തുങ് യായ് നരേസുവാൻ വന്യജീവി സങ്കേതം
തുങ് യായ് നരേസുവാൻ വന്യജീവി സങ്കേതം കാഞ്ചനബുരി പ്രവിശ്യയുടെ വടക്കുഭാഗത്തും തക് പ്രവിശ്യയുടെ തെക്ക് ഭാഗത്തുമായി സ്ഥിതിചെയ്യുന്ന തായ്‌ലൻഡിലെ ഒരു സംരക്ഷിത പ്രദേശമാണ്. 1972-ൽ വന്യജീവി സങ്കേതമായും, 1991-ൽ അതിനോട് ചേർന്നുകിടക്കുന്ന ഹുവായി ഖ ഖായെങ് വന്യജീവി സങ്കേതത്തോടൊപ്പം യുനെസ്കോ ലോക പൈതൃക സ്ഥലമായും പ്രഖ്യാപിച്ചു.[2]
| തുങ് യായ് നരേസുവാൻ വന്യജീവി സങ്കേതം | |
|---|---|
| เขตรักษาพันธุ์สัตว์ป่าทุ่งใหญ่นเรศวร | |
ഐ.യു.സി.എൻ. Category Ia (Strict Nature Reserve) | |
 ഖാവോ ലായെ ദേശീയോദ്യാനത്തിന് അതിരിടുന്ന തുങ് യായ് വന്യജീവി സങ്കേതത്തിൻ്റെ തെക്കേയറ്റത്തുള്ള രമിത് നദി. | |
  Location in Thailand | |
| Location | Kanchanaburi and Tak Provinces |
| Nearest city | Tak (town) |
| Coordinates | 15°20′N 98°55′E / 15.333°N 98.917°E |
| Area | 3,647 കി.m2 (1,408 ച മൈ) |
| Established | 1974 |
| Governing body | Department of National Parks, Wildlife and Plant Conservation |
| Part of | Thungyai-Huai Kha Khaeng Wildlife Sanctuaries |
| Criteria | Natural: (vii), (ix), (x) |
| Reference | 591 |
| Inscription | 1991 (15-ആം Session) |
| Area | 364,720 ഹെ (1,408.2 ച മൈ) |
സ്ഥാനവും ഭൂപ്രകൃതിയും
തിരുത്തുകതായ്ലൻഡിൻ്റെ പടിഞ്ഞാറൻ ദേശീയ അതിർത്തിയായ ബർമ്മയ്‌ക്ക് സമീപം, ദവ്‌ന പർവതനിരയുടെ തെക്കൻ പ്രദേശത്താണ് ഈ വന്യജീവി സങ്കേതം സ്ഥിതിചെയ്യുന്നത്. കാഞ്ചനബുരി പ്രവിശ്യയിലെ സാങ്ഖ്‌ല ബുരി ജില്ലയിൽ നിന്ന് തക് പ്രവിശ്യയിലെ ഉംഫാങ് ജില്ലയിലേക്കും ത്രീ പഗോഡ പാസിൻ്റെ വടക്കുകിഴക്കായും ഈ പർവ്വതനിര വ്യാപിച്ചുകിടക്കുന്നു.
2,279,500 റായ് ~ 3,647 ചതുരശ്ര കിലോമീറ്റർ (1,408 ചതുരശ്ര മൈൽ)[3]:2 വിസ്തൃതിയിൽ വ്യാപിച്ചുകിടക്കുന്ന വന്യജീവി സങ്കേതം തായ്‌ലൻഡിലെ ഏറ്റവും വലിയ സംരക്ഷിത പ്രദേശമാണിത്. തൊട്ടടുത്തുള്ള ഹുവായ് ഖാ ഖായെങ് വന്യജീവി സങ്കേതത്തോടൊപ്പം പശ്ചിമ ഫോറസ്റ്റ് കോംപ്ലക്‌സിൻ്റെ പ്രധാന മേഖലയും ഉൾക്കൊള്ളുന്ന ഇത് 6,222 ചതുരശ്ര കിലോമീറ്റർ (2,402 ചതുരശ്ര മൈൽ) വിസ്തൃതിയോടെ തെക്കുകിഴക്കൻ ഏഷ്യയിലെ തുടർച്ചയായ ഒരു സംരക്ഷിത പ്രദേശത്തിൻ്റെ ഏറ്റവും വലിയ സംയോജനത്തെ പ്രതിനിധീകരിക്കുന്നു.[4][5]
ഈ വന്യജീവി സങ്കേതത്തിൻ്റെ പരിപാലനം രണ്ട് സംരക്ഷിത മേഖലകൾക്കിടയിൽ വിഭജിക്കപ്പെട്ടിരിക്കുന്നു: PARO 14 (തക്) കിഴക്ക് ഭാഗവും PARO 3 (ബാങ് പോങ്) ഈ വന്യജീവി സങ്കേതത്തിൻ്റെ പടിഞ്ഞാറ് ഭാഗവും നിയന്ത്രിക്കുന്നു.
- തുങ് യായ് നരേസുവാൻ പടിഞ്ഞാറൻ വന്യജീവി സങ്കേതം, 2,130 ചതുരശ്ര കിലോമീറ്റർ (820 ചതുരശ്ര മൈൽ)[6]
- തുങ് യായ് നരേസുവാൻ കിഴക്കൻ വന്യജീവി സങ്കേതം, 1,517 ചതുരശ്ര കിലോമീറ്റർ (586 ചതുരശ്ര മൈൽ)[7]
ഈ പ്രദേശം പ്രധാനമായും പർവതപ്രദേശമാണ്, കൂടാതെ കരിങ്കല്ലിൻ്റെ വൻതോതിലുള്ള വ്യാപനവും ക്വാർട്സൈറ്റിൻ്റെയും അഭ്രഷിസ്റ്റിൻറെയും ചെറിയ പുറംതള്ളലുകളും പലതരം ചുണ്ണാമ്പുകല്ലുകൾ ഇടകലർന്നതുമാണ്. വന്യജീവി സങ്കേതത്തിൻ്റെ തെക്ക് ഭാഗത്തുള്ള വജിറലോങ്‌കോൺ റിസർവോയറിലെ ഏകദേശം 180 മീറ്റർ (590 അടി) മുതൽ ഏറ്റവും ഉയർന്ന കൊടുമുടിയായ ഖാവോ തായ് പാ കൊടുമുടിയിലെ 1,811 മീറ്റർ (5,942 അടി) വരെ ഉയരമുള്ള പ്രദേശങ്ങൾ ഇവിടെയുണ്ട്. ഉംഫാങ് വന്യജീവി സങ്കേതത്തിൽ നിന്ന് ഉത്ഭവിക്കുന്ന മായെ ക്ലോംഗ്, മായെ ചാൻ എന്നിവയാണ് ഇവിടുത്തെ പ്രധാന നദികൾ. ഈ നദികൾ തുങ് യായിൽ വച്ച് അപ്പർ ഖ്വായെ യായി നദിയിലേയ്ക്ക് ചേരുകയും സി നഖരിൻ റിസർവോയറിനെ പോഷിപ്പിക്കുകയും ചെയ്യുന്നു. തെക്കും തെക്ക് പടിഞ്ഞാറ് ഭാഗത്തുമുള്ള വിവിധ ചെറിയ നദികൾ വജിറലോങ്‌കോൺ റിസർവോയറിനെ പോഷിപ്പിക്കുമ്പോൾ വന്യജീവി സങ്കേതത്തിൻ്റെ വടക്കുപടിഞ്ഞാറൻ ഭാഗത്ത് മായെ കസാത്ത് മായെ സൂരിയ എന്നീ നദികൾ ബർമ്മയിലേക്ക് ഒഴുകുന്നു.[8]
കാലാവസ്ഥയും മഴയും
തിരുത്തുകകാലാവസ്ഥ മൂന്ന് കാലാവസ്ഥകളാൽ സവിശേഷമാണ് ഈ പ്രദേശം: മെയ് മുതൽ ഒക്ടോബർ വരെ ചൂടുള്ളതും ഈർപ്പമുള്ളതുമായ സീസൺ, നവംബർ മുതൽ ജനുവരി വരെ തണുത്തതും വരണ്ടതുമായ കാലയളവ്, ഫെബ്രുവരി മുതൽ ഏപ്രിൽ വരെ ചൂടുള്ള വരണ്ട കാലാവസ്ഥ. ഈ പ്രദേശത്തെ ശരാശരി കുറഞ്ഞതും കൂടിയതുമായ പ്രതിദിന താപനില ആർദ്ര സീസണിൽ 20 മുതൽ 33 °C (68 മുതൽ 91 °F), ചൂടുള്ളതും വരണ്ടതുമായ സീസണിൽ 15, 35 °C (59, 95 °F), ണുത്ത സീസണിൽ 10, 29 °C (50, 84 °F) എന്നിങ്ങനെയാണ്. ഏപ്രിലിൽ പകൽസമയ താപനില 40 °C (104 °F) കവിയുന്നു, അതേസമയം രാത്രികാല താപനില 7 °C (45 °F) തണുത്ത സീസണിൽ അസാധാരണമല്ല.
അവലംബം
തിരുത്തുക- ↑ Protected Planet (2018). "Thungyai Naresuan Wildlife Sanctuary". United Nations Environment World Conservation Monitoring Centre. Retrieved 26 December 2018.
- ↑ "Thung Yai-Huai Kha Khaeng Wildlife Sanctuaries". UNESCO. Retrieved 11 February 2016.
- ↑ "ตาราง 5 พื้นที่เขตรักษาพันธุ์สัตว์ป่า พ.ศ. 2562" [Table 5 Wildlife Sanctuary Areas in 2019] (PDF). Department of National Parks, Wildlife Sanctuaries and Plant Conservation (in Thai). 2019. Retrieved 1 November 2022.
{{cite web}}: CS1 maint: unrecognized language (link) - ↑ "Thung Yai-Huai Kha Khaeng Wildlife Sanctuaries". UNESCO. Retrieved 11 February 2016.
- ↑ "Western Forest Complex".
- ↑ "เขตรักษาพันธุ์สัตว์ป่าทุ่งไหญ่นเรศวร ด้านตะวันตก" [Thung Yai Naresuan West wildlife sanctuary] (PDF). Department of National Parks, Wildlife and Plant Conservation (in Thai). 21 August 1991. Retrieved 12 September 2022.
{{cite web}}: CS1 maint: unrecognized language (link) - ↑ "เขตรักษาพันธุ์สัตว์ป่าทุ่งใหญ่นเรศวร ด้านตะวันออก" [Thung Yai Naresuan East wildlife sanctuary] (PDF). Department of National Parks, Wildlife and Plant Conservation (in Thai). 21 August 1991. Retrieved 20 June 2022.
{{cite web}}: CS1 maint: unrecognized language (link) - ↑ Nakhasathien, S.; Stewart-Cox, B. (1990). Nomination of the Thung Yai-Huai Kha Khaeng Wildlife Sanctuary to be a UNESCO World Heritage Site. Bangkok: Royal Forest Department. pp. 16–26.