വേങ്ങയിൽ കുഞ്ഞിരാമൻ നായനാർ

ഇന്ത്യയിലെ ഒരു എഴുത്തുകാരന്‍

പ്രശസ്തനായ പത്രപ്രവർത്തകനും ഉപന്യാസകാരനും ചെറുകഥാകൃത്തും നിരൂപകനുമായിരുന്നു വേങ്ങയിൽ കുഞ്ഞിരാമൻ നായനാർ (ജീവിതകാലം: 1861- 14 നവംബർ 1914). മലയാളത്തിലെ ആദ്യത്തെ ചെറുകഥയായ വാസനാവികൃതി എഴുതിയത് അദ്ദേഹമാണ്. കേസരി, വജ്രസൂചി, വജ്രബാഹു എന്നീ തൂലികാനാമങ്ങളിൽ അദ്ദേഹം കൃതികൾ പ്രസിദ്ധീകരിച്ചിരുന്നു. അക്കാലത്ത് കേരളത്തിൽ നിലവിലുണ്ടായിരുന്ന സാമൂഹ്യവ്യവസ്ഥയെ, പ്രത്യേകിച്ചും സാമൂഹികാസമത്വത്തെ കേസരി നിശിതമായി വിമർശിച്ചിരുന്നു.

കേസരി നായനാർ
Vengayil kunjiraman nair.jpg
V.K. Nayanar
ജനനം1861 (1861)
മരണം14 November 1914 (1914-11-15) (aged 53)
ദേശീയതഇന്ത്യൻ
തൊഴിൽബാരിസ്റ്റർ, എഴുത്തുകാരൻ, Landlord
രചനാ സങ്കേതംShort Story, Essay, Criticism
പ്രധാന കൃതികൾVasanavikriti

ഒരു ബാ‍രിസ്റ്റർ എന്ന നിലയിൽ അദ്ദേഹം 1913ൽ മദ്രാ‍സ് നിയമ നിർമ്മാണസഭയിൽ കാസർഗോഡ് താലൂക്ക് മലബാറിലേയ്ക്ക് ചേർക്കുന്നതിനായി ഒരു നിർദ്ദേശം വച്ചു. പക്ഷേ കർണ്ണാടകത്തിന്റെ ശക്തമായ എതിർപ്പുമൂലം അത് അംഗീകരിക്കപ്പെട്ടില്ല പിന്നീട് 1956 നവംബർ 1-നു കാസർഗോഡ് കേരളത്തിന്റെ ഭാഗമായിമാറി.

ജീവിതരേഖതിരുത്തുക

കൊല്ലവർഷം 1036 തുലാമാസത്തിൽ[1] (1860 ഒക്ടോ-നവം[2]) തളിപ്പറമ്പ് വെരിഞ്ചല്ലൂർ ഗ്രാമത്തിലെ ചവനപ്പുഴ മുണ്ടോട്ട് പുളിയപ്പടമ്പ് ഹരിദാസൻ സോമയാജിപ്പാടിന്റെയും, കുഞ്ഞാക്കമ്മയുടെയും രണ്ടാമത്തെമകനായി വേങ്ങയിൽ കുഞ്ഞിരാമൻ നായനാർ ജനിച്ചു. സെയ്ദാപ്പേട്ട കാർഷിക കോളജിൽ ചേർന്ന് കൃഷിശാസ്ത്രത്തിൽ ബിരുദമെടുത്തു. ശാസ്ത്രീയമായി അഭ്യസിച്ച് കൃഷിയിലേർപ്പെട്ട ഒന്നാമത്തെ മലബാറുകാരൻ ജന്മിയും കൃഷിക്കാരനുമാണ് കുഞ്ഞിരാമൻ നായനാർ.[3][4]1891-ൽ കേസരി എഴുതിയ "വാസനാവികൃതി' മലയാളത്തിലെ ആദ്യ ചെറുകഥയായി പരിഗണിക്കപ്പെടുന്നു. കേരളസഞ്ചാരി, കേരളപത്രിക എന്നീ പത്രങ്ങളുടെ പത്രാധിപരായും പ്രവർത്തിച്ചിട്ടുണ്ട്.[5] 1892-ൽ നായനാർ മലബാർ ഡിസ്ട്രിക്ട് ബോർഡിൽ അംഗമായി. കോയമ്പത്തൂർ കൃഷി വിദ്യാശാലയിലെ അംഗമായും ഇംഗ്ലണ്ടിൽ പഠിക്കുന്ന ഇന്ത്യൻ വിദ്യാർത്ഥികളുടെ ക്ഷേമ പ്രവർത്തനത്തിനുവേണ്ടി രൂപവത്ക്കരിച്ച ഉപദേശകസമിതിയിൽ അംഗമായും പ്രവർത്തിച്ചിട്ടുണ്ട്. ജോർജ് ചക്രവർത്തിയുടെ പട്ടാഭിഷേകോത്സവകാലത്ത് ബ്രിട്ടീഷ് സർക്കാർ കീർത്തി മുദ്രനൽകി നായനാരെ ആദരിച്ചിരുന്നു. 1912-ൽ നായനാർ മദിരാശി നിയമസഭയിൽ അംഗമായി. മലബാർ, ദക്ഷിണ കർണ്ണാടകം എന്നീ ജില്ലകളിലെ ജന്മിമാരുടെ പ്രതിനിധിയായിട്ടാണ് നിയമസഭാംഗമായി പോയത്. 1914 നവംബർ 14-ന് നിയമസഭയിൽ പ്രസംഗിച്ചുകൊണ്ടിരിക്കെ അദ്ദേഹം ഹൃദയസ്തംഭനത്താൽ കുഴഞ്ഞുവീണ് മരിച്ചു.

കൃതികൾതിരുത്തുക

ഈ ലേഖനത്തിലെ വിഷയത്തെ സംബന്ധിക്കുന്ന കൃതി വിക്കിഗ്രന്ഥശാലയിലെ വേങ്ങയിൽ കുഞ്ഞിരാമൻ നായനാർ എന്ന താളിലുണ്ട്.
  • വാസനാവികൃതി
  • ദ്വാരക
  • മേനോക്കിയെ കൊന്നതാരാണ്?
  • മദിരാശിപ്പിത്തലാട്ടം
  • പൊട്ടബ്ഭാഗ്യം
  • കഥയൊന്നുമല്ല

കേസരി നായനാർ പുരസ്കാരംതിരുത്തുക

മലയാളത്തിലെ ആദ്യ ചെറുകഥാകൃത്ത് വേങ്ങയിൽ കുഞ്ഞിരാമൻ നായനാരുടെ സ്മരണയ്ക്കായി അദ്ദേഹത്തിന്റെ ജന്മനാടായ കണ്ണൂർ ജില്ല യിലെ മാതമംഗലം ആസ്ഥാനമാക്കി പ്രവർത്തിക്കുന്ന ഫെയ്സ് മാതമംഗലം എന്ന സാംസ്കാരിക വേദി നേതൃത്വം നല്കുന്ന കേസരി നായനാർ പുരസ്കാരസമിതിയാണ് കേസരി നായനാർ പുരസ്കാരം ഏർപ്പെടുത്തിയിരിക്കുന്നത്.

പുറം കണ്ണികൾതിരുത്തുക

  • http://www.payyanur.com/literature.htm
  • http://www.ksd.kerala.gov.in/hist.htm
  • http://www.prd.kerala.gov.in/prd2/mala/lit30.htm
  • http://www.prd.kerala.gov.in/prd2/mala/lit30.htm
  • http://www.prd.kerala.gov.in/prd2/mala/lit30.htm
  • ഡോ. ജിനേഷ്‌കുമാർ എരമം (01 നവംബർ 2014). "മലയാളത്തിന്റെ കഥാകേസരി". ദേശാഭിമാനി. മൂലതാളിൽ നിന്നും 2014-11-17-ന് ആർക്കൈവ് ചെയ്തത്. ശേഖരിച്ചത് 17 നവംബർ 2014. Cite has empty unknown parameter: |1= (help); Check date values in: |date= (help)

http://gvrakesh1.blogspot.in/2014/12/vengayil-kunhiraman-nayanar.html

അവലംബങ്ങൾതിരുത്തുക

  1. രാഘവൻ കടന്നപ്പള്ളി (12 നവംബർ 2014). "മലയാള ചെറുകഥയുടെ പിതാവ് കഥാവശേഷനായിട്ട് ഒരു നൂറ്റാണ്ട്". മാധ്യമം. മൂലതാളിൽ നിന്നും 2014-11-17 07:04:08-ന് ആർക്കൈവ് ചെയ്തത്. Cite has empty unknown parameter: |1= (help); Check date values in: |archivedate= (help)
  2. "01, Thulam Masam, 1036 Kollavarsham (Kollam Era)". drikpanchang.com. ശേഖരിച്ചത് 17 നവംബർ 2014. Cite has empty unknown parameter: |1= (help)
  3. ജി.വി. രാകേശ്‌ (05 മാർച്ച് 2012). "ചെറുകഥാ പിതാവിന് 150 വയസ്സ്". മാതൃഭൂമി. മൂലതാളിൽ നിന്നും 2012-03-21 06:25:27-ന് ആർക്കൈവ് ചെയ്തത്. Cite has empty unknown parameter: |1= (help); Check date values in: |date= and |archivedate= (help)
  4. ജി. പ്രിയദർശൻ (15 നവംബർ 2014). "വേങ്ങയിൽ കുഞ്ഞിരാമൻ നായനാർ എന്ന സാഹിത്യകേസരി". മലയാള മനോരമ. മൂലതാളിൽ നിന്നും 2014-11-17 05:09:44-ന് ആർക്കൈവ് ചെയ്തത്. ശേഖരിച്ചത് 17 നവംബർ 2014. Cite has empty unknown parameter: |1= (help); Check date values in: |archivedate= (help)
  5. വേങ്ങയിൽ കുഞ്ഞിരാമൻ നായർ (13 നവംബർ 2014). "വാസനാവികൃതി". മാതൃഭൂമി. മൂലതാളിൽ നിന്നും 2014-11-17 06:52:31-ന് ആർക്കൈവ് ചെയ്തത്. Cite has empty unknown parameter: |1= (help); Check date values in: |archivedate= (help)