതിരുത്തുക

തായ്ലൻഡ്, ബ്രസീൽ, കരീബിയൻ ദ്വീപുകൾ, കിഴക്കൻ ക്കൂട്ടങ്ങൾ എന്നറിയപ്പെടുന്ന പോളണ്ട്, ബൾഗേറിയ, ഹംഗറി, റൊമാനിയ തുടങ്ങിയ രാജ്യങ്ങളിലുമാണ് ഏറ്റവും വ്യാപകമായി ഈ തൊഴിൽ ചെയ്യ്തുവരുന്നത്. ന്യൂസിലാൻഡ്, ഓസ്ട്രേലിയ, ബെൽജിയം, ഡെൻമാർക്ക്‌, ഇക്വഡോർ, ജർമ്മനി, ഗ്രീസ്, ഇന്തോനേഷ്യ, നെതർലൻഡ്‌സ്‌, കാനഡ, ഫ്രാൻസ്, ബംഗ്ലാദേശ് തുടങ്ങിയ ധാരാളം രാജ്യങ്ങളിൽ ലൈംഗിക തൊഴിൽ നിയമപരമായി അനുവദിനീയമാണ്. ചില രാജ്യങ്ങളിൽ ഇവർക്ക് കൃത്യമായ ആരോഗ്യപരിരക്ഷയും പെൻഷനും ലഭ്യമാണ്. അത്തരം രാജ്യങ്ങളിൽ ഇതൊരു സാധാരണ തൊഴിൽ കൂടിയായി കണക്കാക്കപ്പെടുന്നു. എന്നാൽ മറ്റു ചില രാജ്യങ്ങളിൽ ലൈംഗികത്തൊഴിൽ അനുവദിക്കുമ്പോഴും പിമ്പിങ് ഒരു കുറ്റകൃത്യമായി നിലനിർത്തിയിട്ടുണ്ട്.

ചുവന്ന തെരുവ്തിരുത്തുക

 
ആംസ്റ്റർഡാമിലെ ചുവന്ന തെരുവ്

RED LIGHT DISTRICT എന്നതിനു സമാനമായ മലയാള പദം. ലൈംഗികത്തൊഴിൽ ചെയ്യുന്ന സ്ത്രീകൾ തിങ്ങിപ്പാർക്കുന്ന വലിയ തെരുവ് ആണിത്. ഇവ വൻനഗരങ്ങളോടു ചേർന്നുള്ള ഇവ പൊതുവെ ചേരി പ്രദേശങ്ങളായിരിക്കും. ഭാരതത്തിൽ സോണാഗച്ചി, കാമാത്തിപുര തുടങിയവ ഉദാഹരണങ്ങളാണ്.ദില്ലി, ഗ്വാളിയോറ്, സൂറത്ത് എന്നീ നഗരങ്ങളിലും ചുവന്ന തെരുവുകളുണ്ട്.

അന്താരാഷ്ട ലൈംഗിക തൊഴിലാളി ദിനംതിരുത്തുക

ജൂൺ 2 അന്താരാഷ്ട ലൈംഗിക തൊഴിലാളി ദിനമായി ആചരിക്കുന്നു.[1]

അവലംബംതിരുത്തുക

  1. "International Whores' Day".

പുറത്തേക്കുള്ള കണ്ണികൾതിരുത്തുക

whore എന്ന വാക്കിനർത്ഥം മലയാളം വിക്കി നിഘണ്ടുവിൽ കാണുക
"https://ml.wikipedia.org/w/index.php?title=ലൈംഗികത്തൊഴിലാളി&oldid=3447137" എന്ന താളിൽനിന്ന് ശേഖരിച്ചത്