ഗുരുവായൂർ അമ്പലനടയിൽ
ദീപു പ്രദീപ് തിരക്കഥ എഴുതി വിപിൻ ദാസ് സംവിധാനം ചെയ്ത് പുറത്തിറങ്ങിയ ഒരു ഇന്ത്യൻ മലയാളഭാഷാ ഹാസ്യ ചലച്ചിത്രമാണ് ഗുരുവായൂർ അമ്പലനടയിൽ. പൃഥ്വിരാജ് പ്രൊഡക്ഷൻസും E4 എൻ്റർടെയ്ൻമെൻ്റും സംയുക്തമായാണ് ഇത് നിർമ്മിച്ചത്. പൃഥ്വിരാജ് സുകുമാരൻ നായകനായ ഈ ചിത്രത്തിൽ ബേസിൽ ജോസഫ് , നിഖില വിമൽ , അനശ്വര രാജൻ, ജഗദീഷ്, യോഗി ബാബു (അദ്ദേഹത്തിൻ്റെ മലയാളം അരങ്ങേറ്റം) എന്നിവർ അഭിനയിക്കുന്നു.[2]
| ഗുരുവായൂർ അമ്പലനടയിൽ | |
|---|---|
| സംവിധാനം | വിപിൻ ദാസ് |
| നിർമ്മാണം |
|
| രചന | ദീപു പ്രദീപ് |
| സംഗീതം | അങ്കിത് മേനോൻ |
| ഛായാഗ്രഹണം | നീരജ് രേവി |
| ചിത്രസംയോജനം | ജോൺകുട്ടി |
| സ്റ്റുഡിയോ |
|
| വിതരണം | എപി ഇൻ്റർനാഷണൽ |
| റിലീസിങ് തീയതി |
|
| രാജ്യം | ഇന്ത്യ |
| ഭാഷ | മലയാളം |
| ആകെ | ₹95 crores[1] |
2024 മെയ് 16-ന് റിലീസ് ചെയ്ത ചിത്രം നിരൂപകരിൽ നിന്ന് നല്ല അവലോകനങ്ങൾ നേടി, ബോക്‌സ് ഓഫീസിൽ വാണിജ്യ വിജയമായി.[3]
കഥാസംഗ്രഹം
തിരുത്തുകവിനു രാമചന്ദ്രൻ വിദേശത്ത് ജോലിയുള്ള ഒരു യുവാവാണ്. വിനു, പാർവ്വതി എന്ന ഒരു പെൺകുട്ടിയുമായി പ്രണയത്തിലായിരുന്നു. പക്ഷേ, അവൾ മറ്റൊരു വിവാഹം കഴിച്ചു. ഇതേത്തുടർന്നുണ്ടായ വിഷമത്തിൽ വിവാഹിതനാകാതെ അഞ്ചു വർഷം തള്ളിനീക്കിയെങ്കിലും ഒടുവിൽ വിവാഹത്തിന് സമ്മതം അറിയിച്ചു. സുഹൃത്തുക്കൾ വഴി നാട്ടിലെ അഞ്ജലി എന്ന ഒരു പെൺകുട്ടിയെ കണ്ടെത്തി കല്യാണം ഉറപ്പിച്ചു. വിനു ഈ കാലയളവിൽ അഞ്ജലിയുടെ സഹോദരൻ അനന്ദനുമായി നല്ല സൗഹൃദത്തിലായി. ആനന്ദൻ ഭാര്യയുമായി പിരിഞ്ഞ് താമസിക്കുകയാണ്. വിനു അനന്ദനും അവൻ്റെ ഭാര്യയും തമ്മിലുള്ള പ്രശ്നങ്ങൾ തീർക്കാൻ സഹായിക്കുന്നു. ആനന്ദൻ ഭാര്യയെയും മോനെയും വീട്ടിൽ കൊണ്ട് വന്നു. ഈ സമയം നാട്ടിലെത്തിയ വിനു അപ്പോഴാണ് തിരിച്ചറിയുന്നത് ആനന്ദൻ്റെ ഭാര്യയും തൻ്റെ മുൻ കാമുകിയുമായ പാർവതിയും ഒരാൾ തന്നെയാണെന്ന്. തുടർന്നുണ്ടാകുന്ന സംഭവങ്ങളാണ് ചിത്രത്തിൻ്റെ ഇതിവൃത്തം.
അഭിനേതാക്കൾ
തിരുത്തുക- പൃഥ്വിരാജ് സുകുമാരൻ - ആനന്ദൻ
- ബേസിൽ ജോസഫ് - കൈതോലപ്പറമ്പിൽ വിനു രാമചന്ദ്രൻ
- നിഖില വിമൽ - പാർവതി
- അനശ്വര രാജൻ - അഞ്ജലി
- യോഗി ബാബു - ശരവണൻ
- ജഗദീഷ് - സുദേവൻ,
- ബൈജു സന്തോഷ് - ഡോ.പുരുഷോത്തമൻ
- രേഖ - രാജി
- പി. പി.കുഞ്ഞികൃഷ്ണൻ - കൈതോലപ്പറമ്പിൽ രാമചന്ദ്രൻ
- സിജു സണ്ണി - ഷംസു
- സാഫ് - അനിരുദ്ധ് "അനി"
- അഖിൽ കവലിയൂർ - കുഞ്ഞുണ്ണി
- ജോമോൻ ജ്യോതിർ - ഡോ. ജോർജ്ജ്
- ഇർഷാദ് - ചെറിയമ്മാവൻ
- രമേശ് കോട്ടയം - വലിയമ്മാവൻ
- അസ്വിൻ വിജയൻ - മായിൻകുട്ടി വി
- നോഹ നിഷിൻ - അപ്പൂസ്
- അജു വർഗീസ് - ഗുരുവായൂർ ക്ഷേത്രത്തിലെ പിന്നണി ഗായകൻ (അതിഥി വേഷം)
- അരവിന്ദ് ആകാശ് - ഉണ്ണികൃഷ്ണൻ (അതിഥി വേഷം)
അവലംബം
തിരുത്തുക- ↑ "Prithviraj starrer Guruvayoor Ambalanadayil box office collections: 95 Cr Worldwide after 2nd Weekend, Remains on Course to 100Cr". PinkVilla (in ഇംഗ്ലീഷ്). 29 May 2024.
- ↑ "Prithviraj's 'Guruvayoor Ambala Nadayil' first look: Prithviraj, Basil Joseph in Vipin Das' family entertainer". The Hindu (in ഇംഗ്ലീഷ്). 29 May 2024.
- ↑ "Prithviraj starrer Guruvayoorambala Nadayil Review: Prithviraj, Basil Elevate Bromance" (in ഇംഗ്ലീഷ്). 29 May 2024.