എലെ, ഡെക്കാസെ

ഫ്രഞ്ച് രാജ്യതന്ത്രജ്ഞനായിരുന്ന എലെ, ഡെക്കാസെ 1780 സെപ്റ്റംബർ 28-ന് ജനിച്ചു. നിയമബിരുദമെടുത്തശേഷം 1806 മുതൽ ന്യായാധിപനായി സേവനമനുഷ്ഠിച്ചു തുടങ്ങി. ലൂയി XVIII-നെ പിന്തുണച്ചിരുന്ന ഡെക്കാസെ 1815 ജൂലൈയിൽ പൊലീസ് വകുപ്പിൽ പ്രിഫക്റ്റ് ആയി നിയമിതനായി. സെപ്റ്റ്ബറിൽ പൊലീസ് വകുപ്പിന്റെ മന്ത്രിയാകുവാനും സാധിച്ചു. ഈ കാലഘട്ടത്തിൽ മിതവാദി നേതാവായിത്തീർന്നിരുന്ന ഇദ്ദേഹം തീവ്രവാദികൾക്കു ഭൂരിപക്ഷമുണ്ടായിരുന്ന ചേംബർ ഒഫ് ഡെപ്യൂട്ടീസ് പിരിച്ചുവിടാൻ ചക്രവർത്തിയെ നിർബന്ധിച്ചു (1816 ആഗസ്റ്റ്). തുടർന്ന് ഒക്ടോബറിൽ നടന്ന തെരഞ്ഞെടുപ്പിൽ കൃത്രിമ മാർഗങ്ങളിലൂടെ മിതവാദികൾക്കു ഭൂരിപക്ഷം ലഭിക്കത്തക്ക സാഹചര്യമൊരുക്കി.

എലെ, ഡെക്കാസെ
ഫ്രാൻസിലെ നാലാമത്തെ പ്രധാനമന്ത്രി
ഓഫീസിൽ 19 November 1819 – 20 February 1820
Monarch	Louis XVIII
മുൻഗാമി	Marquis Dessolles
പിൻഗാമി	Duc de Richelieu
വ്യക്തിഗത വിവരങ്ങൾ
ജനനം	(1780-09-28)28 സെപ്റ്റംബർ 1780 Saint-Martin-de-Laye
മരണം	24 ഒക്ടോബർ 1860(1860-10-24) (പ്രായം 80) Paris
രാഷ്ട്രീയ കക്ഷി	Constitutional Monarchist, Orleanist

ആഭ്യന്തര മന്ത്രിയായി

ജീൻ ഡിസ്സോളിന്റെ നേതൃത്വത്തിലുള്ള മന്ത്രിസഭയിൽ 1818-ൽ ഇദ്ദേഹം ആഭ്യന്തരകാര്യ മന്ത്രിയായി നിയമിതനായി. ചില ഭരണപരിഷ്കാരങ്ങൾ നടപ്പിലാക്കാനുള്ള ഇദ്ദേഹത്തിന്റെ ശ്രമം തീവ്രവാദികളുടെ എതിർപ്പുമൂലം ഫലവത്തായില്ല. രാഷ്ട്രീയമായ അഭിപ്രായവ്യത്യാസം മൂലം ഡിസ്സോൾ രാജിവച്ചപ്പോൾ 1819 നവംബർ 19-ന് ഡെക്കാസെയുടെ നേതൃത്വത്തിൽ പുതിയ മന്ത്രിസഭ നിലവിൽവന്നു. എന്നാൽ തീവ്രവാദി നേതാവായിരുന്ന ഡി ബാറിയുടെ മരണത്തിനുത്തരവാദി ഡെക്കാസെ ആണെന്ന് ആരോപണമുണ്ടായതോടെ 1820 ഫെബ്രുവരിയിൽ അധികാരമൊഴിയേണ്ടിവന്നു.

പിന്നീട് ഡെക്കാസെ പ്രഭു പദവിയിലേക്കുയർത്തപ്പെട്ടു. തുടർന്നിദ്ദേഹം ഇംഗ്ലണ്ടിലെ അംബാസഡറായി നിയമിതനായി. 1821-ൽ ഫ്രാൻസിൽ മടങ്ങിയെത്തി പ്രഭുസഭയിൽ അംഗമായിത്തുടർന്നു. 1860 ഒക്ടോബർ 24-ന് ഇദ്ദേഹം നിര്യാതനായി.

പുറത്തേക്കുള്ള കണ്ണികൾ

• http://www.britannica.com/EBchecked/topic/154961/Elie-Duke-Decazes
• http://www.answers.com/topic/lie-duc-decazes

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ഡെക്കാസെ, എലെ (1780 - 1860) എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.