അരോളി

അരോളി
അരോളി
11.98°N 75.39°E / 11.98; 75.39
ഭൂമിശാസ്ത്ര പ്രാധാന്യം	ഗ്രാമം
രാജ്യം	ഇന്ത്യ
സംസ്ഥാനം	കേരളം
ജില്ല	[[കണ്ണൂർ ജില്ല ജില്ല|കണ്ണൂർ ജില്ല]]
ഭരണസ്ഥാപനം(ങ്ങൾ)	പഞ്ചായത്ത്, വില്ലേജ്
Village Office	Village Officer
'
'
വിസ്തീർണ്ണം	ചതുരശ്ര കിലോമീറ്റർ
ജനസംഖ്യ	5537
ജനസാന്ദ്രത	1068/ച.കി.മീ
കോഡുകൾ   • തപാൽ   • ടെലിഫോൺ	670566 +0497278****
സമയമേഖല	UTC +5:30
പ്രധാന ആകർഷണങ്ങൾ	ശ്രീ വടേശ്വരം ശിവ ക്ഷേത്രം unlocode =

കണ്ണൂർ ജില്ലയിലെ പാപ്പിനിശ്ശേരി പഞ്ചായത്തിൽപ്പെട്ട ഒരു കൊച്ചു ഗ്രാമമാണ് അരോളി (ഇംഗ്ലീഷ്: Aroli). ഈ ഗ്രാമം, കല്ല്യാശ്ശേരിക്ക് വടക്ക് വേളാപുരം - മാങ്കടവ് - ധർമ്മശാല റോഡിൽ സ്ഥിതി ചെയ്യുന്നു. കണ്ണൂർ നഗരത്തിൽ നിന്നു ഏകദേശം 12 കിലോ മീറ്റർ ദൂരത്താണ് ഇത് സ്ഥിതി ചെയ്യുന്നത്. തളിപ്പറമ്പിന്നും പറശ്ശിനിക്കടവിനും അടുത്തായുള്ള ഈ ഗ്രാമം പൂർണ്ണമായും കുന്നിൻ മുകളിലാണ്.

പേരിനു പിന്നിൽ

ഈ പ്രദേശം മുമ്പ് അരളി പൂക്കളാൽ നിബിഡമായിരുന്നു. അരോളി ശ്രീ വടേശ്വരം ശിവ ക്ഷേത്രത്തിലെ പ്രധാന പൂജാ പുഷ്പ്പവും അരളിയാണ്. ഇതിനാലാകണം അരോളി എന്ന പേർ ഈ പ്രദേശത്തിന് കൈ വന്നത്.

ചരിത്രം

കോലത്തിരിയുടെ ഭരണകാലത്ത്; അരോളി ഗ്രാമം കല്ല്യാശ്ശേരിയിലെ നായാനാർമാരുടെ കീഴിലായിരുന്നു. ബ്രിട്ടിഷുകാർ ഇതിനെ മദിരാശി സംസ്ഥാനത്തിൽ മലബാർ ജില്ലയിലെ ചിറക്കൽ താലൂക്കിന് കീഴിലാക്കി. ഇപ്പോൾ ഈ ഗ്രാമം കണ്ണൂർ ജില്ലയിൽ പാപ്പിനിശ്ശേരി പഞ്ചായത്തിലാണ്.

എത്തിച്ചേരാൻ

• വിമാന മാർഗ്ഗം

ഏറ്റവും അടുത്ത വിമാനത്താവളം തെക്ക് ഭാഗത്തേക്ക്‌ ഏകദേശം 132 കി.മീ. ദൂരത്തിൽ കോഴിക്കോടാണ് . അതുപോലെ വടക്ക് ഭാഗത്തേക്ക്‌ ഏകദേശം 143 കി.മീ. ദൂരത്തിൽ മംഗലാപുരവുമാണ്.

• റെയിൽ മാർഗ്ഗം

അരോളിയുടെ ഏറ്റവും അടുത്ത റയിൽവേ സ്റ്റേഷൻ തെക്ക് ഭാഗത്തേക്ക്‌ ഏകദേശം 2-3 കി.മീ. ദൂരത്തിൽ പാപ്പിനിശ്ശേരി ആണ്. പക്ഷേ ഏറ്റവും അടുത്ത പ്രധാന സ്റ്റേഷൻ കണ്ണൂരാണ്‌. ഈ റെയിൽവേ ലൈനിലുടെ കടന്നു പോകുന്ന എല്ലാ തീവണ്ടികളും കണ്ണൂരിൽ നിൽക്കും.

• ബസ്സ് മാർഗ്ഗം

കണ്ണൂരിൽ നിന്ന് മാങ്കടവ് വഴി പറശ്ശിനിക്കടവിലേക്കുള്ള ബസ്സിൽ കയറിയാൽ അരോളിയിലിറങ്ങാം.

അതിരുകൾ

• കല്ല്യാശ്ശേരി
• പാപ്പിനിശ്ശേരി
• വളപട്ടണം പുഴ
• ആന്തൂർ

പ്രധാന ആരാധനാലയങ്ങൾ

അരോളി താഴെ കൊടുത്തിരിക്കുന്നവയ്ക്ക് പ്രസിദ്ധമാണ് :

• ശ്രീ വടേശ്വരം ശിവ ക്ഷേത്രം
• മാങ്കടവ് ജുമാ മസ്ജിദ്
• ചാലിൽ ജുമാ മസ്ജിദ്
• കീച്ചേരി ശ്രീ പാലോട്ടു കാവ്‌
• നാടാച്ചേരിക്കാവ്
• ചിറ്റോത്തിടം ക്ഷേത്രം
• കല്ലൂരിക്കാവ്
• അരയാല ക്ഷേത്രം
• മേച്ചര കോട്ടം
• കല്ലൈക്കൽ ജുമാ മസ്ജിദ്

ശ്രീ വടേശ്വരം ശിവ ക്ഷേത്രം

കേരളത്തിലെ അഷ്ട ദള ശ്രീകോവിലോട് കൂടിയ ഒരേയൊരു ശിവ ക്ഷേത്രമാണ് ശ്രീ വടേശ്വരം ശിവ ക്ഷേത്രം. ഈ ക്ഷേത്രം അരോളിയിലെ ഏറ്റവും ഉയർന്ന കുന്നിൻ മുകളിലാണ്, അതിനാൽ ഈ ക്ഷേത്രത്തെ ശ്രീ കൈലാസം എന്നും വിളിച്ചു പോരുന്നു. ഈ ക്ഷേത്രം ചിറക്കൽ ദേവസ്വം ബോർഡിനു കീഴിലാണ്‌. ഈ ക്ഷേത്രത്തിലെ ശിവരാത്രി മഹോത്സവവും അതിനോടനുബന്ധിച്ചുള്ള കരിമരുന്നു പ്രയോഗവും വളരെ പ്രസിദ്ധമാണ്.

അരോളി ശ്രീ രാമചന്ദ്രൻ നമ്പ്യാർ  വടേശ്വരത്തപ്പനെ കുറിച്ചെഴുതിയ  "ശ്രീ കൈലാസം പോലെ തോന്നും വടേശ്വരത്തിൽ വാണരുളും.." എന്ന ശിവ ഭജന അരോളിയിലും പ്രാന്തപ്രദേശങ്ങളിലും വളരെ പ്രസിദ്ധമാണ്.

പ്രധാന വിദ്യാഭ്യാസ സ്ഥാപനങ്ങൾ

• അരോളി ഗവൺ‌മെന്റ്‌ ഹയർ സെക്കന്ററി സ്കൂൾ
• അരോളി സെൻട്രൽ എൽ. പി. സ്കൂൾ.
• മാങ്കടവ് സ്കൂൾ

പ്രധാന സാംസ്കാരിക സ്ഥാപനങ്ങൾ

• ശാന്തിപ്രഭ നടനകലാസമതി - കണ്ണൂർ ജില്ലയിലെ പ്രധാന കലാസമിതി

പ്രധാന സ്ഥലങ്ങൾ

• അരോളി
• വേളാപുരം
• ഐക്കൽ
• വാച്ചാക്കൽ
• കല്ലൈക്കൽ
• കാട്ട്യം
• വടേശ്വരം
• കീച്ചേരി കുന്ന്
• ചിറ്റോത്തിടം
• അരയാല
• ചാലിൽ
• കല്ലൂരി
• മാങ്കടവ്

---

ആരോളിയുടെ വിക്കി ലിങ്കുകൾ

• ഇംഗ്ലീഷ് വിക്കിപീഡിയ അരോളി ഇംഗ്ലീഷ്: English Wikipedia Aroli-> [1]
• വിക്കിമാപ് അരോളി ഇംഗ്ലീഷ്: Wiki Map Aroli-> [2]

• • വിക്കിമാപ് പാപ്പിനിശ്ശേരി പഞ്ചായത്ത് ഇംഗ്ലീഷ്: Wiki Map Pappinisseri Panchayat-> [3]

---

പുറത്തേക്കുള്ള കണ്ണികൾ

• കണ്ണുരിലെ ഗ്രാമപഞ്ചായത്തുകൾ Archived 2007-09-28 at the Wayback Machine.
• വിക്കിമാപിയ ലിങ്ക്