എം. രവീന്ദ്രനാഥ്

കേരളത്തിലെ ഒരു രാഷ്ട്രീയ പ്രവർത്തകനും മുൻ നിയമസഭാംഗവുമായിരുന്നു എം. രവീന്ദ്രനാഥ്. പത്തനംതിട്ട നിയമസഭാമണ്ഡലത്തിൽ നിന്നും രണ്ടാം കേരളനിയമസഭയിലേക്ക് കോൺഗ്രസ് പ്രതിനിധിയായാണ് ഇദ്ദേഹം തിരഞ്ഞെടുക്കപ്പെട്ടത്. മുൻ പത്തനംതിട്ട എംഎൽഎ ആയിരുന്ന സി.കെ. ഹരിശ്ചന്ദ്രൻ നായർ മരിച്ച ഒഴിവിലേക്ക് 1963 മേയ് 16ന് നടന്ന തിരഞ്ഞെടുപ്പിലാണ് ഇദ്ദേഹം വിജയിച്ചത്. കെ.കെ.എൻ.എം. ഹൈസ്കൂളിന്റെ (കോന്നി) പ്രധാനാധ്യാപകനും മാനേജറുമായിരുന്നു. കോന്നി കല്ലറ വീട്ടിൽ ഫോറസ്റ്റ് റേഞ്ച് ഓഫീസർ കല്ലറ കൃഷ്ണൻ നായരുടെയും പാർവതിക്കുട്ടിയമ്മയുടെയും മകനായി കൊല്ലം ജില്ലയിൽ കോന്നിയിൽ ( ഇപ്പോൾ പത്തനംതിട്ട ജില്ലയിൽ ) ജനനം മലയാളത്തിലെ ആദ്യത്തെ പുസ്തകാലയമായ കോന്നി വീനസ് ബുക്സ് ഡിപ്പോ & പബ്ലിഷിംഗ് കമ്യുൺ സ്ഥാപകൻ ഇ. കെ. ശേഖർ , ആദ്യകാല സിനിമാനിർമ്മാതാവ് ഇ. കെ ശിവറാം എന്നിവർ സഹോദരങ്ങളാണ്.

എം. രവീന്ദ്രനാഥ്
കേരള നിയമസഭയിലെ അംഗം
ഓഫീസിൽ മേയ് 16 1963 – സെപ്റ്റംബർ 10 1964
മുൻഗാമി	സി.കെ. ഹരിശ്ചന്ദ്രൻ നായർ
പിൻഗാമി	കെ.കെ. നായർ
മണ്ഡലം	പത്തനംതിട്ട
വ്യക്തിഗത വിവരങ്ങൾ
രാഷ്ട്രീയ കക്ഷി	കോൺഗ്രസ്
As of ഡിസംബർ 4, 2020 ഉറവിടം: നിയമസഭ