ദ്രോണാചാര്യ പുരസ്കാരം
(Dronacharya Award എന്ന താളിൽ നിന്നും തിരിച്ചുവിട്ടതു പ്രകാരം)
മികച്ച കായിക പരിശീലകർക്ക് ഇന്ത്യാ ഗവണ്മെന്റ് നൽകി വരുന്ന പുരസ്കാരമാണ് ദ്രോണാചാര്യ പുരസ്കാരം. പാണ്ഡവരുടെയും കൗരവരുടെയും ഗുരുനാഥനായ ദ്രോണരുടെ സ്മരണയ്ക്കായി ഏർപ്പെടുത്തിയിരിക്കുന്ന പുരസ്കാരം മികച്ച കായികാധ്യാപനത്തിനായി 1985 മുതലാണ് നൽകിത്തുടങ്ങിയത്. ദ്രോനാചാര്യരുടെ ഒരു വെങ്കല പ്രതിമയും പ്രശസ്തിപത്രവും 5 ലക്ഷം രൂപയും അടങ്ങുന്നതാണ് പുരസ്കാരം.
| ദ്രോണാചാര്യ പുരസ്കാരം | ||
| ||
| പുരസ്കാരവിവരങ്ങൾ | ||
|---|---|---|
| തരം | സിവിലിയൻ | |
| വിഭാഗം | കായികപരിശീലകർ | |
| നിലവിൽ വന്നത് | 1985 | |
| ആദ്യം നൽകിയത് | 1985 | |
| അവസാനം നൽകിയത് | 2016 | |
| നൽകിയത് | ഭാരത സർക്കാർ | |
| കാഷ് പുരസ്കാരം | ₹. 500,000 | |
ഇന്ത്യയിൽ മികച്ച കായിക താരങ്ങൾക്ക് നൽകുന്ന അവാർഡിന് അർജുന അവാർഡ് എന്ന് പേര് നൽകാൻ കാരണം തന്നെ ദ്രോണർ അർജ്ജുനന്റെ ഗുരുവായതിനാലാണ്. ഒ. എം നമ്പ്യാരാണ്ആദ്യ അവാർഡ് ജേതാവ്(1985). 2012-ലെ ജേതാവായ ബി.ഐ. ഫെർണാണ്ടസ് ആണ് ഈ പുരസ്കാര ജേതാവാകുന്ന ആദ്യ വിദേശി.