വെറുതേ ഒരു ഭാര്യ

ജയറാമിനെ നായകനാക്കി അക്കു അക്ബർ സംവിധാനം ചെയ്ത മലയാളചലച്ചിത്രമാണ് വെറുതേ ഒരു ഭാര്യ. 2008-ലാണ്‌ ഈ ചലച്ചിത്രം റിലീസ് ചെയ്തത്. ജയറാമിന്റെ നായികയായി ഗോപിക അഭിനയിച്ചിരിക്കുന്നു. ഗോപിക തന്റെ വിവാഹത്തിനു തൊട്ടു മുൻപ് അഭിനയിച്ചതും ഈ ചിത്രത്തിലാണ്‌. സിനിമ കൊട്ടകയുടെ ബാനറിൽ സലാവുദ്ദീൻ നിർമ്മിച്ച ഈ ചിത്രം പിരമിഡ് സായ്‌മിറ ആണ് വിതരണം ചെയ്തത്. കഥ, തിരക്കഥ, സംഭാഷണം എന്നിവ നിർവ്വഹിച്ചത് കെ. ഗിരീഷ്‌കുമാർ ആണ്.

വെറുതേ ഒരു ഭാര്യ
സംവിധാനം	അക്കു അക്ബർ
നിർമ്മാണം	സലാഹുദീൻ
രചന	ഗിരീഷ് കുമാർ
അഭിനേതാക്കൾ	ജയറാം ഗോപിക മധു വാര്യർ ഇന്നസെന്റ് നിവേദ
സംഗീതം	ശ്യാം ധർമ്മൻ
ഗാനരചന	വയലാർ ശരത്ചന്ദ്രവർമ്മ
ഛായാഗ്രഹണം	ഷാജി കുമാർ
ചിത്രസംയോജനം	രഞ്ജൻ എബ്രഹാം
സ്റ്റുഡിയോ	സിനിമ കൊട്ടക
വിതരണം	പിരമിഡ് സായ്മിറ
റിലീസിങ് തീയതി	2008
രാജ്യം	ഇന്ത്യ
ഭാഷ	മലയാളം

കഥാസാരം

ഭാര്യാഭർത്തൃബന്ധത്തിലെ സൂക്ഷ്മസംഭവവികാസങ്ങൾ ആവിഷ്കരിക്കുന്ന ഈ ചലച്ചിത്രത്തിൽ കെ.എസ്.ഇ.ബി. ഉദ്യോഗസ്ഥനായ സുഗുണന്റെയും (ജയറാം) 18-ആം വയസ്സിൽ സുഗുണനെ വിവാഹം ചെയ്ത് വീട്ടമ്മയാകാൻ വിധിക്കപ്പെട്ട ബിന്ദുവിന്റെയും (ഗോപിക) കഥയാണ് വെറുതേ ഒരു ഭാര്യയിൽ അനാവരണം ചെയ്യപ്പെടുന്നത്. ചെറിയ ചെറിയ അഭിപ്രായവ്യത്യാസങ്ങളിൽത്തുടങ്ങി രണ്ടുപേരും പിരിഞ്ഞിരിക്കുന്നതുവരെയെത്തുന്ന സങ്കീർണ്ണദാമ്പത്യപ്രശ്നങ്ങളിലേക്ക് ചലച്ചിത്രം സാവധാനം കടക്കുന്നു. പിന്നീട് ഇവരെ വീണ്ടും ഒരുമിപ്പിക്കുന്നതിൽ ഈ ചിത്രം അവസാനിക്കുന്നു.

അഭിനേതാക്കൾ

അഭിനേതാവ്	കഥാപാത്രം
ജയറാം	സുഗുണൻ
ഗോപിക	ബിന്ദു
ഇന്നസെന്റ്	രാജശേഖരൻ
മധു വാര്യർ
സുരാജ് വെഞ്ഞാറമ്മൂട്
റഹ്മാൻ
ജാഫർ ഇടുക്കി
കലാഭവൻ പ്രജോദ്
മധു വാര്യർ
നിവേദ തോമസ്	അഞ്ജന

സംഗീതം

വയലാർ ശരത്ചന്ദ്രവർമ്മ രചിച്ച ഗാനങ്ങൾക്ക് ശ്യാം ധർമ്മൻ ഈണം നൽകിയിരിക്കുന്നു. ഈ ചിത്രത്തിലെ "മഞ്ഞിൽ കുളിക്കും രാവേറെയായ്..." എന്നു തുടങ്ങുന്ന ഒരു ഗാനവും ശ്യാം ധർമ്മൻ പാടിയിട്ടുണ്ട്.

ഗാനങ്ങൾ

ഗാനം	പാടിയത്
ഓംകാരം ശംഖിൽ...	ഉണ്ണി മേനോൻ
മുറ്റത്തെങ്ങും...	ഫ്രാങ്കോ, സൗമ്യ
മഞ്ഞിൽ കുളിക്കും...	ശ്യാം ധർമ്മൻ
പാടാതെങ്ങെങ്ങോ...	ബിജു നാരായണൻ
വേദം ചൊല്ലും...	പ്രദീപ് പള്ളുരുത്തി, മാസ്റ്റർ ആദർശ്
ഓംകാരം ശംഖിൽ...	മാളവിക

അണിയറ പ്രവർത്തകർ

അണിയറപ്രവർത്തനം	നിർ‌വ്വഹിച്ചത്
നിർമ്മാണം	സലാവുദീൻ
ഛായാഗ്രഹണം	ഷാജി കുമാർ
ചിത്രസം‌യോജനം	രഞ്ജൻ എബ്രഹാം
കല	സാലു കെ. ജോർജ്
ചമയം	ഹസ്സൻ വണ്ടൂർ
വസ്ത്രാലങ്കാരം	വേലായുധൻ കീഴില്ലം
നൃത്തം	സുജാത
പരസ്യകല	റഹ്‌മാൻ ഡിസൈൻ
നിശ്ചല ഛായാഗ്രഹണം	അനീഷ് ഉപാസന
നിർമ്മാണ നിയന്ത്രണം	ജെയ്‌സൻ ഇള‌ങ്ങുളം
നിർമ്മാണ നിർവ്വഹണം
അസോസിയേറ്റ് ക്യാമറാമാൻ	രതീഷ് മുപ്പത്തടം
അസോസിയേറ്റ് ഡയറൿടർ	രാജേഷ് ഭാസ്കർ
ലാബ്	ജെമിനി കളർ ലാബ്
എഫക്റ്റ്സ്	അരുൺ, സീനു
വിഷ്വൽ എഫക്റ്റ്സ്	ഇ.എഫ്.എക്സ്
വാതിൽ‌പുറചിത്രീകരണം	ജൂബിലി
ഓഫീസ് നിർവ്വഹണം	അനിൽ അങ്കമാലി
എക്സിക്യൂട്ടീവ് പ്രൊഡ്യൂസർ	ഇ.കെ. നവാസ്

പുരസ്കാരങ്ങൾ

2009-ലെ കേരളാ സംസ്ഥാന ചലച്ചിത്ര അവാർഡിൽ മികച്ച ബാലതാരത്തിനുള്ള പുരസ്കാരം നിവേദ തോമസ് നേടി.

പുറത്തേക്കുള്ള കണ്ണികൾ

• വെറുതേ ഒരു ഭാര്യ ഇന്റർനെറ്റ് മൂവി ഡാറ്റാബേസിൽ
• വെറുതേ ഒരു ഭാര്യ – മലയാളസംഗീതം.ഇൻഫോ