നരിവരയൻ

ചിറകിൽ നരിയുടേതുപോലുള്ള വരകൾ കാണുന്നതുകൊണ്ടാണ് ഇതിനെ നരിവരയൻ എന്ന് വിളിയ്ക്കുന്നത്. ഒരു കൊച്ചു പൂമ്പാറ്റയായ ഇതിന്റെ ചിറകു വിസ്താരം നാലോ അഞ്ചോ സെന്റിമീറ്ററേ കാണൂ.

നരിവരയൻ(Common Lascar)
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Arthropoda
Class:	Insecta
Order:	Lepidoptera
Family:	Nymphalidae
Genus:	Pantoporia
Species:	P. hordonia
Binomial name
Pantoporia hordonia (Stoll, 1790)
Synonyms
Rahinda hordonia

Common Lascar butterfly from koottanad Palakkad Kerala

പ്രത്യേകതകൾ

ഒരു പൂമ്പാറ്റയ്ക്ക് രണ്ട് തരം ശലഭപ്പുഴുക്കളുള്ള ഒരു പ്രത്യേകയിനം പൂമ്പാറ്റയാണ് നരിവരയൻ. ഇതിൽ ഒരു തരത്തിലുള്ള ശലഭപുഴുവിന്റെ ശിരസ് വലുതും ത്രികോണാകൃതിയിലുള്ളതുമാണ്. എന്നാൽ രണ്ടാമത്തേതിന്റെ ശിരസ്സ് രണ്ടായി പിരിഞ്ഞിരിക്കുന്നത് പോലെയാണ്. മുതുകിൽ മുള്ളുകളും കാണാം. രണ്ടിനം പുഴുക്കളിൽ നിന്നുണ്ടാകുന്ന പൂമ്പാറ്റകൾക്കും നേരിയ വ്യത്യാസം കാണാം. രണ്ടുജാതി പൂഴുക്കളും ഒരേ ആഹാരസസ്യത്തിൽ കാണാറില്ല. ഒരു ശലഭത്തിന് രണ്ടിനം പുഴുക്കളെ കാണുന്ന പ്രതിഭാസം അപൂർവ്വമാണ്.

ശരീരപ്രകൃതി

നരിവരയന്റെ ചിറകിന്റെ പുറംഭാഗത്തിന് ഇരുണ്ട തവിട്ടുനിറമാണ്. തവിട്ടിൽ മഞ്ഞയും ഓറഞ്ഞും കലർന്ന വരകൾ തെളിഞ്ഞ് കാണാം. ചിറകിനടിയിലും ഇതേ നിറത്തിലുള്ള വരകൾ ദൃശ്യമാണ്.

ജീവിത രീതി

പശ്ചിമഘട്ടത്തിലെ വനങ്ങളാണ് ഇഷ്ടപ്പെട്ട ആവാസങ്ങൾ. എങ്കിലും നാട്ടിമ്പുറങ്ങളിലും ഇവയെ കാണാറുണ്ട്. ഇന്ത്യയിലും അയൽ രാജ്യങ്ങളിലുമാണ് ഇവയെ കണ്ടുവരുന്നത്. കാലവർഷം കഴിയുന്നതോടെ (ഒക്ടോബർ-ഫെബ്രുവരി) മാസങ്ങളിലാണ് ഇവയെ കൂടുതലായി കാണാം.

ആഹാരം

ഇഞ്ചയാണ് പ്രധാനപ്പെട്ട ആഹാരസസ്യം. ഇഞ്ചയുടെ ഇലകൾ ശലഭപ്പുഴുക്കൾ ആർത്തിയോടെ തിന്നുന്നത് കാണാം.വാകയുടെ ഇലയിലും നരിവയറൻ മുട്ടയിടാറുണ്ട്. ഒറ്റയായിട്ടാണ് മുട്ടയിടുക.

ചിത്രശാല

• 
• 
  ഉദരവശം
• 
  കൂവേരിയിൽ നിന്നും
• 
  വെയിൽകായുന്ന നരിവരയൻ, കൂവേരിയിൽ നിന്നും