സുലൈമാൻ

ഭാരതത്തിലും ചൈനയിലും സഞ്ചരിച്ചിട്ടുമുള്ള പേർഷ്യക്കാരനായ വ്യാപാരിയുമാണ്‌ സുലൈമാൻ. 9-ാം നൂറ്റാണ്ടു മുതൽ 15-ാം നൂറ്റാണ്ടുവരെയുള്ള കലഘട്ടത്തിൽ വളരെയധികം മുസ്ലീം സഞ്ചാരികൾ കേരളത്തിൽ വരികയും സഞ്ചാരക്കുറിപ്പുകൾ എഴുതുകയും ചെയ്തിട്ടുണ്ട്. അക്കൂട്ടത്തിൽ പ്രമുഖനാണ്‌ സുലൈമാൻ. സ്ഥാണുരവിവർമ്മയുടെ കാലത്താണ്‌ അദ്ദേഹം കേരളത്തിലെത്തിയത്. ക്രി.വ. 851 ലാണ്‌ അദ്ദേഹം യാത്രാവിവരണം പ്രസിദ്ധീകരിച്ചത്. എന്നാൽ അദ്ദേഹം രചിച്ച ഗ്രന്ഥം നഷ്ടപ്പെട്ടുപോവുകയും പിന്നീട് പത്താം ശതകത്തിന്റെ പൂർ‌വ്വാർദ്ധത്തിൽ അബൂസൈദ് അദ്ദേഹത്തിന്റെ വിവരണങ്ങൾ പരിശോധിച്ച് സ്വയം പ്രസിദ്ധീകരിക്കുകയും ചെയ്തതാണ്‌ ഇന്ന് ലഭ്യമായിട്ടുള്ള സുലൈമാന്റെ വിവരണം എന്നറിയപ്പടുന്നത്.