ഹിബിസ്കസ്
സപുഷ്പികളിൽപ്പെടുന്ന ഒരു സസ്യകുടുംബമായ മാൽവേസിയിലെ ഒരു ജീനസ്സാണ് ഹിബിസ്കസ് (Hibiscus') (/hᵻˈbɪskəs/[2] or /haɪˈbɪskəs/[3]) താരതമ്യേനെ വലിയ ജീനസ്സായ ഇതിൽ 600ഓളം സ്പീഷിസുകൾ ഉൾപ്പെടുന്നു. ലോകമെമ്പാടുമുള്ള മിതശീതോഷ്ണ, ഉഷ്ണമേഖല പ്രദേശങ്ങളിലും ഇവ കാണപ്പെടുന്നു. കാഴ്ചയിൽ സുന്ദരവും വലുതുമായ ഇവയുടെ പൂക്കളെ സാധാരണയായി ഹിബിസ്കസ് എന്നാണ് വിളിക്കാറ്. ഈ ജീനസ്സിൽ ഏകവർഷിസസ്യങ്ങളും, ചിരസ്ഥായിസസ്യങ്ങളും കുറ്റിച്ചെടികളും, ചെറുമരങ്ങളും ഉൾപ്പെടുന്നു. ഗ്രീക്കു പദമായ ഹിബിസ്കോസ് (hibískos) ൽ നിന്നുമാണ് ഈ ജീനസ്സിന് ഹിബിസ്കസ് എന്ന പേരു കിട്ടിയത്.[4]
| ഹിബിസ്കസ് | |
|---|---|
| |
| ചെമ്പരത്തി | |
| Scientific classification | |
| Kingdom: | |
| (unranked): | |
| (unranked): | |
| (unranked): | |
| Order: | |
| Family: | |
| Subfamily: | |
| Tribe: | |
| Genus: | Hibiscus |
| Species | |
| Synonyms | |
|
Bombycidendron Zoll. & Moritzi | |
ചെമ്പരത്തി, ചേഞ്ച് റോസ്, പനച്ചിയം, വൈശ്യപ്പുളി , പൂവരശ്ശ്, തൈപ്പരുത്തി, പുളിവെണ്ട എന്നിവയെല്ലാം ഈ ജീനസ്സിൽ ഉൾപ്പെടുന്നവയാണ്.
സവിശേഷതകൾതിരുത്തുക
ഇവയുടെ ഇലകൾ ഏകാന്തരന്യാസം (alternate or spiral phyllotaxis) ക്രമീകരിക്കപ്പെട്ടതും ജാലികാസിരാവിന്യാസത്തോടു കൂടിയവയുമാണ്. ഇവയ്ക്ക് പത്രവൃന്തത്തിന്റെ അടിയിലായി ഉപപർണ്ണങ്ങൾ കാണപ്പെടുന്നു. ദ്വിലിംഗ സ്വഭാവത്തോടു കൂടിയ ഇവയുടെ പൂക്കൾ പ്രസമത (കൃത്യം മൂന്നായി വിഭജിക്കാവുന്ന-actinomorphy)പാലിക്കുന്നവയാണ്. ഇവയുടെ പൂക്കൾ വലുതും, അഞ്ചോ അതിൽ കൂടുതലോ പുഷ്പദളങ്ങൾ ചേർന്നതാണിവയുടെ ദളപുടം, ദളങ്ങളുടെ താഴ്ഭാഗം കൂടിച്ചേർന്ന് കാഹളം ആകൃതിയിലുള്ളതും മിനുസമുള്ളതുമായിരിക്കും. വെള്ള, ഇളം റോസ്, ചുവപ്പ്, ഓറഞ്ച്, മഞ്ഞ, [5] ധൂമം എന്നീ വർങ്ങളിലുള്ളപൂക്കൾ ഇത്തരം സസ്യങ്ങളിൽ കാണപ്പെടാറുണ്ട്. [6] 4-18 സെ.മീ വീതിയുള്ളതാണിവയുടെ പൂക്കൾ. ഹിബിസ്കസ് സ്പീഷീസുകളായ തൈപ്പരുത്തി, ചേഞ്ച് റോസ് എന്നീ സസ്യങ്ങളുടെ പൂക്കളുടെ നിറം ഓരോ ഘട്ടങ്ങളിലും വ്യത്യാസപ്പെടാറുണ്ട്.[7] അധികം മാംസളമല്ലാത്ത, അഞ്ചറകളോടു കൂടിയതാണിയുടെ ഫലങ്ങൾ. ധാരാളം വിത്തുകളുൾകൊള്ളുന്നതാണ് ഓരോ അറകളും. കായകൾ പാകമായാൽ അവപൊട്ടി വിത്തുകൾ പുറത്തേക്കു വരും.
ഉപയോഗങ്ങൾതിരുത്തുക
പ്രതീകാത്മകത്വവും സംസ്ക്കാരവുംതിരുത്തുക
ഈ ജീനസ്സിലെ സ്പീഷിസുകൾ പല രാജ്യങ്ങളുടേയും ദേശീയപുഷ്പമാണ്. ഹെയ്റ്റിയുടെ ദേശീയപുഷ്പമായ ഹിബിസ്കസ് സ്പീഷിസനെ അവരുടെ ദേശീയ ടൂറിസം മുദ്രാവാക്യത്തിലും പ്രതിപാതിച്ചിട്ടുണ്ട്.[8][9] മറ്റു രാജ്യങ്ങളായ ദക്ഷിണ കൊറിയയിൽ Hibiscus syriacus ആണ് ദേശീയപുഷ്പമെങ്കിൽ മലേഷ്യയിൽ ചെമ്പരത്തിയാണ്.
_in_Hyderabad,_AP_W_IMG_9075.jpg)
കടലാസ്തിരുത്തുക
മെസ്റ്റ അല്ലെങ്കിൽ കെനാഫ് (Hibiscus cannabinus) എന്നറിയപ്പെടുന്ന ഹിബിസ്കസ് സ്പീഷീസ് ഉപയോഗിച്ച് കടലാസു നിർമ്മിക്കാറുണ്ട്.
ഭക്ഷണംതിരുത്തുക
ഹിബിസ്കസ് ചായ(Hibiscus Tea) എന്ന പാനീയം ഉണ്ടാക്കാറുണ്ട്. പൂവ് ഉണക്കിയും അല്ലാതെയും ചായ ഉണ്ടാക്കാനുപയോഗിക്കാറുണ്ട്.[10]
ഹിബിസ്കസ് സ്പീഷീസുകളിൽ മിക്കതും ഭക്ഷ്യയോഗ്യമാണ്. ഉദാഹരണമായി പുളിവെണ്ട(Hibiscus sabdariffa) എന്ന ഹിബിസ്കസ് സ്പീഷീസ് പച്ചക്കറിയായി ഉപയോഗിക്കാറുണ്ട്.
ലെപിഡോപ്റ്റെറ പൂമ്പാറ്റ സ്പീഷിസുകളുടെ ശലഭപ്പുഴുക്കളുടെ ഭക്ഷ്യസസ്യമാണ് മിക്ക ഹിബിസ്കസ് സ്പീഷീസുകളും
അവലംബംതിരുത്തുക
- ↑ "Genus: Hibiscus L". Germplasm Resources Information Network. United States Department of Agriculture. 2007-10-05. മൂലതാളിൽ നിന്നും 2010-05-28-ന് ആർക്കൈവ് ചെയ്തത്. ശേഖരിച്ചത് 2010-02-16.
- ↑ Oxford English Dictionary
- ↑ Sunset Western Garden Book, 1995:606–607
- ↑ Lawton, Barbara Perry (2004).
- ↑ http://www.garden.org/plantguide/?q=show&id=2133
- ↑ A.M.Fouda, M.Y.Daba & G.M. Dahab.
- ↑ Lee, David Webster (2007).
- ↑ "CIA World Factbook: National Symbols". മൂലതാളിൽ നിന്നും 2016-11-08-ന് ആർക്കൈവ് ചെയ്തത്. ശേഖരിച്ചത് 2016-10-15.
- ↑ "Embassy of the Republic of Haiti: The National Flower of Haiti". മൂലതാളിൽ നിന്നും 2015-08-12-ന് ആർക്കൈവ് ചെയ്തത്. ശേഖരിച്ചത് 2016-10-15.
- ↑ Nation's Restaurant News: Hibiscus blossoms as a food, drink ingredient[പ്രവർത്തിക്കാത്ത കണ്ണി]
അവലംബംതിരുത്തുക
പുറത്തേക്കുള്ള കണ്ണികൾതിരുത്തുക
