കന്നി

കൊല്ലവർഷത്തിലെ രണ്ടാമത്തെ മാസമാണ് കന്നി.സൂര്യൻ കന്നി രാശിയിലൂടെ സഞ്ചരിക്കുന്ന സമയമാണ് കന്നിമാസം. കേരളത്തിലെ രണ്ടു വിളവെടുപ്പുകാലങ്ങളിൽ ഒന്നായ കന്നിക്കൊയ്ത്ത് കന്നിമാസത്തിലാണ്. തമിഴ് മാസമായ പൂരട്ടാശിയാണ് മലയാളത്തിൽ കന്നിമാസം എന്നറിയപ്പെടുന്നത്. സെപ്റ്റംബർ - ഒക്ടോബർ മാസങ്ങൾക്ക് ഇടക്കാണ് കന്നിമാസം വരിക. കന്നിമാസത്തിലെ ആയില്യം നാൾ സർപ്പാരാധനാകേന്ദ്രങ്ങളിൽ അതിവിശേഷമായി ആചരിച്ചുവരുന്നു. ഇതേ മാസത്തിലെ അമാവാസിയുടെ പിറ്റേ ദിവസമാണ് നവരാത്രി ആരംഭിയ്ക്കുന്നതും.