ജെയിംസ് ഫോർബസ്

പതിനെട്ടാം നൂറ്റാണ്ടിൽ ഇന്ത്യ സന്ദർശിച്ച ബ്രിട്ടീഷ് സഞ്ചാരിയും കലാകാരനും എഴുത്തുകാരനുമാണ്‌ ജെയിംസ് ഫോർബസ്. ലണ്ടനിൽ ജനിച്ച ഇദ്ദേഹം ബ്രിട്ടീഷ് ഈസ്റ്റ് ഇന്ത്യ കമ്പനിയുടെ ഒരു എഴുത്തുകാരനായാണ്‌ 1765-ൽ ഇന്ത്യയിലെത്തിയത്. ഇന്ത്യയിലെ ജനജീവിതം, വന്യമൃഗങ്ങൾ, സസ്യജാലം, വാസ്തുവിദ്യ എന്നിവയെക്കുറിച്ച് അമ്പത്തിരണ്ടായിരത്തോളം വരുന്ന കൈയെഴുത്തു താളുകളും രേഖാചിത്രങ്ങളും ഇദ്ദേഹം തയ്യാറാക്കി. 1781-ൽ താജ് മഹൽ സന്ദർശിച്ച ഫോർബ്‌സ്, അതിന്റെ ചിത്രം പകർത്തുന്ന ആദ്യത്തെ യുറോപ്യന്മാരിലൊരാളായി. താൻ ശേഖരിച്ച വിവരങ്ങൾ ഉൾക്കൊള്ളിച്ച് 1813-ൽ ഓറിയന്റൽ മെമൊയേഴ്സ് എന്ന ഒരു ഗ്രന്ഥം അഞ്ചു വാല്യങ്ങളിലായി അദ്ദേഹം പുറത്തിറക്കി. ഇന്ത്യയുടെ സംസ്കാരത്തെക്കുറിച്ചും, സസ്യ-ജന്തുജാലത്തെക്കുറിച്ചുള്ള അക്കാലത്തെ ഒരു വിലപ്പെട്ട ഗ്രന്ഥമായി ഇതിനെ കണക്കാക്കുന്നു.

പുറത്തേക്കുള്ള കണ്ണികൾ

http://www.georgeglazer.com/prints/nathist/botanical/forbesmem.html