പീതാംബരൻ

കേരളത്തിലും തമിഴ്‌‌നാട്ടിലും വിരളമായി കാണപ്പെടുന്ന ഒരു പൂമ്പാറ്റയാണ് പീതാംബരൻ ശലഭം (Colias nilagiriensis). ലോകത്ത് മറ്റൊരിടത്തും ഇതിനെ കാണാത്തതിനാൽ ഇതിനെ നാമാവശേഷമായിക്കൊണ്ടിരിക്കുന്ന ഒരു ചിത്രശലഭവർഗ്ഗമായി കണക്കാക്കുന്നു. മുഖ്യമായും പശ്ചിമഘട്ടത്തിലെ ഉയരമുള്ള പർവ്വതനിരകളിലാണ് പീതാംബരന്റെ വാസം. കാപ്പിത്തോട്ടങ്ങളിലും ചായത്തോട്ടങ്ങളിലും ഇതിനെ വിരളമായി കാണാറുണ്ട്.

പീതാംബരൻ Nilgiri Clouded Yellow
Colias nilagiriensis Male
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Arthropoda
Class:	Insecta
Order:	Lepidoptera
Family:	Pieridae
Genus:	Colias
Species:	C. nilagiriensis
Subspecies:	C. nilagiriensis
Binomial name
Colias nilagiriensis C. & R.Felder, 1859
Synonyms
Colias erate nilgiriensis (lapsus)

വർഷത്തിൽ മുഴുവൻ സമയത്തും ഇതിനെ കാണാം. സദാ പറന്നുനടക്കുന്ന പൂമ്പാറ്റയാണിത്. ചെറുസസ്യങ്ങളുടെ പൂക്കളിൽ നിന്നാണ് തേനുണ്ണുക.

ആണിന്റെ പുറംചിറകിന് ചെറുനാരങ്ങയുടെ മഞ്ഞ നിറമാണ്. പെണ്ണിന്റെ ചിറകുകൾ വെളുത്തിട്ടുമാണ്. ചിറകിനു പുറത്ത് ഓരത്തായി കറുത്തപാടു കാണാം.മുൻചിറകിൽ ഒരു കറുത്ത പൊട്ട് തെളിഞ്ഞ് കാണാം.

പീതാംബരൻ നീലപ്പുളിയാറില സസ്യത്തിലാണ് മുട്ടയിടുക.

ശലഭപ്പുഴു ഉരുണ്ടിട്ടാണ്.പുഴുവിന് മങ്ങിയ പച്ച നിറമാണ് ഉണ്ടാവുക. പാർശ്വത്തിൽ ഇളം ചുവപ്പും വെളുപ്പും നിറത്തിലുള്ള വരകൾ കാണാം. ഇലയുടെ അടിവശത്താണ് പുഴുവിന്റെ വാസം. എപ്പോഴും മുട്ടയിട്ട സസ്യത്തിൽ തന്നെ സമാധി കഴിച്ച് കൂട്ടുന്ന ശീലമില്ല. ചിലപ്പോൾ പുഴു തൊട്ടടുത്ത സസ്യത്തിൽ പുഴുപ്പൊതി(Pupa)യുണ്ടാക്കും.പുഴുപൊതിയ്ക്കും പച്ച നിറമാണ്. പുഴുപൊതിയുടെ മുൻഭാഗം മൂക്കുപോലെ കൂർത്തിരിക്കും.

ചിത്രശാല

• 
• 
  നീലപ്പുളിയാറില പൂവ്