ടി.കെ. ചന്തൻ
വടക്കേ മലബാറിലെ ഒരു പ്രധാന കർഷക തൊഴിലാളി സംഘാടകനായിരുന്നു ടി. കെ. ചന്തൻ.[1]
ടി.കെ. ചന്തൻ | |
|---|---|
 | |
| കേരള നിയമസഭയിലെ അംഗം | |
| ഓഫീസിൽ ഫെബ്രുവരി 22 1973 – മാർച്ച് 22 1977 | |
| മുൻഗാമി | വി.വി. കുഞ്ഞമ്പു |
| മണ്ഡലം | നീലേശ്വരം |
| വ്യക്തിഗത വിവരങ്ങൾ | |
| ജനനം | ഒക്ടോബർ 20, 1921 |
| മരണം | മാർച്ച് 23, 1989 (പ്രായം 67) |
| രാഷ്ട്രീയ കക്ഷി | സിപിഐ(എം) |
| പങ്കാളി | വി.പി. മാധവി |
| മാതാപിതാക്കൾ |
|
As of ഓഗസ്റ്റ് 2, 2023 ഉറവിടം: നിയമസഭ | |
ജീവിതരേഖ
തിരുത്തുകഞാണങ്കൈ രാമന്റെയും ചിരുതയുടെയും മകനായി 1921 ഒക്ടോബർ 20-ന് ആണ് ടി.കെ. ചന്തൻ ജനിച്ചത്[2]. കാസർഗോഡ് ജില്ലയിൽ ചെറുവത്തൂരിനടുത്തുള്ള തിമിരിയായിരുന്നു അദ്ദേഹത്തിന്റെ ജന്മദേശം. ചീമേനിയിൽ നടന്ന തോൽ വിറക് സമരത്തിന് സുബ്രഹ്മണ്യൻ തിരുമുമ്പിനോടൊപ്പം നേതൃത്വം നൽകിയത് ടി. കെ. ചന്തൻ ആയിരുന്നു[3].1946-ൽ കരിവെള്ളൂരിൽ നെല്ല് പിടിച്ചെടുക്കൽ സമരത്തിൽ പങ്കെടുത്തതിനെ തുടർന്ന് 1948 വരെ[2] വെല്ലൂർ ജയിലിലലടച്ചു.[4] ചീമേനി, തിമിരി, കൊടക്കാട് എന്നിവിടങ്ങളിൽ കർഷകസംഘവും, കമ്മ്യൂണിസ്റ്റു് പാർട്ടിയും കെട്ടിപടുക്കുന്നതിൽ പ്രധാന പങ്കു വഹിച്ചു.
1964-ൽ കമ്മ്യൂണിസ്റ്റു് പാർട്ടി പിളർന്നപ്പോൾ മാർക്സിസ്റ്റു് പാർട്ടിയോടൊപ്പം നിലകൊണ്ടു. കേരളത്തിലെ നാലാം നിയമസഭയിൽ, കാസർഗോഡ് ജില്ലയിലെ നീലേശ്വരം മണ്ഡലത്തിൽ 1973 ജനുവരി 23ന് നടന്ന ഉപതെരെഞ്ഞെടുപ്പിൽ സി.പി.ഐ.(എം) സ്ഥാനാർത്ഥിയായി മൽസരിച്ച് ജയിച്ചിരുന്നു.[5][2] കയ്യൂർ ചീമേനി ഗ്രാമപഞ്ചായത്തിന്റെ മുൻ പ്രസിഡണ്ടായിരുന്നു.[6]. സി.പി.ഐ.(എം) കാസർഗോഡ് ജില്ലാക്കമ്മിറ്റി അംഗമായിരുന്നു.[2] 1989 മാർച്ച് 23-ന് അന്തരിച്ചു.[2]
അവലംബം
തിരുത്തുക- ↑ പയസ്വിനിയുടെ തീരത്തു് - കെ മാധവൻ (1987)
- ↑ 2.0 2.1 2.2 2.3 2.4 "T. K. Chandan". Government of Kerala.
- ↑ "Kannur Obituary Archives". മാതൃഭൂമി. Archived from the original on 2011-06-03. Retrieved 2011-09-13.
- ↑ കേരളത്തിലെ കാർഷിക കലാപങ്ങൾ - ഡോ. കെ. കെ. എൻ. കുറുപ്പു്
- ↑ "Members Profile". Retrieved 2023-08-02.
- ↑ "കയ്യൂർ ചീമേനി ഗ്രാമപഞ്ചായത്ത് - മുൻ പ്രസിഡന്റുമാർ". LSGKerala.in. Archived from the original on 2016-03-04. Retrieved 2011-09-13.