ബാരോൺ കാജെറ്റൻ വോൺ ഫെൽഡർ

ബാരോൺ കാജെറ്റൻ വോൺ ഫെൽഡർ - Baron Cajetan von Felder (19 സെപ്റ്റംബർ 1814 – 30 നവംബർ 1894) ഒരു ഓസ്ട്രിയൻ വക്കീലും, പ്രാണിപഠനശാജ്ഞനും ഉദാരതാവാദിയും ആയിരുന്നു. അദ്ദേഹം 1868 മുതൽ 1878 വരെ വിയന്നയുടെ മേയർ ആയിരുന്നു.

കാജെറ്റൻ വോൺ ഫെൽഡർ
Cajetan von Felder (ലിത്തോഗ്രാഫി: Adolf Dauthage, 1861)
വിയന്നയുടെ മേയർ
ഓഫീസിൽ 20 ഡിസംബർ 1868 (1868-12-20) – 28 ജൂൺ 1878 (1878-06-28)
മുൻഗാമി	Andreas Zelinka
പിൻഗാമി	Julius von Newald
വ്യക്തിഗത വിവരങ്ങൾ
ജനനം	(1814-09-19)19 സെപ്റ്റംബർ 1814 Wieden (ഇപ്പോൾ വിയന്ന), Austrian Empire
മരണം	30 നവംബർ 1894(1894-11-30) (പ്രായം 80) വിയന്ന, ആസ്ട്രോ-ഹങ്കേറിയൻ സാമ്രാജ്യം
പങ്കാളി	Josefine Sowa
കുട്ടികൾ	Rudolf Felder
തൊഴിൽ	വക്കീൽ, പ്രാണിപഠനശാജ്ഞൻ

ജീവചരിത്രം

അദ്ദേഹം വിയന്നയിലെ ഇപ്പോളത്തെ ഒരു ജില്ലയായ Wieden-ൽ ആണ് ജനിച്ചത്. 1826 മുതൽ അനാഥക്കുട്ടിയായിരുന്ന അദ്ദേഹം Seitenstetten Abbey-യിലുള്ള ജിംനേഷ്യത്തിലും, Brno-യിലും വിയന്നയിലുമുള്ള സ്കൂളുകളിലുമായി പ്രാഥമിക വിദ്യാഭ്യാസം പൂർത്തിയാക്കി. തുടർന്ന് 1834-ൽ നിയമപഠനത്തിന്നായി വിയന്ന യൂണിവേഴ്സിറ്റിയിൽ ചേർന്നു. അദ്ദേഹം Brno-യിൽ പരിശീലനം പൂർത്തിയാക്കി തുടർന്ന് വിയന്നയിൽ ഒരു ക്ലെർക്ക് ആയി ജോലി നോക്കി.1841-ൽ ഡോക്ട്രേറ്റ് എടുത്തു.

1835 മുതൽ അദ്ദേഹം പ്രധാനമായും കാൽനടയായിത്തന്നെ ദക്ഷിണ-പടിഞ്ഞാറൻ യൂറോപ്പിലെങ്ങും ചുറ്റിസഞ്ചരിക്കുകയും വിദേശഭാഷകൾ പഠിക്കുകയും ചെയ്തു. 1843 മുതൽ അദ്ദേഹം Theresianum അക്കാദമിയിൽ ഒരു സഹായിയായും വിയന്ന കോടതിയിൽ ദ്വിഭാഷിയായും ജോലിചെയ്തു. 1848-ൽ ഓസ്ട്രിയൻ വിപ്ലവം തുടങ്ങുന്നതിന് ഏതാനും ദിവസങ്ങൾക്കു മുൻപ് അദ്ദേഹം ബാർ പരീക്ഷയിൽ വിജയിച്ചു. 1848 ഒക്ടോബറിൽ പുതുതായി രൂപംകൊണ്ട മുൻസിപ്പൽ കൗൺസിലിൽ തെരഞ്ഞെടുക്കപ്പെട്ടെങ്കിലും രാഷ്ട്രീയമായ അഭിപ്രായ വ്യതാസങ്ങളെത്തുടർന്ന് ഏതാനും മാസങ്ങൾക്കുള്ളിൽ അദ്ദേഹം രാജിവച്ചു.

തുടർന്നുള്ള പത്തുവർഷം അദ്ദേഹം വിയന്നയിൽ ഒരു വക്കീലായി ജോലി ചെയ്തു. അക്കാലത്ത് അദ്ദേഹം ഏഷ്യ, ആഫ്രിക്ക, കിഴക്കേ യൂറോപ്പ്, വടക്കേ മുനമ്പ്, റഷ്യ എന്നീ സ്ഥലങ്ങൾ സന്ദർശിച്ചു. 1852-ൽ ഖാർത്തൂമിൽവച്ചു അദ്ദേഹം Alfred Brehm എന്ന ജർമൻ ജന്തുശാസ്ത്രജ്ഞനെ കണ്ടുമുട്ടി. ഈ യാത്രകളിൽ അദ്ദേഹം ഒരുപാട് വണ്ടുകളെയും ചിത്രശലഭങ്ങളെയും ശേഖരിച്ചു. 1860-ൽ അദ്ദേഹം Academy of Sciences Leopoldina-ൽ ചേർന്നു.

1861-ൽ അദ്ദേഹം വീണ്ടും വിയന്ന മുൻസിപ്പൽ കൗൺസിലറായി തെരഞ്ഞെടുക്കപ്പെട്ടു. 1863-ൽ അദ്ദേഹം സഹമേയറായി. 1868-ൽ മേയറുടെ മരണത്തെത്തുടർന്ന് അടുത്ത മേയറായി അദ്ദേഹം നിയമിതനായി. കൗൺസിലിലുള്ള ഉദാരതാവാദികളുടെ പിൻതുണയോടെ ഏകദേശം പത്തുവർഷത്തോളം അദ്ദേഹം മേയറായി തുടർന്ന്. അതിനിടയിൽ 1871, 1874 , 1877 എന്നീ വർഷങ്ങളിലായി മൂന്നുപ്രാവശ്യംകൂടി അദ്ദേഹം വിജയിച്ചു.1869 മുതൽ ഓസ്ട്രിയൻ Landtag-ന്റെ ഉപപ്രസിഡന്റായും ഉപരിസഭയിൽ അംഗമായും Franz Joseph I of Austria ചക്രവർത്തിയാൽ നിയമിതനായി. അദ്ദേഹത്തിൻറെ പ്രധാന സംഭാവനകൾ വിയന്ന സിറ്റി ഹാൾ, വിയന്ന റിങ്ങ് റോഡ്, ൧൮൭൩-ലെ ആഗോള മേള എന്നിവയാണ്.

എങ്കിലും ജർമ്മൻ ദേശീയവാദികളിൽനിന്നും ക്രിസ്തീയ സംഘടനകളിൽനിന്നുമുള്ള കടുത്ത എതിർപ്പിനെത്തുടർന്ന് അദ്ദേഹം 1878-ൽ രാജിവച്ചു. പ്രഭു സ്ഥാനം നഷ്ടപ്പെട്ടെങ്കിലും ഒരുതവണകൂടി (1880-1884) അദ്ദേഹം Landtag-ന്റെ പ്രസിഡന്റായി. തുടർന്ന് അനാരോഗ്യംമൂലം അദ്ദേഹം പിന്മാറി.

തുടർന്ന് അദ്ദേഹം സ്വകാര്യജീവിതം നയിച്ചു. തിമിരംമൂലം അദ്ദേഹം ഏറെക്കുറെ അന്ധനായെങ്കിലും വളരെയധികം ഓർമ്മക്കുറിപ്പുകൾ പ്രസിദ്ധീകരിച്ചു. തന്റെ 80-ആം ജന്മദിനം കഴിഞ്‍ ഏതാനും ആഴ്ചകൾ കഴിഞ്ഞപ്പോൾ അദ്ദേഹം നിര്യാതനായി.Klosterneuburg ശ്മശാനത്തിൽ അദ്ദേഹത്തെ സംസ്കരിച്ചു.

ശാസ്ത്രീയ കൃതികൾ

Reise Fregatte Novara -ൽ നിന്നും ഉള്ള കിളിവാലൻ ചിത്രശലഭങ്ങൾ

അദ്ദേഹം Alois Friedrich Rogenhofer-ന്റെയും തന്റെ മകനായ Rudolf Felder-ന്റെയും കൂടിച്ചേർന്ന് Reise Fregatte Novara: Zoologischer Theil., Lepidoptera, Rhopalocera (Journey of the Frigate Novara...) എന്ന പുസ്തകം മൂന്നുഭാഗങ്ങളായി 1865–1867 കാലഘട്ടത്തിൽ പ്രസിദ്ധീകരിച്ചു. SMS Novara എന്ന യുദ്ധക്കപ്പലിൽ Bernhard von Wüllerstorf-Urbair -ന്റെ കീഴിൽ 1857–1859 വർഷങ്ങളിൽ തന്റെ മകനോടൊപ്പം അദ്ദേഹം പര്യവേക്ഷണയാത്രകളിലേർപ്പെടുകയും ധാരാളം പ്രാണികളെ ശേഖരിച്ചു വിയന്നയിലെ Naturhistorisches Museum-ലും ലണ്ടനിലെ നാച്ചുറൽ ഹിസ്റ്ററി മ്യൂസിയത്തിലും നിക്ഷേപിക്കുകയും ചെയ്തു. 1856 -1891കാലയളവിൽ അദ്ദേഹത്തിനു ലഭിച്ച 1,000 -ൽ അധികം കത്തുകളും മ്യൂസിയത്തിലുണ്ട്. പത്തൊൻപതാം നൂറ്റാണ്ടിൽ ലോകമെങ്ങുമുള്ള പ്രാണിപഠനശാസ്ത്രവിദക്തർ അദ്ദേഹത്തിനയച്ച കത്തുകളാണവ.

പുറം കണ്ണികൾ

• Cajetan von Felder എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)
• Picture and short biography Archived 2012-12-30 at Archive.is from the Aeiou Encyclopedia.
• BDH Species lepidopterorum hucusque descriptae vel iconibus expressae in seriem systematicam digestae a C. et R. Felder. Separata editio ex Actis C. r. Societatis zoolog.-botanicae.Vindobonae,typis C. Ueberreuter (1864).
• Plates Reise der Österreichischen Fregatte Novara um die Erde in den Jahren 1857, 1858, 1859 unter den Befehlen des Commodore B. von Wüllerstorf-Urbair. (1864) Zoologischer Theil. 2. Band. Zweite Abteilung: Lepidoptera. Atlas. Cajetan Felder, Rudolf Felder, Alois F. Rogenhofer Verlag: Kaiserlich-Königliche Hof- und Staatsdruckerei. In Commission bei Carl Gerolds's Sohn. 1864 Wien Archived 2010-05-05 at the Wayback Machine.