ദയ (ചലച്ചിത്രം)

എം.ടി. തിരക്കഥയെഴുതി വേണു സംവിധാനം ചെയ്ത് 1998-ൽ പുറത്തിറങ്ങിയ മലയാളചലച്ചിത്രമാണ് ദയ. ആയിരത്തൊന്നു രാവുകളിലെ ഒരു കഥയെ ആസ്പദമാക്കി എം.ടി. രചിച്ച ദയ എന്ന പെൺകുട്ടി എന്ന നോവലിന്റെ ചലച്ചിത്രാവിഷ്കാരമാണ് ഈ ചിത്രം. മഞ്ജു വാര്യരാണ് ഈ ചിത്രത്തിലെ കേന്ദ്രകഥാപാത്രമായ 'ദയ'യെ അവതരിപ്പിച്ചിരിക്കുന്നത്. സമീർ എന്ന പേരിൽ ദയ ആൺവേഷം ധരിച്ചു വരുന്ന ഭാഗങ്ങളും മഞ്ജു വാര്യർ മനോഹരമായി അവതരിപ്പിച്ചു. ഛായാഗ്രാഹകനായ വേണു സംവിധാനം ചെയ്ത ആദ്യ ചലച്ചിത്രമാണിത്. മികച്ച നവാഗത സംവിധായകനുള്ള ദേശീയ-സംസ്ഥാന പുരസ്കാരങ്ങൾ ഈ ചിത്രത്തിലൂടെ വേണുവിന് ലഭിച്ചു. ഇവയുൾപ്പെടെ മൂന്ന് ദേശീയ ചലച്ചിത്രപുരസ്കാരങ്ങളും അഞ്ച് സംസ്ഥാന ചലച്ചിത്രപുരസ്കാരങ്ങളും ഈ ചിത്രം നേടി.

ദയ
സംവിധാനം	വേണു
നിർമ്മാണം	സി.കെ. ഗോപിനാഥ്
രചന	എം.ടി. വാസുദേവൻ നായർ
അഭിനേതാക്കൾ	മഞ്ജു വാര്യർ കൃഷ്ണ നെടുമുടി വേണു
സംഗീതം	വിശാൽ ഭരദ്വാജ്
ഛായാഗ്രഹണം	സണ്ണി ജോസഫ്
ചിത്രസംയോജനം	ബീന പോൾ
സ്റ്റുഡിയോ	ദേവിപ്രിയ പ്രൊഡക്ഷൻസ്
റിലീസിങ് തീയതി	1998 (1998)
രാജ്യം	ഇന്ത്യ
ഭാഷ	മലയാളം
സമയദൈർഘ്യം	150 മിനിറ്റ്

അഭിനേതാക്കൾ

• മഞ്ജു വാര്യർ – ദയ / സമീർ
• കൃഷ്ണ – മൻസൂർ
• നെടുമുടി വേണു – സുൽത്താൻ
• കെ.പി.എ.സി. ലളിത – ആമിന
• ക്യാപ്റ്റൻ രാജു – രാജാവ്
• ലാൽ – കൊമ്പനലി
• നാരായണൻ നായർ – സെയ്ദ് അൻവർ
• ടി.പി. മാധവൻ – ഹുസ്സൈൻ

പുരസ്കാരങ്ങൾ

1998 ദേശീയ ചലച്ചിത്രപുരസ്കാരം

• മികച്ച നവാഗത സംവിധായകനുള്ള ഇന്ദിര ഗാന്ധി പുരസ്കാരം – വേണു
• മികച്ച വസ്ത്രാലങ്കാരം – എസ്.ബി. സതീഷ്
• മികച്ച നൃത്തസംവിധാനം – വൃന്ദ

1998 കേരളസംസ്ഥാന ചലച്ചിത്രപുരസ്കാരം

• മികച്ച തിരക്കഥ – എം.ടി. വാസുദേവൻ നായർ
• മികച്ച നവാഗത സംവിധായകൻ – വേണു
• മികച്ച വസ്ത്രാലങ്കാരം – എസ്.ബി. സതീഷ്
• മികച്ച കലാസംവിധാനം – സമീർ ചന്ദ
• മികച്ച ചിത്രസംയോജനം – ബീന പോൾ

പുറത്തേക്കള്ള കണ്ണികൾ

• ദയ ഇന്റർനെറ്റ് മൂവി ഡാറ്റാബേസിൽ
• ദയ – മലയാളസംഗീതം.ഇൻഫോ
• ദയ Archived 2012-03-25 at the Wayback Machine. – വൺഇൻഡ്യ.ഇൻ