കൈനകരി തങ്കരാജ്

സിനിമാ നാടക അഭിനേതാവും സമിതി ഉടമയുമായിരുന്നു കൈനകരി തങ്കരാജ്. ‘അണ്ണൻ തമ്പി’, ‘ഈ.മ.യൗ.’, ‘ആമേൻ’, ‘ഹോം’ എന്നീ ചിത്രങ്ങളിലെ കഥാപാത്രങ്ങളും ഏറെ ശ്രദ്ധനേടിയതാണ്.

Kainakary Thankaraj
ജനനം	(1946-10-18)18 ഒക്ടോബർ 1946 Kainakary, Travancore present day Alappuzha district, Kerala, India
മരണം	3 ഏപ്രിൽ 2022(2022-04-03) (പ്രായം 75) Keralapuram, Kerala, India
മറ്റ് പേരുകൾ	Kainakari Thankaraj
തൊഴിൽ	Actor
സജീവ കാലം	1978–2022

ജീവിതരേഖ

കമ്മ്യൂണിസ്റ്റ് പാർട്ടിയുടെ ബാലസംഘം അവതരിപ്പിച്ച ‘മതിലുകൾ ഇടിയുന്നു’ എന്ന നാടകത്തിൽ ബാലൻ എന്ന കഥാപാത്രത്തെ അവതരിപ്പിച്ച് പന്ത്രണ്ടാംവയസിൽ നാടകത്തിലെത്തി. പിന്നീട് കമ്മ്യൂണിസ്റ്റ് സഹയാത്രികനായി. എട്ട് വർഷം അമച്വർ നാടകവേദിയിലെ സജീവസാന്നിദ്ധ്യമായിരുന്നു. ഇരുപതാം വയസിൽ നൂറനാട് ‘ശിൽപ്പശാല’യിലൂടെ ഓച്ചിറ ശങ്കരൻകുട്ടി, അടൂർ പങ്കജം, മാവേലിക്കര പൊന്നമ്മ എന്നിവരോടൊപ്പം അരങ്ങിലെത്തി. തുടർന്ന് നാടകപ്രവർത്തനം ആലപ്പുഴയിലേയ്ക്ക് മാറ്റി. ചങ്ങനാശേരി ഗീഥയിൽ അഞ്ച് വർഷം. 1980 വരെ അടൂർ ജയ തിയേറ്റേഴ്സ്, കായംകുളം പീപ്പിൾസ് തിയേറ്റേഴ്സ്, ആലപ്പി തിയേറ്റേഴ്സ് എന്നിവയിൽ പ്രധാന നടനായി. 82 മുതൽ 85 വരെ നാല് വർഷം കെപിഎസിയിലുണ്ടായിരുന്നു. നാടകസമിതികള്ളുടെ വിലക്കിനെത്തുടർന്ന് സിനിമയിൽ അവസരം തേടി ചെന്നൈയിലെത്തി. ‘അച്ചാരം അമ്മിണി’ ഉൾപ്പെടെയുള്ള ഏഴോളം സിനിമകളിൽ ശ്രദ്ധേയമായ വേഷം അവതരിപ്പിച്ചു. എസ്.എൽ. പുരം സദാനന്ദൻ കെ.പി.എ.സി. ക്കു വേണ്ടി എഴുതിയ ‘സിംഹം ഉറങ്ങുന്ന കാട്’ എന്ന നാടകത്തിൽ അദ്ദേഹത്തിന്റെ നിർബന്ധത്തെത്തുടർന്ന് ഹെഡ്‌കോൺസ്റ്റബിൾ എന്ന കഥാപാത്രത്തെ അവതരിപ്പിച്ചു. കെ.പി.എ.സി.യുടെ പ്രധാന നടനും, കൺവീനറും സെക്രട്ടറിയുമായും പ്രവർത്തിച്ചു. ‘കയ്യും തലയും പുറത്തിടരുത്’, ‘വിഷസർപ്പത്തിന് വിളക്ക് വയ്ക്കരുത്’ എന്നീ നാടകങ്ങളിലും തങ്കരാജിന് പ്രധാന വേഷങ്ങൾ അവതരിപ്പിച്ചു. ദേശീയ നാടക മത്സരത്തിൽ നല്ല നടൻ ഉൾപ്പെടെ ഒട്ടേറെ പുരസ്കാരങ്ങൾ നേടിയിട്ടുണ്ട്.

ലൂസിഫറിലെ കൃഷ്ണൻ നെടുമ്പള്ളി, ഇഷ്ഖിലെ മുരുകൻ, ഹോമിലെ അപ്പച്ചൻ എന്നീ കഥാപാത്രങ്ങൾ ഏറെ ശ്രദ്ധേയമായിരുന്നു.

നാടകപ്രവർത്തക യൂണിയൻ

നാടക പ്രവർത്തകരുടെ സംഘടന രൂപീകരക്കുന്നതിൽ പ്രധാന പങ്ക് വഹിച്ചു. വൈക്കം വിശ്വൻ പ്രസിഡന്റായും കൈനകരി തങ്കരാജ് ജനറൽ സെക്രട്ടറിയായും 1979ൽ കേരളത്തിൽ നാടകപ്രവർത്തക യൂണിയൻ രൂപംകൊണ്ടു. യൂണിയൻ ഉണ്ടാക്കിയതിന്റെ പേരിൽ നാടകസമിതികൾ തങ്കരാജിന് അപ്രഖ്യാപിത വിലക്ക് ഏർപ്പെടുത്തി.

നാടകങ്ങൾ

• ഫസഹ്
• സിംഹം ഉറങ്ങുന്ന കാട്’

സിനിമകൾ

വർഷം	സിനിമ	കഥാപാത്രം	സംവിധാനം
1977	അച്ചാരം അമ്മിണി ഓശാരം ഓമന	പോലീസ് കോൺസ്റ്റബിൾ	അടൂർ ഭാസി
1978	ആനപ്പാച്ചൻ	ശങ്കരൻ	എ വിൻസന്റ്
1978	ഇതാ ഒരു മനുഷ്യൻ		ഐ വി ശശി
1980	അഗ്നിക്ഷേത്രം		പി ടി രാജൻ
1993	ഈശ്വരമൂർത്തി ഇൻ		പ്രദീപ് ഗോമസ്
2008	അണ്ണൻ തമ്പി	അമ്പലക്കമ്മിറ്റിയംഗം	അൻവർ റഷീദ്
2013	ഗോഡ് ഫോർ സെയിൽ		ബാബു ജനാർദ്ദനൻ
2013	ആമേൻ	ചാലി പാപ്പൻ	ലിജോ ജോസ് പെല്ലിശ്ശേരി
2014	ഇയ്യോബിന്റെ പുസ്തകം	വൈദ്യർ	അമൽ നീരദ്
2016	ആൾരൂപങ്ങൾ		സി വി പ്രേംകുമാർ
2018	ഈ.മ.യൗ	വാവച്ചൻ	ലിജോ ജോസ് പെല്ലിശ്ശേരി
2018	ഇബ്‌ലീസ്	മുത്തു മുത്തശ്ശൻ	രോഹിത് വി എസ്
2019	ലൂസിഫർ	നെടുമ്പള്ളി കൃഷ്ണൻ	പൃഥ്വീരാജ് സുകുമാരൻ
2019	ഇഷ്‌ക്	മുരുഗൻ	അനുരാജ് മനോഹർ
2019	വാരിക്കുഴിയിലെ കൊലപാതകം	കാട്ടുതറ വർക്കി	റെജീഷ് മിഥില
2021	#ഹോം	അപ്പച്ചൻ	റോജിൻ തോമസ്
2021	മോഹൻ കുമാർ ഫാൻസ്	തിയേറ്ററിലെ ജോലിക്കാരൻ	ജിസ് ജോയ്
2022	കൊളോസ്സിയൻസ്		മുരളി ലക്ഷ്മൺ

പുരസ്കാരങ്ങൾ

• മികച്ച നടനുള്ള സംസ്ഥാന പുരസ്കാരം