കുളക്കൊക്ക്

മഴക്കാലത്ത് പാടത്തും വേനലിൽ ജലാശയതീരങ്ങളിലും സുലഭമായും കേരളത്തിൽ സർവ്വവ്യാപിയായി കാണാവുന്നതുമായ പക്ഷിയാണ് കുളക്കൊക്ക് (ഇംഗ്ലീഷ്: Pond Heron അഥവാ Paddy Bird, ശാസ്ത്രീയനാമം: Ardeola grayii). മത്സ്യങ്ങൾ, പ്രാണികൾ, തവള, ഞണ്ട് എന്നിവയാണ് ഇവയുടെ‌ പ്രധാന ഭക്ഷണം. മങ്ങിയ തവിട്ടു നിറമാണ്‌ ചിറകിനു പുറത്ത്. എന്നാൽ പറന്നു തുടങ്ങുമ്പോൾ തൂവെള്ളയായ ചിറകുകളാണ്‌ ദർശിക്കാനാവുക.

കുളക്കൊക്ക് Indian Pond Heron
ശ്രീലങ്കയിൽ നിന്നും
കൊൽക്കത്തയിൽ നിന്നും
പരിപാലന സ്ഥിതി
ഒട്ടും ആശങ്കാജനകമല്ല  (IUCN 3.1)
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Aves
Order:	Pelecaniformes
Family:	Ardeidae
Genus:	Ardeola
Species:	A. grayii
Binomial name
Ardeola grayii (Sykes, 1832)
Synonyms
Ardeola leucoptera

കുളക്കൊക്ക്, പാലക്കാട് ജില്ലയിൽ കൂറ്റനാട് നിന്നും

Indian pond heron , paddybird (Ardeola grayii)കുളക്കൊക്ക്, പാലക്കാട് ജില്ലയിൽ കൂറ്റനാട് നിന്നും

രൂപവിവരണം

മണ്ണിന്റെ നിറമ്പോലെ തവിട്ടുനിറം. പറക്കുമ്പോൾ ചിറകുകൾ വെളുത്തതായി കാണും. മുട്ടയിടുന്ന കാലത്ത് തലയും കഴുത്തും മഞ്ഞകലർന്ന തവിട്ടുനിറം. കൂടാതെ കരിംചുവന്ന നിറത്തിലുള്ള നീണ്ട തൂവലുകൽ പറകറ്റം വരെയുമുണ്ടാവും.

കൂടുകെട്ടുന്ന കാലം

നവംബർ മുതൽ ഏപ്രിൽ വരെ. പുളി, മാവ് തുടങ്ങിയ മരങ്ങളിൽ നീർകാക്കകൾ, മുണ്ടികൾ തുടങ്ങിയ മറ്റു പല പക്ഷികളോടൊപ്പം കൂടുവയ്ക്കുന്ന ഇവയുടെ കൂടുകൾ കാക്കയുടെതുപോലെ ചുള്ളിക്കമ്പുകളുടെ ഒരു പീഠം തന്നെ. കഴിഞ്ഞ വർഷത്തെ കൂട് നശിച്ചിട്ടില്ലെങ്കിൽ അതുതന്നെ വീണ്ടും ഉപയോഗിക്കും.സാധാരണ മൂന്നുമുതൽ അഞ്ചുവരെ പച്ച കലർന്ന നീലനിറത്തിലുള്ള മുട്ടകൾ കാണാം.ഏകദേശം 24 ദിവസം അടയിരിക്കും. ആണും പെണ്ണും അടയിരിക്കുന്നതിലും ശിശു സംരക്ഷണത്തിലും പങ്കുചേരുന്നു. ഭക്ഷണം കഴിച്ചതിനു ശേഷം തികട്ടി പുറത്ത് കൊണ്ടുവന്ന് കുഞ്ഞുങ്ങൾക്ക് കൊടുക്കുന്നു.

ഇതും കാണുക

• ചിന്നക്കൊക്ക്
• ചെറുമുണ്ടി
• പെരുംമുണ്ടി
• തിരമുണ്ടി
• കാലിമുണ്ടി
• ചാരമുണ്ടി
• ചായമുണ്ടി

ചിത്രശാല

• കുളകൊക്കിന്റെ ചിത്രങ്ങൾ
• 
• 
• 
  കുഞ്ഞുങ്ങൾ ഭക്ഷണത്തിനായി കാത്തിരിക്കുന്നു
• 
  പറക്കുന്ന കുളക്കൊക്ക്
• 
  ഇവ 8-10 കൂട്ടമായാണ്‌ വിശ്രമിക്കുക
• 
• 
• 
• 
  ഇര തേടുന്ന കുളക്കൊക്ക്
• 
  നവി മുംബൈയിലെ തണ്ണീർത്തടത്തിൽ]]
• 
  Museum specimen