സൂഫിയും സുജാതയും
നരണിപുഴ ഷാനവാസ് തിരക്കഥയെഴുതി സംവിധാനം ചെയ്ത റൊമാന്റിക് ത്രില്ലർ മലയാള ചിത്രമാണ് സുഫിയും സുജാതയും. ജയസൂര്യ, അദിതി റാവു ഹൈദരി, ദേവ് മോഹൻ എന്നിവർ അഭിനയിച്ച ചിത്രം വിജയ് ബാബു ആണ് നിർമിച്ചിട്ടുള്ളത്. പ്രണയസാന്ദ്രമായ ഈ സിനിമയുടെ സംഗീത സംവിധാനം എം. ജയചന്ദ്രനാണ് നിർവഹിച്ചിട്ടുള്ളത്. കോവിഡ്-19 പകർച്ച വ്യാധി കാരണം, ചിത്രം ഡിജിറ്റൽ പ്ലാറ്റ്ഫോം ആമസോൺ പ്രൈം വീഡിയോയിലൂടെ 2020 ജൂലൈ 3 ന് റിലീസ് ചെയ്തു. ഓവർ ദി ടോപ്പ് (ഒ.ടി.ടി) പ്ലാറ്റ്ഫോമിലൂടെ പുറത്തുവന്ന ആദ്യ മലയാള ചിത്രമാണ് ഇത്.[1][2][3][4]
| സൂഫിയും സുജാതയും | |
|---|---|
 ചലച്ചിത്രത്തിന്റെ പോസ്റ്റർ | |
| സംവിധാനം | നരണിപുഴ ഷാനവാസ് |
| നിർമ്മാണം | വിജയ് ബാബു |
| രചന | നരണിപുഴ ഷാനവാസ് |
| അഭിനേതാക്കൾ | ജയസൂര്യ അദിതി റാവു ഹൈദരി ദേവ് മോഹൻ |
| സംഗീതം | എം. ജയചന്ദ്രൻ |
| ഛായാഗ്രഹണം | അനു മൂത്തേടത്ത് |
| ചിത്രസംയോജനം | ദീപു ജോസഫ് |
| സ്റ്റുഡിയോ | ഫ്രൈഡേ ഫിലിം ഹൌസ് |
| വിതരണം | ആമസോൺ പ്രൈം വിഡിയോ |
| റിലീസിങ് തീയതി |
|
| രാജ്യം | ഇന്ത്യ |
| ഭാഷ | മലയാളം |
| സമയദൈർഘ്യം | 122 മിനിറ്റ് |
കഥാസംഗ്രഹം തിരുത്തുക
സംസാര ശേഷി നഷ്ടപ്പെട്ട സുജാത അവളുടെ അയൽവാസിയായ സൂഫി പുരോഹിതനുമായി പ്രണയത്തിലാണ്, പക്ഷേ അവളുടെ പിതാവ് അവളെ ദുബായിലെ ഒരു നല്ല എൻആർഐയുമായി വിവാഹം കഴിപ്പിച്ചു. പത്ത് വർഷം കഴിഞ്ഞു, ആ പ്രണയം തന്റെ ഭൂതകാലത്തിൽ ഉപേക്ഷിച്ചുവെന്ന് അവൾ കരുതുന്നു - ഒരു ദിവസം, അവൾക്ക് ഒരു കോൾ വരുന്നത് വരെ. അവളുടെ ഭർത്താവ് രാജീവ് അവളെ ഗ്രാമത്തിലേക്ക് തിരികെ കൊണ്ടുവരാൻ തീരുമാനിക്കുന്നു. തുടർന്നുള്ള കാര്യങ്ങൾ, ഒരു സംഗീത പ്രണയകഥയായി ഈ ചലച്ചിത്രം കാണിക്കുന്നു.
അഭിനേതാക്കൾ തിരുത്തുക
- ജയസൂര്യ - പി.ആർ രാജീവ്, സുജാതയുടെ ഭർത്താവ്
- അദിതി റാവു ഹൈദരി - സുജാത, രാജീവിന്റെ ഭാര്യ
- ദേവ് മോഹൻ - സൂഫി, സുജാതയുടെ കാമുകൻ
- സിദ്ദിഖ് - മല്ലികാർജുനൻ, സുജാതയുടെ അച്ഛൻ
- മാമുക്കോയ - ഇമാം
- ഹരീഷ് കണാരൻ - അശോകൻ, ടാക്സി ഡ്രൈവർ
- മധുമോഹൻ കുട്ടംപറമ്പത്ത്
- കലാരഞ്ജിനി - കമല, സുജാതയുടെ അമ്മ
- വത്സല മേനോൻ - സുജാതയുടെ മുത്തശ്ശി
- മണികണ്ഠൻ പട്ടാമ്പി - കുമാരൻ
- സ്വാമി ശൂന്യ - ഉസ്താദ് അബൂബ്
- ലോഹൻ ബാലൻ - മൂസക്ക
നിർമ്മാണം തിരുത്തുക
വിജയ് ബാബുവിന്റെ ഫ്രൈഡേ ഫിലിം ഹൌസ് ആണ് ചിത്രം നിർമ്മിച്ചത്. ഒരു സംഗീതാത്മക ത്രില്ലർ പ്രണയകഥത്രില്ലർ എന്നാണ് ബാബു ചിത്രത്തെ വിശേഷിപ്പിച്ചത്, "കഴിഞ്ഞ മൂന്ന് വർഷത്തിനിടയിൽ തന്നെ ഏറ്റവും ആവേശം കൊള്ളിച്ച കഥയാണിതെന്നും" പ്രൊഡ്യൂസർ അഭിപ്രായപ്പെട്ടു . 2019 സെപ്റ്റംബർ 20 നാണ് ചിത്രീകരണം ആരംഭിച്ചത്. ഈ കഥയിലെ നടിയെ കണ്ടുപിടിക്കുന്നത് കാരണമാണ് ഈ സിനിമ നേരം വൈകിയെതെന്നും, ശേഷം കഥക് അറിയുന്ന ഒരു നടിയെ കണ്ടുപിടിച്ച് അദിതി റാവു ഹൈദരിയെ നായികയായി പരിഗണിച്ചു[5].
റിലീസ് തിരുത്തുക
സൂഫിയും സുജാതയും ആമസോൺ പ്രൈം വീഡിയോയിലാണ് 2020 ജൂലൈ 3 ന് ആണ് റിലീസ് ചെയ്തത്[6]. തീയറ്റർ റിലീസിനായി നിശ്ചയിച്ചിരുന്നതെങ്കിലും കോവിഡ്-19 പകർച്ച വ്യാധി കാരണം ഇത് നടക്കില്ലെന്ന മനസിലായ നിർമ്മാതാക്കൾ നേരിട്ട് ഒരു ഒ.ടി.ടി റിലീസിലേക്ക് പോയി. നേരത്തെ നിശ്ചയിച്ച അതെ ദിവസം തന്നെ റിലീസ് ചെയ്യുകയും ചെയ്തു[7].
അവലംബം തിരുത്തുക
- ↑ "സൂഫിയും സുജാതയും; പ്രണയവീഞ്ഞുകളുടെ പുതിയ കുപ്പികൾ". Retrieved 2020-07-06.
- ↑ "'സൂഫിയും സുജാതയും' തുടക്കമാവുമോ? ഒടിടിയിൽ റിലീസ് സിനിമ കാണുംമുൻപ്". Retrieved 2020-07-06.
- ↑ "'സൂഫിയും സുജാതയും' ; ജയസൂര്യ ചിത്രത്തിന്റെ ട്രെയ്‌ലർ പുറത്തിറങ്ങി". Retrieved 2020-07-06.
- ↑ "സൂഫിയും സുജാതയും ഓൺലൈനിൽ പുറത്തിറങ്ങി". 2020-07-03. Archived from the original on 2020-07-06. Retrieved 2020-07-06.
- ↑ "Jayasurya to act with Aditi Rao Hydari in Sufiyum Sujatayum". Retrieved 03/07/2020.
{{cite web}}: Check date values in:|access-date=(help) - ↑ "https://indianexpress.com/article/entertainment/malayalam/sufiyum-sujatayum-amazon-prime-video-july-3-6471014/". Retrieved 03/07/2020.
{{cite web}}: Check date values in:|access-date=(help); External link in|title= - ↑ "Aditi Rao Hydari and Jayasurya's 'Sufiyum Sujatayum' becomes first Malayalam release to get OTT release". Retrieved 03/07/2020.
{{cite web}}: Check date values in:|access-date=(help)