വെള്ളരിക്കുണ്ട്

കേരളത്തിലെ കാസർഗോഡ് ജില്ലയിലെ ഒരു പ്രധാന മലയോര പട്ടണമാണ്‌ വെള്ളരിക്കുണ്ട്. ഒടയഞ്ചാൽ-ചെറുപുഴ റോഡിൽ ഒടയൻഞ്ചാലിനും ചിറ്റാരിക്കലിനും മിടയിൽ വെള്ളരിക്കുണ്ട് സ്ഥിതി ചെയ്യുന്നു. വെള്ളരിക്കുണ്ട് ആസ്ഥാനമായി ഈസ്റ്റ് എളേരി, വെസ്റ്റ് എളേരി, കിനാനൂർ- കരിന്തളം, കോടോം-ബേളൂർ, കള്ളാർ, പനത്തടി, ബളാൽ എന്നീ പഞ്ചായത്തുകളെ ഉൾപ്പെടുത്തി പുതിയ താലൂക്ക് രൂപീകരിച്ചിട്ടുണ്ട്. നേരത്തെ ഹോസ്ദുർഗ്ഗ് താലൂക്കിന്റെ ഭാഗമായിരുന്നു. ഈ പട്ടണം ബളാൽ പഞ്ചായത്തിലെ ഒരു പ്രധാന വാണിജ്യ കേന്ദ്രമാണ്. മലബാർ കുടിയേറ്റത്തെ തുടർന്നാണ് വെള്ളരിക്കുണ്ടും സമീപ പ്രദേശങ്ങളും ജനനിബിഢമായത്. ഭീമനടി സംരക്ഷിത വനം ഈ പട്ടണത്തിനടുത്ത് സ്ഥിതി ചെയ്യുന്നു. കാസർഗോഡ് ജില്ലയിലെ വികസിച്ചു കൊണ്ടിരിക്കുന്ന മലയോര പട്ടണങ്ങളിൽ ഒന്നാണ് വെള്ളരിക്കുണ്ട്.

Vellarikkund വെള്ളരിക്കുണ്ട്
പട്ടണം
രാജ്യം	India
സംസ്ഥാനം	കേരളം
ജില്ല	കാസർഗോഡ്
ഭാഷ
• ഔദ്യോഗികം	മലയാളം, ഇംഗ്ലീഷ്, തുളു,കന്നഡ
സമയമേഖല	UTC+5:30 (ഔദ്യോഗിക ഇന്ത്യൻ സമയം)
PIN	671533
ടെലിഫോൺ കോഡ്	0467
സമീപ റയിൽവേ സ്റ്റേഷൻ	നീലേശ്വരം,കാഞ്ഞങ്ങാട്
ലോകസഭ മണ്ഡലം	Kasaragod

പേരിനു പിന്നിലെ ചരിത്രം പഴയ കാലത്ത് വെള്ളരികൾ ധാരാളമായി വിളഞ്ഞിരുന്ന കുന്നുകൾക്കിടയിലുള്ള താഴ്ന്ന ഭൂപ്രദേശം എന്നതുകൊണ്ട് ഈ പ്രദേശം വെള്ളരിക്കുണ്ട് (കുണ്ട് - കുഴി, താഴ്ന്ന പ്രതലം എന്നർത്ഥം) എന്ന പേരിൽ അറിയപ്പെട്ടു.

സംസ്കാരം

മലയാളമാണ് പ്രധാന ഭാഷയെങ്കിലും വളരെ ചെറിയ തോതിൽ തുളു, കന്നട, മറാത്ത എന്നീ ഭാഷകൾ സംസാരിക്കുന്നവരുണ്ട്. കുടിയേറ്റത്തോടെ മലബാർ-തിരുവിതാംകൂർ സങ്കലനവും സാംസ്കാരിക രംഗത്തുണ്ടായി. ചില ആചാരാനുഷ്ഠാനങ്ങളിലും ഭക്ഷണക്രമങ്ങളിലും കർണ്ണാടക സ്വാധീനമുണ്ട്.

• വെള്ളരിക്കുണ്ട് താലൂക്ക് ഓഫീസ്
• വെള്ളരിക്കുണ്ട് സർക്കിൾ ഇൻസ്പെക്ടറുടെ കാര്യാലയം
• വെള്ളരിക്കുണ്ട് താലൂക്ക് സപ്ലൈഓഫീസ്
• വെള്ളരിക്കുണ്ട് പോലീസ് സ്റ്റേഷൻ
• വെള്ളരിക്കുണ്ട് പോസ്റ്റ് ഓഫീസ്
• വെള്ളരിക്കുണ്ട് സബ് ട്രഷറി
• കോർപറേഷൻ ബേങ്ക്- വെള്ളരിക്കുണ്ട് ശാഖ
• സ്റ്റേറ്റ് ബാങ്ക് ഓഫ് ഇന്ത്യ- വെള്ളരിക്കുണ്ട് ശാഖ
• കേരള ഗ്രാമീൺ ബേങ്ക് വെള്ളരിക്കുണ്ട് ശാഖ
• പ്രാഥമിക ആരോഗ്യ കേന്ദ്രം, വെള്ളരിക്കുണ്ട്
• സെന്റ് ജൂഡ്സ് ആർട്സ് ആൻഡ് സയൻസ് കോളേജ്
• സെന്റ് ജൂഡ്സ് ഹയർ സെക്കന്ററി സ്കൂൾ
• സബ് ആർ ടി ഒ ഓഫീസ് വെള്ളരിക്കുണ്ട്

ഗതാഗതം

റോഡ് ഗതാഗത സംവിധാനം മാത്രമാണ് ലഭ്യമായിട്ടുള്ളത് അടുത്തുള്ള റെയിൽവേ സ്റ്റേഷൻനീലേശ്വരം എയർപോർട്ട്കണ്ണൂർ