സിംബിയൻ
മൊബൈൽ ഫോണുകൾക്കും ചെറിയ സ്മാർട്ട് ഫൊണുകൾക്കും വേണ്ടിയുള്ള നോക്കിയയുടെ ഒരു മൊബൈൽ ഓപ്പറേറ്റിംഗ് സിസ്റ്റമാണ് സിംബിയൻ.[7] സിംബിയൻ ലിമിറ്റഡ് എന്ന് കമ്പനിയാണ് ഈ സോഫ്റ്റ്വെയർ നിർമ്മിച്ചത്. 1998-ൽ സിംബിയൻ ലിമിറ്റഡ് കൺസോർഷ്യം ഇറക്കിയ പേഴ്സണൽ ഡിജിറ്റൽ അസിസ്റ്റന്റിനുള്ള ഒ.എസാണിത്.[8] 2008-ൽ സിംബിയൻ ലിമിറ്റഡിനെ നോക്കിയ കമ്പനി ഏറ്റെടുത്തു. പ്രൊപ്പ്രൈറ്ററി മാതൃകയിലുള്ള ഈ ഓപ്പറേറ്റിംഗ് സിസ്റ്റം സി++ പ്രോഗ്രാമിങ് ഭാഷയിലാണ് എഴുതിയിരിക്കുന്നത്. 'സിംബിയൻ ഒഎസ്, പ്ഷണി(Psion) കമ്പനി പുറത്തിറക്കിയ ഇപിഒസി(EPOC) ഒഎസിന്റെ പിൻഗാമിയാണ്, കൂടാതെ ആം പ്രൊസസറുകളിൽ മാത്രമായി ഇത് പുറത്തിറങ്ങി, എങ്കിലും റിലീസ് ചെയ്യാത്ത x86 പോർട്ട് നിലവിലുണ്ടായിരുന്നു. സാംസങ്, മോട്ടറോള, സോണി എറിക്‌സൺ തുടങ്ങി നിരവധി പ്രമുഖ മൊബൈൽ ഫോൺ ബ്രാൻഡുകളും എല്ലാറ്റിനുമുപരിയായി നോക്കിയയും സിംബിയൻ ഉപയോഗിച്ചിരുന്നു. ഫുജിറ്റ്സു, ഷാർപ്പ്, മിത്സുബിഷി എന്നിവയുൾപ്പെടെയുള്ള ബ്രാൻഡുകൾ ജപ്പാനിലും ഇത് പ്രചരിച്ചിരുന്നു. സ്‌മാർട്ട്‌ഫോൺ വ്യവസായം സ്ഥാപിച്ച ഒരു പയനിയർ എന്ന നിലയിൽ, 2010 അവസാനം വരെ, സ്‌മാർട്ട്‌ഫോണുകൾ പരിമിതമായ ഉപയോഗത്തിലായിരുന്ന ഒരു സമയത്ത്, ഐഒഎസ്, ആൻഡ്രോയിഡ് എന്നിവയെ പിന്തള്ളി, ലോകമെമ്പാടുമുള്ള ശരാശരിയിൽ ഏറ്റവും ജനപ്രിയമായ സ്‌മാർട്ട്‌ഫോൺ ഒഎസായിരുന്നു ഇത്. വടക്കേ അമേരിക്കയിൽ ഇത് അത്ര ജനപ്രിയമായിരുന്നില്ല.
 നോക്കിയ N8 പ്രദർശിപ്പിച്ചിരിക്കുന്ന ഹോം സ്‌ക്രീൻ, സിംബിയൻ ബെല്ലെ ഓപ്പറേറ്റിംഗ് സിസ്റ്റം പ്രവർത്തിക്കുന്നു. | |
| നിർമ്മാതാവ് | Accenture on behalf of Nokia[1] |
|---|---|
| പ്രോഗ്രാമിങ് ചെയ്തത് | C++[2] |
| ഒ.എസ്. കുടുംബം | Embedded operating system |
| തൽസ്ഥിതി: | Active (Receiving updates until at least 2016)[1] |
| സോഴ്സ് മാതൃക | Proprietary[3] |
| പ്രാരംഭ പൂർണ്ണരൂപം | 1997 as EPOC32[4] |
| നൂതന പൂർണ്ണരൂപം | Nokia Belle (next release cycle of Symbian^3) / ഓഗസ്റ്റ് 24, 2011 |
| വാണിജ്യപരമായി ലക്ഷ്യമിടുന്ന കമ്പോളം | Smartphones |
| സപ്പോർട്ട് പ്ലാറ്റ്ഫോം | എ.ആർ.എം., x86[5] |
| കേർണൽ തരം | മൈക്രോകേർണൽ |
| യൂസർ ഇന്റർഫേസ്' | Avkon[6] |
| സോഫ്റ്റ്വെയർ അനുമതി പത്രിക | Proprietary |
| വെബ് സൈറ്റ് | symbian |
സിംബിയൻ ഒഎസ് പ്ലാറ്റ്ഫോം രണ്ട് ഘടകങ്ങളാൽ രൂപപ്പെട്ടതാണ്: ഒന്ന് മൈക്രോകെർണൽ അധിഷ്ഠിത ഓപ്പറേറ്റിംഗ് സിസ്റ്റവും അനുബന്ധ ലൈബ്രറികളും, മറ്റൊന്ന് ഉപയോക്തൃ ഇന്റർഫേസും (മിഡിൽവെയർ ആയി), ഇത് ഒഎസിന് മുകളിൽ ഗ്രാഫിക്കൽ ഷെൽ നൽകുന്നു.[9] നോക്കിയ നിർമ്മിച്ച എസ്60 (മുമ്പ് സീരീസ് 60) പ്ലാറ്റ്‌ഫോമാണ് ഏറ്റവും പ്രമുഖമായ ഉപയോക്തൃ ഇന്റർഫേസ്, 2002-ൽ ആദ്യമായി പുറത്തിറക്കുകയും മിക്ക നോക്കിയ സിംബിയൻ ഉപകരണങ്ങൾക്ക് ശക്തി പകരുകയും ചെയ്തു. എസ്60-ൽ നിന്നുള്ള പരമ്പരാഗത കീബോർഡ് ഇന്റർഫേസിനുപകരം പേന അടിസ്ഥാനമാക്കിയുള്ള ഉപകരണങ്ങളിൽ ശ്രദ്ധ കേന്ദ്രീകരിച്ചിരുന്ന മോട്ടറോളയും സോണി എറിക്‌സണും കൂടുതലായി ഉപയോഗിക്കുന്ന ഒരു മത്സരിക്കുന്ന ഉപയോക്തൃ ഇന്റർഫേസായിരുന്നു യുഐക്യൂ(UIQ). ജാപ്പനീസ് വിപണിയിലെ കാരിയർ എൻടിടി ഡോകോമോ(NTT DoCoMo)-യിൽ നിന്നുള്ള എംഒഎപി(എസ്)(MOAP(S)) പ്ലാറ്റ്‌ഫോമായിരുന്നു മറ്റൊരു ഇന്റർഫേസ്.[10][11] ഈ വ്യത്യസ്‌ത ഇന്റർഫേസുകളുടെ പ്രയോഗങ്ങൾ സിംബിയൻ ഒഎസിന് മുകളിൽ നിർമ്മിച്ചിട്ടുണ്ടെങ്കിലും അവ പരസ്പരം പൊരുത്തപ്പെടുന്നില്ല. 2004-ൽ സിംബിയൻ ലിമിറ്റഡിന്റെ ഏറ്റവും വലിയ ഓഹരിയുടമയായി നോക്കിയ, 2008-ൽ മുഴുവൻ കമ്പനിയും വാങ്ങിച്ചു.[12]ലാഭേച്ഛയില്ലാതെ പ്രവർത്തിക്കുന്ന സിംബിയൻ ഫൗണ്ടേഷൻ പിന്നീട് സിംബിയൻ ഒഎസിന്റെ റോയൽറ്റി രഹിത പിൻഗാമിയാക്കാൻ സൃഷ്ടിക്കപ്പെട്ടു. പ്ലാറ്റ്ഫോം ഏകീകരിക്കാൻ ശ്രമിച്ച്, എസ്60 ഫൗണ്ടേഷന്റെ പ്രിയപ്പെട്ട ഇന്റർഫേസായി മാറുകയും യുഐക്യൂ വികസനം നിർത്തുകയും ചെയ്തു. ടച്ച്‌സ്‌ക്രീൻ ഫോക്കസ് ചെയ്‌ത സിംബിയൻ^1 (അല്ലെങ്കിൽ S60 5-ാം പതിപ്പ്) 2009-ൽ സൃഷ്ടിക്കപ്പെട്ടു. ജാപ്പനീസ് വിപണിയിൽ ഫൗണ്ടേഷനിലെ അംഗങ്ങളിൽ ഒരാളായ എൻടിടി ഡോകോമോ ആണ് സിംബിയൻ^2 (MOAP അടിസ്ഥാനമാക്കി) ഉപയോഗിച്ചത്. എസ്60 5-ാം പതിപ്പിന്റെ പിൻഗാമിയായി 2010-ൽ സിംബിയൻ^3 പുറത്തിറങ്ങി, അപ്പോഴേക്കും അത് പൂർണ്ണമായും സ്വതന്ത്ര സോഫ്റ്റ്‌വെയറായി മാറി. ഒരു കുത്തക ഓപ്പറേറ്റിംഗ് സിസ്റ്റത്തിൽ നിന്ന് ഒരു സ്വതന്ത്ര സോഫ്റ്റ്വെയർ പ്രോജക്റ്റിലേക്കുള്ള മാറ്റം ചരിത്രത്തിലെ ഏറ്റവും വലിയ ഒന്നാണെന്ന് വിശ്വസിക്കപ്പെടുന്നു.[13]സിംബിയൻ^3 2011-ൽ അന്ന, ബെല്ലെ എന്നീ അപ്ഡേറ്റുകൾ ലഭിച്ചു.[14][15]
അവലംബം
തിരുത്തുക- ↑ 1.0 1.1 Nokia and Accenture Finalize Symbian Software Development and Support Services Outsourcing Agreement
- ↑ Lextrait, Vincent (2010). "The Programming Languages Beacon, v10.0". Retrieved 5 January 2010.
{{cite web}}: Unknown parameter|month=ignored (help) - ↑ Not Open Source, just Open for Business Archived 2011-04-08 at the Wayback Machine.. symbian.nokia.com (2011-04-04). Retrieved on 2011-09-25.
- ↑ History of Symbian
- ↑ Lee Williams Symbian on Intel's Atom architecture. blog.symbian.org. 16 April 2009
- ↑ "Uikon-Eikon-Avkon-Qikon - Nokia Developer Wiki". Archived from the original on 2012-09-05. Retrieved 2012-01-29.
- ↑ Lunden, Ingrid (30 September 2011). "Symbian Now Officially No Longer Under The Wing of Nokia, 2,300 Jobs Go". moconews.net. Archived from the original on 1 October 2011. Retrieved 30 September 2011.
- ↑ "infoSync Interviews Nokia Nseries Executive". Infosyncworld.com. 24 June 2010. Archived from the original on 13 July 2011. Retrieved 12 August 2010.
- ↑ Next generation mobile telecommunications networks: Challenges to the Nordic ICT industries. 2006. ISBN 9781846630668.
- ↑ "UI wars 'tore Symbian apart' – Nokia". The Register.
- ↑ "UIQ staff put on notice". The Register.
- ↑ "DailyTech - Nokia Offers to Purchase All Symbian Shares for $410M". Archived from the original on 21 August 2016. Retrieved 22 May 2016.
- ↑ "Symbian Operating System, Now Open Source and Free". Wired. 3 February 2010.
- ↑ "Nokia announces Symbian 'Anna' update for N8, E7, C7 and C6-01; first of a series of updates (video)". Engadget (in അമേരിക്കൻ ഇംഗ്ലീഷ്). Retrieved 2022-10-03.
- ↑ "Nokia announces Symbian Belle alongside three new devices". Engadget (in അമേരിക്കൻ ഇംഗ്ലീഷ്). Retrieved 2022-10-03.
|
കമ്പ്യൂട്ടർ സോഫ്റ്റ്‌വെയറുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |