ആന്റ്വാൻ ലാവോസിയെ

ആധുനിക രസതന്ത്രത്തിന്റെ പിതാവായി അറിയപ്പെടുന്ന ഫ്രെഞ്ച് ശാസ്ത്രജ്ഞനായിരുന്നു ആന്റൺ-ലോറന്റ് ഡി ലാവോസിയർ രസായനവിദ്യയും അഗ്നിതത്ത്വവുമെല്ലാമായിരുന്ന രസതന്ത്രത്തിന് ഒരു ശാസ്ത്രശാഖയുടെ കൃത്യത നൽകിയതും സർവ്വലൗകിക ഭാഷ നൽകിയതും ആന്ത്വാൻ ലാവോസിയാണ്.

ആന്റ്വാൻ ലാവോസിയെ
ആധുനിക രസതന്ത്രത്തിന്റെ പിതാവ്
ജനനം	(1743-08-26)26 ഓഗസ്റ്റ് 1743 പാരീസ്, ഫ്രാൻസ്
മരണം	8 മേയ് 1794(1794-05-08) (പ്രായം 50) പാരീസ്, ഫ്രാൻസ്
തൊഴിൽ	രസതന്ത്രം, സാമ്പത്തിക വിദക്തൻ, ആഢ്യൻ

ജനനം

ഫ്രാൻസിലെ പാരീസിൽ 1743 ഓഗസ്റ്റ് 26-നാണ് ആന്റൺ ലാവോസിയെ ജനിച്ചത്.

ജീവിത രേഖ

മസാരിൻ കോളേജിൽനിന്ന് രസതന്ത്രവും സസ്യശാസ്ത്രവും ജ്യോതിശ്ശാസ്ത്രവും പഠിച്ചു.1764-ൽ രസതന്ത്രത്തിലെ ആദ്യ പ്രബന്ധം പ്രസിദ്ധീകരിച്ചു. 1767 മുതൽ ഭൂമിശാസ്ത്രപഠനപദ്ധതിയിൽ പ്രവർത്തിച്ച അദ്ദേഹം 1768-ൽ ഫ്രഞ്ച് അക്കാദമി ഓഫ് സയൻസിലേക്ക് തിരഞ്ഞെടുക്കപ്പെട്ടു. 1771-ൽ മേരി ആനിനെ ലാവോസിയ വിവാഹം കഴിച്ചു. 1775 മുതൽ സർക്കാരിന്റെ വെടിമരുന്നു വിഭാഗത്തിൽ പ്രവർത്തിച്ചു.

കണ്ടുപിടിത്തങ്ങൾ

ലാവോസിയയുടെ പരീക്ഷണമാണ് ദ്രവ്യസംരക്ഷണനിയമത്തിനു (The law of Conservation of Mass)വഴി തുറന്നത്. ദ്രവ്യം നശിപ്പികുവാനോ, സ്യഷട്ടിക്കുവാനോ സാധ്യമല്ല. രാസപ്രവർത്തനം നടക്കുമ്പോൾ ഇതിന്റെ രൂപത്തിൽ വ്യത്യാസം വരുന്നു എന്നേയുള്ളു. ഓക്സിജനാണ് വസ്തുക്കൾ കത്താൻ സഹായിക്കുന്നതെന്ന് ലവോസിയേ മനസ്സിലാക്കി. പ്രാണവായുവിന് ആ പേരിട്ടത് ലാവോസിയേ ആണ്. സൾഫ്യൂരിക് അമ്ലം, സിങ്ക് ഓക്സൈഡ് എന്നിവയ്ക്ക് ഈ പേരിട്ടതും ലാവോസിയേ ആണ്.