എ.സി.എൻ. നമ്പ്യാർ
സുഭാസ് ചന്ദ്രബോസിന്റെ സുഹൃത്തായിരുന്ന ഇന്ത്യയുടെ സ്വാതന്ത്ര്യസമരപ്രസ്ഥാനത്തിൽ പ്രവർത്തിച്ച ഒരു മലയാളി ആയിരുന്നു എ. സി. എൻ. നമ്പ്യാർ (അറത്തിൽ കണ്ടത്ത് നാരായണൻ നമ്പ്യാർ) (1896–1986).[1] തലശ്ശേരിയിൽ ജനിച്ച ഇദ്ദേഹം ജീവിതകാലം ഏതാണ്ട് മുഴുവനും സ്വാതന്ത്രസമരവുമായി ബന്ധപ്പെട്ട് യൂറോപ്പിലായിരുന്നു ചെലവഴിച്ചിരുന്നത്.[2]
എ.സി.എൻ. നമ്പ്യാർ | |
|---|---|
 എ.സി.എൻ. നമ്പ്യാർ, ഹൈദി ഫുളോപ്-മില്ലർ, സുഭാസ് ചന്ദ്ര ബോസ്, എമിലി ഷെൻകിൽ, അമിയ നാഥ് ബോസ് എന്നിവർ ആസ്ട്രിയയിലെ ബാഡ് ഗാസ്റ്റേനിൽ (ഇടതു നിന്ന് വലത്തേക്ക്) | |
| ജർമ്മനിയിലെ ഇന്ത്യൻ അംബാസഡർ | |
| ഓഫീസിൽ 1955–1958 | |
| മുൻഗാമി | സുബിമാൽ ദത്ത് |
| വ്യക്തിഗത വിവരങ്ങൾ | |
| ജനനം | 1896 |
| മരണം | 17 ജനുവരി 1986 (പ്രായം 89–90) |
| പങ്കാളി | |
| ജോലി | പത്രപ്രവർത്തകൻ; സ്വാതന്ത്ര്യസമര സേനാനി; ഉദ്യോഗസ്ഥൻ |
| അവാർഡുകൾ | 1958 പത്മ ഭൂഷൺ |
യൂറോപ്പിൽ
തിരുത്തുകയുദ്ധാനന്തരം
തിരുത്തുകശത്രുവിനോട് സഹകരിച്ചതിന് യുദ്ധാനന്തരം നമ്പ്യാർ ജയിലിലായി. സ്വിറ്റ്‌സർലാന്റിലേക്ക് രക്ഷപ്പെട്ട അദ്ദേഹത്തിന് ബ്രിട്ടീഷുകാരുടെ താൽപ്പര്യത്തിനുവിരുദ്ധമായി നെഹ്രുവിന്റെ ഇടക്കാല സർക്കാർ ഇന്ത്യൻ പാസ്‌പോർട്ട് നൽകി.[3] ബേർണിലെ ഇന്ത്യൻ സ്ഥാനപതിയായി അദ്ദേഹം നിയമിതനായി. തുടർന്ന് സ്കാൻഡിനേവിയയിലെ ഇന്ത്യൻ അംബാസഡറായി അദ്ദേഹത്തെ നിയമിച്ചു,[4] തുടർന്ന് 1951 -ൽ ജർമനിയിലെ ആദ്യത്തെ ഇന്ത്യൻ അംബാസഡർ ആയി നമ്പ്യാരെ നിയമിച്ചു.[3] 1958 -ൽ അദ്ദേഹത്തിന് പദ്മഭൂഷൻ നൽകുകയും ചെയ്തു. ഹിന്ദുസ്ഥാൻ ടൈംസിന്റെ യൂറോപ്പിലെ ലേഖകനായിരുന്നു അവസാനകാലം അദ്ദേഹം.[4]
വ്യക്തിജീവിതം
തിരുത്തുകവേങ്ങയിൽ കുഞ്ഞിരാമൻ നായനാരുടെയും അറത്തിൽ കണ്ടത്തിൽ കല്യാണി അമ്മയുടെയും നാലാമത്തെ മകനായി കണ്ണൂർ ജില്ലയിലെ തലശ്ശേരി പൊന്ന്യത്ത് 1896-ൽ ആയിരുന്നു അദ്ദേഹത്തിന്റെ ജനനം. കതിരൂർ മിഷൻ സ്കൂളിലെ പ്രാഥമിക വിദ്യാഭ്യാസത്തിനു ശേഷം മദിരാശി ലോ സ്കൂളിൽ ചേർന്നു[5]. അവിടെ വെച്ച് സരോജിനി നായിഡുവിന്റെ സഹോദരിയായിരുന്ന സുഹാസിനി ചതോപാദ്ധ്യായയുമായി പ്രണയത്തിലാവുകയും പിന്നീട് അവരെ വിവാഹം കഴിക്കുകയും ചെയ്തു. തുടർന്ന് രണ്ടു പേരും ഇംഗ്ലണ്ടിലേക്ക് ചേക്കേറി[5]. പിന്നീട് അവർ വിവാഹമോചിതരായി. 1986 ജനുവരി 17-ന് ഡൽഹിയിലെ ഒരു സ്വകാര്യ ആശുപത്രിയിൽ വെച്ച് ഇദ്ദേഹം അന്തരിച്ചു[5].
അവലംബം
തിരുത്തുക- ↑ Sonia Gandhi, Two Alone Together, page xxvii, Penguin Books India, 2004 ISBN 0143032453.
- ↑ Bose, Sugata. His Majesty's Opponent. Cambridge, MA: Belknap Press, 2011.
- ↑ 3.0 3.1 Joanne Miyang Cho, Eric Kurlander, Douglas T McGetchin, Transcultural Encounters Between Germany and India, page 148, Routledge, 2013 ISBN 1317931645.
- ↑ 4.0 4.1 dna, "Netaji Subhash Chandra Bose deputy, Jawaharlal Nehru aide was Soviet spy: British documents", 25 October 2014
- ↑ 5.0 5.1 5.2 ഹിറ്റ്ലർ തടവിലിട്ട ഏക മലയാളി- എ.സി.എൻ നമ്പ്യാരുടെ അറിയാക്കഥ - ഏഷ്യാനെറ്റ് ന്യൂസ്
പുറത്തേക്കുള്ള കണ്ണികൾ
തിരുത്തുക- A.C.N. Nambiar materials in the South Asian American Digital Archive (SAADA)
- Arathil Candeth Narian Nambiar: collaboration with Nazis; activities in Europe; refusal of passport facilities Jan 1946-Jan 1949 in UK National Archives
- Arathil Candeth Narian Nambiar, Indian Information Bureau, Berlin: assault and detention by Nazis and deportation from Germany Mar 1933-May 1939 in UK National Archives