പുളിങ്ങോം

കണ്ണൂർ ജില്ലയിലെ ചെറുപുഴ പഞ്ചായത്തിലെ ഒരു ഗ്രാമമാണ് പുളിങ്ങോം. പയ്യന്നൂരിൽ നിന്നും 37 കിലോമീറ്റർ വടക്ക് കിഴക്കായി സ്ഥിതി ചെയ്യുന്നു. ജില്ലാ ആസ്ഥാനമായ കണ്ണൂർ നഗരത്തിൽ നിന്നും ഇവിടേക്ക് 66 കിലോ മീറ്റർ ദൂരമുണ്ട്. കേരള-കർണാടക അതിർത്തി പ്രദേശമായ ഈ ഗ്രാമം പശ്ചിമഘട്ടത്തിനും കർണാടക വനപ്രദേശത്തിനുമിടയിൽ സ്ഥിതി ചെയ്യുന്നു.

Pulingome പുളിങ്ങോം
ഗ്രാമം
രാജ്യം	ഇന്ത്യ
State	കേരളം
District	കണ്ണൂർ
വിസ്തീർണ്ണം
• ആകെ	28.8 ച.കി.മീ.(11.1 ച മൈ)
ജനസംഖ്യ  (2011)
• ആകെ	10,672
• ജനസാന്ദ്രത	370/ച.കി.മീ.(960/ച മൈ)
ഭാഷ
• ഔദ്യോഗികം	മലയാളം, ഇംഗ്ലീഷ്
സമയമേഖല	UTC+5:30 (IST)
PIN	670511
ടെലിഫോൺ കോഡ്	04985-
വാഹന റെജിസ്ട്രേഷൻ	KL-59-
സമീപ നഗരം	പയ്യന്നൂർ
ലോകസഭ മണ്ഡലം	Kasaragod

ചരിത്രം

അടുത്ത ഗ്രാമമായ പാലാവയലിലേക്ക് പോകുന്ന വഴിയിലെ പുഴയോരത്ത് ഉണ്ടായിരുന്ന ഒരു വലിയ പുളിമരവുമായി ബന്ധപ്പെട്ടാണ് ഈ ഗ്രാമത്തിന് പുളിങ്ങോം എന്ന പേര് കിട്ടിയിരിക്കുന്നത്. സംഘകാല ഘട്ടത്തിൽ പുളിങ്ങോം ഏഴിമല ആസ്ഥാനമായ മൂഷക വംശ ഭരണത്തിന് കീഴിലായിരുന്നു. പിന്നീട് ചിറക്കൽ രാജവംശത്തിന്റെ കീഴിലുള്ള കോലത്തുനാടിന്റെ ഭാഗമായി.

പ്രധാന ആകർഷണങ്ങൾ

• പുളിങ്ങോം മഖാം
• കൊട്ടത്തലച്ചി മല
• ശങ്കരനാരായണ ക്ഷേത്രം
• സെന്റ് ജോസഫ് ചർച് വാഴക്കുണ്ടം