കേരള കോൺഗ്രസ് നേതാവും അധ്യാപകനുമായിരുന്നു പ്രൊഫ. കെ.ഐ. മാത്യു. അഞ്ചാം കേരളനിയമസഭയിൽ 1979-ലെ സി.എച്ച്. മുഹമ്മദ്കോയയുടെ മന്ത്രിസഭയിൽ കുറച്ച്കാലം വനം, വ്യവസായ വകുപ്പ് മന്ത്രിയായിരുന്നു.

കെ.ഐ.മാത്യു
വനം, വ്യവസായ വകുപ്പ് മന്ത്രി,കേരള നിയമസഭ
ഓഫീസിൽ
16 നവംബർ 1979 – 1 ഡിസംബർ 1979
മുൻഗാമിപി.എസ്. ശ്രീനിവാസൻ
പിൻഗാമിപി.സി. ചാക്കോ, ആര്യാടൻ മുഹമ്മദ്
വ്യക്തിഗത വിവരങ്ങൾ
ജനനം(1934-02-28)28 ഫെബ്രുവരി 1934
റാന്നി കേരളം,  ഇന്ത്യ
മരണം28 ജനുവരി 1991(1991-01-28) (പ്രായം 56)
രാഷ്ട്രീയ കക്ഷികേരള കോൺഗ്രസ്
പങ്കാളിരാജമ്മ മാത്യു
കുട്ടികൾ2
മാതാപിതാക്കൾ
  • കെ.ഐ ഏബ്രഹാം (അച്ഛൻ)
ജോലിഅദ്ധ്യാപകൻ,

ജീവിതരേഖ തിരുത്തുക

1934 ഫെബ്രുവരി 28-ന് തിരുവല്ലക്ക് സമീപമുള്ള ഇരവിപേരൂരിൽ ജനിച്ചു. പിതാവ് കെ.ഐ. ഏബ്രഹം. ബിരുദാനന്തര ബിരുദധാരിയായ അദ്ദേഹം ദീർഘകാലം റാന്നി സെന്റ് തോമസ് കോളേജ് പ്രിൻസിപ്പലായി സേവനമനുഷ്ഠിച്ചിട്ടുണ്ട്.

ഇന്ത്യൻ നാഷണൽ കോൺഗ്രസ് അംഗമായി രാഷ്ട്രീയ ജീവിതം ആരംഭിച്ച പ്രൊഫ. മാത്യു 1964-ൽ കേരള കോൺഗ്രസിന്റെ രൂപീകരണത്തോടെ ആ പാർട്ടിയിൽ ചേർന്നു പ്രവർത്തിച്ചു. 1977-ൽ റാന്നി നിയോജക മണ്ഡലത്തിൽ നിന്ന് അഞ്ചാം കേരളനിയമസഭയിലെ അംഗമായി മാത്യു തിരഞ്ഞെടുക്കപ്പെട്ടു. സി.എച്ച്. മുഹമ്മദ് കോയ മന്ത്രിസഭയിൽ 16.11.1979 മുതൽ 1.12.1979 വരെ വ്യവസായ-വനം മന്ത്രിയായി ഇദ്ദേഹം പ്രവർത്തിച്ചു. 1980-ൽ കല്ലൂപ്പാറ നിയോജക മണ്ഡലത്തിൽ നിന്ന് ആറാം കേരളനിയമസഭയിൽ വീണ്ടും തെരഞ്ഞെടുക്കപ്പെട്ടു.

ഇദ്ദേഹം 1969-ൽ കേരള യൂണിവേഴ്‌സിറ്റി സെനറ്റിൽ അംഗമായി സേവനമനുഷ്ഠിക്കുകയും 1970-ൽ യുഎസിലെ അറ്റ്‌ലാന്റ സിറ്റിയിൽ നടന്ന ലയൺസ് ഇന്റർനാഷണൽ കൺവെൻഷനിൽ ഇന്ത്യയിൽ നിന്നുള്ള പ്രതിനിധിയായി പങ്കെടുക്കുകയും ചെയ്തിട്ടുണ്ട്. സ്‌പോർട്‌സിനെ വളരെയധികം ഇഷ്ടപ്പെടുന്ന അദ്ദേഹം 1956-ൽ അലിഗഡ് യൂണിവേഴ്‌സിറ്റി ബാസ്‌ക്കറ്റ് ബോൾ ടീമിന്റെ ക്യാപ്റ്റൻ കൂടിയായിരുന്നു. 28.1.1991-ന് മാത്യു അന്തരിച്ചു.

കുടുംബം തിരുത്തുക

ഭാര്യ: രാജമ്മ മാത്യു. മക്കൾ: ഒരു മകനും ഒരു മകളും.

തിരഞ്ഞെടുപ്പുകൾ തിരുത്തുക

തിരഞ്ഞെടുപ്പുകൾ [1]
വർഷം മണ്ഡലം വിജയിച്ച സ്ഥാനാർത്ഥി പാർട്ടിയും മുന്നണിയും പരാജയപ്പെട്ട മുഖ്യസ്ഥാനാർത്ഥി പാർട്ടിയും മുന്നണിയും
1977 റാന്നി കെ.എ. മാത്യു കേരള കോൺഗ്രസ്, എൽ.ഡി.എഫ്. എഫ്. തോമസ് കുറ്റിക്കയം കെ സി പി , യു.ഡി.എഫ്.
1980 ചങ്ങനാശ്ശേരി കെ.എ. മാത്യു കെ സി ജെ, എൽ.ഡി.എഫ്. സി എ മാത്യു കേരള കോൺഗ്രസ്, എൽ.ഡി.എഫ്.

അവലംബങ്ങൾ തിരുത്തുക

"https://ml.wikipedia.org/w/index.php?title=കെ.എ._മാത്യു&oldid=4072141" എന്ന താളിൽനിന്ന് ശേഖരിച്ചത്