സായൂജ്യം

1979 ൽ പുറത്തിറങ്ങിയ ജി. പ്രേംകുമാർ സംവിധാനം ചെയ്ത ഒരു മലയാള ചലച്ചിത്രമാണ് സായൂജ്യം. ഈ ചിത്രത്തിലെ പ്രധാന വേഷങ്ങളിൽ ജയൻ, ജയഭാരതി, എം.ജി. സോമൻ, തിക്കുറിശ്ശി സുകുമാരൻ നായർ എന്നീ താരങ്ങളായിരുന്നു പ്രത്യക്ഷപ്പെട്ടത്. ചിത്രത്തിന്റെ സംഗീതം കെ.ജെ. ജോയി നിർവ്വഹിച്ചു.

സായൂജ്യം
സംവിധാനം	ജി.പ്രേംകുമാർ
നിർമ്മാണം	സുകുപ്രസാദ്
രചന	ടി. കെ. പ്രസാദ്
തിരക്കഥ	പാപ്പനംകോട് ലക്ഷ്മണൻ
സംഭാഷണം	പാപ്പനംകോട് ലക്ഷ്മണൻ
അഭിനേതാക്കൾ	ജയഭാരതി സോമൻ ജയൻ തിക്കുറിശ്ശി
സംഗീതം	കെ.ജെ. ജോയ്
ഛായാഗ്രഹണം	ജി. വി ഗണേഷ്
ചിത്രസംയോജനം	കെ. നാരായണൻ
സ്റ്റുഡിയോ	അക്ഷരചിത്ര
വിതരണം	വിജയ മൂവീസ്
റിലീസിങ് തീയതി	20 ജൂലൈ 1979 (1979-07-20)
രാജ്യം	India
ഭാഷ	മലയാളം

കഥാസാരം

ശക്തനായ ഒരാളുടേ ദുഷ്ടത എങ്ങനെ മറ്റുള്ളവരെ ബാധിക്കുന്നു എന്നതാണ് ഈ ചിത്രത്തിൻറെ പ്രമേയം. മേനോൻ മുതലാളി ദുരഭിമാനിയും ദുഷ്ടനുമാണ്. അയാൾ ആരുടെയും ദുഃഖം കാണാറില്ല. അയാളുടെ പുത്രി രമ ജോലിക്കാരിയുടെ മകനായ ബാലനെ പ്രേമിക്കുകയും അവൾ ഗർഭിണിയാവുകയും ചെയ്തു. ഇതറിഞ്ഞ മുതലാളി ബാലനെ കൊല്ലാൻ എർപ്പാടാക്കി. അവൾ പ്രസവിച്ചകുഞ്ഞിനേയും തന്റെ ഭൃത്യനായ രാഘവനെ കൊല്ലാനേല്പിച്ചു. തലക്കടിയേറ്റ അയാളെ കാണാതാകുന്നതിനാൽ, അച്ഛന്റെ നിർബന്ധത്തിനു വഴങ്ങി രമ രാജനെ വിവാഹം ചെയ്യുന്നു. സുഖകരമായ അവരുടെ ദാമ്പത്യത്തിലേക്ക് അന്ധനായ ബാലൻ രാജന്റെ സുഹൃത്ത് എന്നനിലയിൽ കടന്നുവരുന്നു. കാഴ്ച തിരിച്ച് കിട്ടുന്നു. തന്റെ പുത്രൻ അനാധാലയത്തിലുണ്ടെന്നറിഞ്ഞ് രമ രാജനറിയാതെ അവനെ കാണാനെത്തുന്നു. രാജൻ അറിഞ്ഞ് എതിർക്കുന്നു. കുഞ്ഞിന് അസുഖം ബാധിക്കുന്നു. അവനെ അവർ എറ്റെടുക്കുന്നു.

അഭിനേതാക്കൾ

• ജയഭാരതി - രമ/സുമ
• എം.ജി. സോമൻ - ബാലൻ
• ജയൻ - രാജൻ
• തിക്കുറിശ്ശി സുകുമാരൻ നായർ-മേനോൻ മുതലാളി
• ശ്രീലത നമ്പൂതിരി-സൈനബ
• ടി.ആർ. ഓമന-മാധവി
• ആറന്മുള പൊന്നമ്മ-സരസ്വതി
• അസീസ്
• ജലജ-രാധ
• പൂജപ്പുര രവി-കാദർ
• കൊല്ലം ജി.കെ. പിള്ള

ഗാനങ്ങൾ

യൂസഫലി കേച്ചേരിഎഴുതിയ വരികൾക്ക് കെ ജെ ജോയി ഈണം നൽകിയ പാട്ടുകൾ

നമ്പർ.	പാട്ട്	പാട്ടുകാർ	വരികൾ	ഈണം
1	കാലിത്തൊഴുത്തിൽ	പി. സുശീല, സംഘം	യൂസഫലി കേച്ചേരി	കെ ജെ ജോയി
2	മറഞ്ഞിരുന്നാലും	വാണി ജയറാം	യൂസഫലി കേച്ചേരി	കെ ജെ ജോയി
3	മറഞ്ഞിരുന്നാലും [ആ]	യേശുദാസ്	യൂസഫലി കേച്ചേരി	കെ ജെ ജോയി
4	സ്വർഗ്ഗത്തിലേക്കോ	പി. ജയചന്ദ്രൻ	യൂസഫലി കേച്ചേരി	കെ ജെ ജോയി

പുറം കണ്ണികൾ

• Sayoojyam on IMDb

ചിത്രം കാണുക

സായൂജ്യം 1979