എം.എം. ഹസൻ

നിലവിൽ യു.ഡി.എഫ് കൺവീനറായ മുൻ കെ.പി.സി.സി പ്രസിഡൻറാണ് മാലിക് മുഹമ്മദ് ഹസൻ അഥവാ എം.എം. ഹസൻ (ജനനം: 14 മെയ് 1947)

എം.എം. ഹസൻ
യു.ഡി.എഫ് കൺവീനർ
In office
പദവിയിൽ വന്നത് 02 ഒക്ടോബർ 2020
മുൻഗാമി	ബെന്നി ബെഹ്നാൻ
കേരള പ്രദേശ് കോൺഗ്രസ് കമ്മിറ്റി പ്രസിഡന്റ്
ഓഫീസിൽ 25 മാർച്ച് 2017 – 19 സെപ്റ്റംബർ 2018
മുൻഗാമി	വി.എം. സുധീരൻ
പിൻഗാമി	മുല്ലപ്പള്ളി രാമചന്ദ്രൻ
വ്യക്തിഗത വിവരങ്ങൾ
ജനനം	(1947-05-14) 14 മേയ് 1947 തിരുവനന്തപുരം, തിരുവിതാംകൂർ, ബ്രിട്ടീഷ് ഇന്ത്യ
പൗരത്വം	ഇന്ത്യ
ദേശീയത	ഇന്ത്യ ഭാരതീയൻ
രാഷ്ട്രീയ കക്ഷി	Indian National Congress
പങ്കാളി(കൾ)	എ.കെ. റാഹിയ
കുട്ടികൾ	ഒരു മകൾ
മാതാപിതാക്കൾ(s)	എം. മാലിക് മുഹമ്മദ്, എ. ഫാത്തിമ ബീവി
വസതി(കൾ)	തിരുവനന്തപുരം
വിദ്യാഭ്യാസം	എൽ.എൽ.ബി, ബിരുദം
തൊഴിൽ	അഭിഭാഷകൻ

ജീവിതരേഖ

എം.മാലിക് മുഹമ്മദിൻ്റെയും ഫാത്തിമ ബീവിയുടേയും മകനായി 1947 മേയ് 14-ന് തിരുവനന്തപുരത്ത് ജനിച്ചു. ബിരുദപഠനത്തിന് ശേഷം നിയമബിരുദം നേടി എൻ.ആർ.ഐ. അഭിഭാഷകനായും പ്രവർത്തിച്ചു.

രാഷ്ട്രീയ ജീവിതം

1973-ൽ പതിനാറാം വയസിൽ കോൺഗ്രസിൻ്റെ വിദ്യാർത്ഥി സംഘടനയായ കെ.എസ്.യു വഴി രാഷ്ട്രീയത്തിലേക്കു പ്രവേശിച്ച ഹസൻ 1974-ൽ കെ.എസ്.യു സംസ്ഥാന പ്രസിഡന്റായിരുന്നു. 1972 മുതൽ 1974 വരെ കേരള യൂണിവേഴ്സിറ്റി യൂണിയന്റെ സെനറ്റ് മെമ്പറും ചെയർമാനുമായി ഇദ്ദേഹം പ്രവർത്തിച്ചിട്ടുണ്ട്. യൂത്ത് കോൺഗ്രസിൻ്റെ സംസ്ഥാന ജനറൽ സെക്രട്ടറിയായിരുന്ന ഹസൻ തിരുവനന്തപുരം ഡി.സി.സി പ്രസിഡൻറായും കെ.പി.സി.സി ജനറൽ സെക്രട്ടറിയായും പ്രവർത്തിച്ചു. 1987-1991-ലെ എട്ടാം കേരള നിയമസഭയിൽ കോൺഗ്രസിൻ്റെ പാർലമെൻ്ററി പാർട്ടിയുടെ സെക്രട്ടറിയും അന്ന് പ്രതിപക്ഷമായിരുന്ന യു.ഡി.എഫിൻ്റെ ചീഫ് വിപ്പുമായിരുന്നു.

തിരഞ്ഞെടുപ്പ് രംഗത്ത്

1980-ലെ നിയമസഭ തിരഞ്ഞെടുപ്പിൽ കഴക്കൂട്ടത്ത് നിന്ന് ആദ്യമായി നിയമസഭയിലേക്ക്‌ തിരഞ്ഞെടുക്കപ്പെട്ടു. 1982-ലും കഴക്കൂട്ടത്ത് നിന്ന് തന്നെ നിയമസഭ അംഗമായ ഹസൻ 1987-ൽ തിരുവനന്തപുരം വെസ്റ്റിൽ നിന്ന് എം.എൽ.എയായി 1991-ലും തിരുവനന്തപുരം വെസ്റ്റിൽ നിന്ന് തന്നെ നിയമസഭയിലേക്ക് തിരഞ്ഞെടുക്കപ്പെട്ടു.

1996-ലെ നിയമസഭ തിരഞ്ഞെടുപ്പിൽ തിരുവനന്തപുരം വെസ്റ്റിൽ നിന്ന് മത്സരിച്ചെങ്കിലും കേരള കോൺഗ്രസ് (ജോസഫ്) പാർട്ടിയിലെ ആൻറണി രാജുവിനോട് പരാജയപ്പെട്ടു.

1998-ലെ ലോക്സഭ തിരഞ്ഞെടുപ്പിൽ ചിറയിൻകീഴ് മണ്ഡലത്തിൽ നിന്ന് മത്സരിച്ചെങ്കിലും സി.പി.എമ്മിലെ വർക്കല രാധാകൃഷ്ണനോട് പരാജയപ്പെട്ടു.

2001-ലെ നിയമസഭ തിരഞ്ഞെടുപ്പിൽ മണ്ഡലം മാറി ആലപ്പുഴ ജില്ലയിലെ കായംകുളത്ത് മത്സരിച്ച ഹസൻ സി.പി.എമ്മിലെ ജി.സുധാകരനെ പരാജയപ്പെടുത്തി വീണ്ടും നിയമസഭാംഗമായി. 2001-2004-ലെ എ.കെ. ആൻറണി മുഖ്യമന്ത്രിയായ യു.ഡി.എഫ് മന്ത്രിസഭയിൽ പാർലമെൻ്ററികാര്യ വകുപ്പിൻ്റെ മന്ത്രിയായും പ്രവർത്തിച്ചു. 2006-ലും 2011-ലും 2021-ലും മത്സരിച്ചില്ല.

2016-ലെ നിയമസഭ തിരഞ്ഞെടുപ്പിൽ ചടയമംഗലത്ത് നിന്ന് മത്സരിച്ചെങ്കിലും സി.പി.ഐയിലെ മുല്ലക്കര രത്നാകരനോട് പരാജയപ്പെട്ടു. ,

കെ.പി.സി.സി പ്രസിഡൻറ്

2017-ൽ കെ.പി.സി.സി പ്രസിഡൻറായിരുന്ന വി.എം. സുധീരൻ രാജി വച്ചതിനെ തുടർന്ന് ഒരു വർഷ കാലയളവിൽ താത്കാലിക പ്രസിഡൻറായി പ്രവർത്തിച്ചു.

യു.ഡി.എഫ് കൺവീനർ

2020-ൽ കൺവീനറായിരുന്ന ബെന്നി ബെഹനാൻ സ്ഥാനമൊഴിഞ്ഞതിനെ തുടർന്ന് യു.ഡി.എഫ് കൺവീനറായി ചുമതലയേറ്റു. 2024-ലെ ലോക്സഭ തിരഞ്ഞെടുപ്പ് വരെ യു.ഡി.എഫ് കൺവീനറായി തുടരുന്നതിന് എം.എം.ഹസന് ഹൈക്കമാൻഡ് അനുവാദം നൽകി. ഹസൻ യു.ഡി.എഫ് കൺവീനറായി തുടരുന്നതിനെ കെ.പി.സി.സിയും കേരളത്തിലെ കോൺഗ്രസ് എം.പിമാരും അനുകൂലിച്ചതിനെ തുടർന്നാണിത്.

ആത്മകഥ

ഓർമച്ചെപ്പ്