അങ്കക്കുറി
വിജയാനന്ദ് സംവിധാനം ചെയ്ത് സി.വി. ഹരിഹരൻ നിർമ്മിച്ച് 1979-ൽ പുറത്തിറങ്ങിയ ഒരു മലയാളചലച്ചിത്രമാണ് അങ്കക്കുറി. ചിത്രത്തിൽ ജയൻ, ജയഭാരതി, സുകുമാരൻ, സീമ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. ബിച്ചുതിരുമല എഴുതിയ ഈ ചിത്രത്തിലെ ഗാനങ്ങൾക്ക് എ.ടി. ഉമ്മറാണ് സംഗീതം നിർവ്വഹിച്ചത്. വിഷ്ണുവർദ്ധനും അംബരീഷും പ്രധാന കഥാപാത്രങ്ങളെ അവതരിപ്പിച്ച സ്നേഹ സെഡു എന്ന 1978 ലെ കന്നഡ ചിത്രത്തിന്റെ പുനർനിർമ്മാണമാണിത്.[1][2][3]
| അങ്കക്കുറി | |
|---|---|
 | |
| സംവിധാനം | വിജയാനന്ദ് |
| നിർമ്മാണം | സിവി ഹരിഹരൻ |
| രചന | പാപ്പനംകോട് ലക്ഷ്മണൻ |
| തിരക്കഥ | പാപ്പനംകോട് ലക്ഷ്മണൻ |
| സംഭാഷണം | പാപ്പനംകോട് ലക്ഷ്മണൻ |
| അഭിനേതാക്കൾ | ജയൻ, ജയഭാരതി, സുകുമാരൻ, സീമ ഉമ്മർ |
| സംഗീതം | എ.റ്റി. ഉമ്മർ |
| പശ്ചാത്തലസംഗീതം | ഗുണ സിംഗ് |
| ഗാനരചന | ബിച്ചു തിരുമല |
| ഛായാഗ്രഹണം | ആനന്ദക്കുട്ടൻ |
| സംഘട്ടനം | മാടക്കുളം അളഗിരി സ്വാമി |
| ചിത്രസംയോജനം | വിജയാനന്ദ് |
| സ്റ്റുഡിയോ | സുഗുണ സ്ക്രീൻ |
| ബാനർ | സുഗുണ സ്ക്രീൻ |
| വിതരണം | സുഗുണ സ്ക്രീൻ റിലീസ് |
| പരസ്യം | കുര്യൻ വർണ്ണശാല |
| റിലീസിങ് തീയതി |
|
| രാജ്യം |  ഇന്ത്യ |
| ഭാഷ | മലയാളം |
കഥാസാരം
തിരുത്തുകകാഷ്യർ രാമചന്ദ്രൻ (ജയൻ) സാമ്പത്തികതട്ടിപ്പിന്റെ പേരിൽ മാനേജരുടെ ചതിവിൽ ജയിലിലായി. ഇതിനേത്തുടർച്ച് അയാളുടെ അമ്മയും സഹോദരിയും ആത്മഹത്യ ചെയ്തു. ജയിലിൽ നിന്നിറങ്ങിയ അയാൾ മാനേജറെ (പ്രതാപചന്ദ്രൻ ) കൊലപ്പെടുത്തുന്നു. മകൾ സരളയെ (സീമ ) തട്ടിക്കൊണ്ടുപോയി അമ്മിണിയമ്മ (മീന ) എന്ന സ്തീ നടത്തുന്ന വേശ്യാലയത്തിലാക്കി. ചെറുപ്പത്തിലേ നാടുവിട്ട മാനേജറുടെ മകൻ കൃഷ്ണൻ ( സുകുമാരൻ ) തന്റെ വിവാഹത്തിനായി അച്ഛന്റെ അനുമതിക്കായി വന്നപ്പോൾ അച്ഛൻ കൊല്ലപ്പെട്ടതറിഞ്ഞ് പ്രതികാരദാഹിയാകുന്നു. കാഷ്യർ രാമചന്ദ്രൻ എന്ന ഒരു പേരു മാത്രമേ അയാൾക്കറിയൂ. തട്ടിപ്പുകാരനായ കൊച്ചപ്പനും (കുതിരവട്ടം പപ്പു) കുരങ്ങും ചേർന്ന് അവനെ പറ്റിക്കുന്നു. രാമചന്ദ്രൻ രാമൻ കുട്ടി എന്ന പേരിൽ ഒളിവിൽ താമസിക്കുന്നു. ഡ്രൈവർ ആയ കൃഷ്ണൻ പരിക്കേറ്റ രാമൻകുട്ടിയെ തന്റെ വീട്ടിലേയ്ക്ക് കൊണ്ടുവരുന്നു. അയാളുടെ കാമുകി ഗീതയേയും (ജയഭാരതി) അന്ധയായ അമ്മയേയും (കോഴിക്കോട് ശാരദ ) കണ്ട രാമൻകുട്ടി അവർ തൻറെ മാതൃസഹോദരിയാണെന്ന് തിരിച്ചറിയുന്നു. ഗീതയെ തന്റെ സഹോദരിയാക്കുന്നു. ദുഷ്ഠനായ തമ്പിയങ്ങുന്ന് (കെ.പി. ഉമ്മർ ) ചേരിയിൽ താമസിക്കുന്ന അവരെ ഒഴിപ്പിക്കാൻ ശ്രമിക്കുന്നു. കൃഷ്ണനും രാമൻ കുട്ടിയും ചേർന്ന് ആ ശ്രമം തകർക്കുന്നു. തമ്പിയുടെ കാശു മോഷ്ടിച്ച രാമൻ കുട്ടി ആ സ്ഥലം ചേരിനിവാസികൾക്കായി വാങ്ങിക്കുന്നു. ഇവരെ തെറ്റിക്കാനായി തമ്പിയുടെ ശ്രമം. സഹായി ദാസപ്പൻ (കുഞ്ചൻ ) അവരുടെ ചരിത്രം കണ്ടെത്തുന്നു. തന്റെ സഹോദരിക്കായി രാമൻ കുട്ടി ജീവൻ ത്യജിക്കാൻ തീരുമാനിക്കുന്നു. താൻ കാരണം ജീവിതം നഷ്ടപ്പെട്ട സരളയോട് കാത്തിരക്കാൻ പറഞ്ഞ് ജയിലിൽ പോകുന്നു.
അഭിനേതാക്കൾ
തിരുത്തുക| ക്ര.നം. | താരം | വേഷം |
|---|---|---|
| 1 | ജയൻ | രാമചന്ദ്രൻ |
| 2 | സീമ | സരള |
| 3 | സുകുമാരൻ | ബാലകൃഷ്ണൻ |
| 4 | ജയഭാരതി | ഗീത |
| 5 | ശങ്കരാടി | രാമചന്ദ്രന്റെ അമ്മാവൻ |
| 6 | പ്രതാപചന്ദ്രൻ | സുകുമാരൻ / സീമയുടെ അച്ഛൻ |
| 7 | കെ.പി. ഉമ്മർ | തമ്പി |
| 8 | കുഞ്ചൻ | ദാസപ്പൻ |
| 9 | കുതിരവട്ടം പപ്പു | കൊച്ചപ്പൻ |
| 10 | എം.എസ്. തൃപ്പൂണിത്തുറ | പൈമുതലാളി |
| 11 | മാള അരവിന്ദൻ | നാടകക്കാരൻ |
| 12 | എൻ ഗോവിന്ദൻ കുട്ടി | രമന്റെ സുഹൃത്ത് |
| 13 | മീന | അമ്മിണി അമ്മ |
| 14 | കോഴിക്കോട് ശാരദ[4] |
ഗാനങ്ങൾ
തിരുത്തുക- ഗാനരചന:ബിച്ചു തിരുമല
- സംഗീതം: എ.റ്റി. ഉമ്മർ[5]
| നമ്പർ. | ഗാനം | ആലാപനം | രാഗം |
| 1 | മണി മുഴങ്ങി കോവിൽ | വാണി ജയറാം | |
| 2 | മരം ചാടി നടന്നോരു | കെ.ജെ. യേശുദാസ് | |
| 3 | സോമബിംബ വദന | എസ്. ജാനകി |
അവലംബം
തിരുത്തുക- ↑ "അങ്കക്കുറി(1979)". www.malayalachalachithram.com. Retrieved 2014-10-12.
- ↑ "അങ്കക്കുറി(1979)". malayalasangeetham.info. Archived from the original on 2014-10-16. Retrieved 2014-10-12.
{{cite web}}: CS1 maint: bot: original URL status unknown (link) - ↑ "അങ്കക്കുറി(1979)". spicyonion.com. Retrieved 2014-10-12.
- ↑ "അങ്കക്കുറി(1979)". മലയാളം മൂവി&മ്യൂസിക് ഡാറ്റാബേസ്. Retrieved 2020-04-12.
{{cite web}}: Cite has empty unknown parameter:|1=(help) - ↑ "അങ്കക്കുറി(1979)". മലയാളസംഗീതം ഇൻഫൊ. Retrieved 2020-04-28.