വിക്കിപീഡിയ

വി. മോഹിനി ഗിരി

ഇന്ത്യയിലെ ഒരു സാമൂഹിക പ്രവർത്തകയാണ് വി. മോഹിനി ഗിരി (ഹിന്ദി: वी मोहिनी गिरि ; ജനനം:1938 ജനുവരി 15). 1979-ൽ ഡെൽഹി ആസ്ഥാനമാക്കി പ്രവർത്തനം ആരംഭിച്ച ഗിൽഡ് ഓഫ് സർവീസ് എന്ന സന്നദ്ധ സംഘടനയുടെ ചെയർപേഴ്സണായിരുന്നു. സ്ത്രീകളുടെയും കുട്ടികളുടെയും വിദ്യാഭ്യാസം, തൊഴിൽ, സാമ്പത്തികഭദ്രത എന്നിവ ഉറപ്പാക്കുന്നതിനായി ഇവർ നടത്തിയ പ്രവർത്തനങ്ങൾ ശ്രദ്ധേയമാണ്.[2][3] 1995-98 കാലഘട്ടത്തിൽ ദേശീയ വനിതാ കമ്മീഷന്റെ അധ്യക്ഷയായിരുന്നു.[4] 2007-ൽ രാജ്യം പത്മഭൂഷൺ ബഹുമതി നൽകി ആദരിച്ചു.[5]

വി. മോഹിനി ഗിരി
The President, Dr. A.P.J. Abdul Kalam presenting Padma Bhushan to Dr. (Smt.) V. Mohini Giri (Social Activist), at an Investiture Ceremony at Rashtrapati Bhavan in New Delhi on March 23, 2007
ജനനം (1938-01-15) 15 ജനുവരി 1938  (86 വയസ്സ്) [1]
ലഖ്നൗ, ഉത്തർപ്രദേശ്, ഇന്ത്യ
ദേശീയതഇന്ത്യ ഇന്ത്യൻ
തൊഴിൽസാമൂഹിക പ്രവർത്തനം, ഗിൽഡ് ഓഫ് സർവീസ് സ്ഥാപിച്ചു (1979).

ആദ്യകാലജീവിതം തിരുത്തുക

ഉത്തർപ്രദേശിന്റെ തലസ്ഥാനമായ ലഖ്നൗവിലാണ് മോഹിനി ഗിരി ജനിച്ചത്. ലഖ്നൗ സർവകലാശാലയിലെ ബിരുദപഠനത്തിനുശേഷം ഡെൽഹി സർവകലാശാലയിൽ നിന്നു പ്രാചീന ഭാരതചരിത്രത്തിൽ ബിരുദാനന്തരബിരുദം നേടി.[6] അതിനുശേഷം ജി.ബി. പാണ്ഡ് സർവകലാശാലയിൽ നിന്ന് ഡോക്ടറേറ്റും സ്വന്തമാക്കി.[7] മുൻ ഇന്ത്യൻ രാഷ്ട്രപതി വി.വി. ഗിരിയുടെ മരുമകളാണ് മോഹിനി.[1]

ഔദ്യോഗികജീവിതം തിരുത്തുക

സ്ത്രീ സമത്വവാദത്തെയും മനുഷ്യാവകാശങ്ങളെയും സംരക്ഷിക്കുന്നതിനായുള്ള പ്രവർത്തനങ്ങളിലൂടെ മോഹിനി ഗിരി പ്രശസ്തയായി. 1971-ലെ ഇന്ത്യാ-പാക് യുദ്ധത്തിനുശേഷം 1972-ൽ മോഹിനിയുടെ നേതൃത്വത്തിൽ വാർ വിഡോസ് അസോസിയേഷൻ രൂപീകരിച്ചു.[8] യുദ്ധത്തിൽ കൊല്ലപ്പെടുന്ന സൈനികരുടെ ഭാര്യമാരുടെ (വീരാംഗനമാർ) ക്ഷേമമായിരുന്നു സംഘടനയുടെ ലക്ഷ്യം. 1979 മുതൽ ഗിൽഡ് ഓഫ് സർവീസ് എന്ന സാമൂഹിക സേവനസംഘടനയുടെയും 1987-90 കാലഘട്ടത്തിൽ ഡെൽഹി സ്റ്റേറ്റ് സോഷ്യൽ വെൽഫെയർ അഡ്വൈസറി ബോഡിന്റെയും അധ്യക്ഷയായിരുന്നു.

വനിതകളുടെ ക്ഷേമത്തിനായി 1992-ൽ രൂപീകരിച്ച ദേശീയ വനിതാ കമ്മീഷന്റെ രണ്ടാമത്തെ അധ്യക്ഷയും മോഹിനിയായിരുന്നു.[4] ആദ്യത്തെ അധ്യക്ഷ ജയന്തി പട്നായിക് പദവി ഒഴിഞ്ഞതിനുശേഷം 1995 ജൂലൈ 21 മുതൽ 1998 ജൂലൈ 20 വരെ മോഹിനി പദവിയിൽ തുടർന്നു.[9] ന്യൂയോർക്ക് ആസ്ഥാനമായുള്ള ദ ഹംഗ്രി പ്രോജക്ട് എന്ന ജീവകാരുണ്യസംഘടനയിലും ഇവർ പ്രവർത്തിച്ചിരുന്നു.[10] കന്യ:ദി എക്സ്പ്ലോയിട്ടേഷൻ ഓഫ് ലിറ്റിൽ ആംഗിൾസ് (1998), ഇമാൻസിപേഷൻ ആൻഡ് എംപവർമെന്റ് ഓഫ് വിമെൻ (1996) എന്നീ പുസ്തകങ്ങളും രചിച്ചിട്ടുണ്ട്.

ബഹുമതികൾ തിരുത്തുക

അവലംബം തിരുത്തുക

  1. ↑ 1.0 1.1 "V. Mohini Giri Profile". Guild for Service. Archived from the original on 2014-03-12. Retrieved 2014-02-11.
  2. ↑ "Silver years defined". The Hindu. 27 August 2013. Retrieved 2014-02-11.
  3. ↑ "Interview with Dr. Mohini Giri". aarpinternational.org. 1 September 2010. Archived from the original on 2013-10-03. Retrieved 2014-02-12.
  4. ↑ 4.0 4.1 "Brief History". National Commission for Women. Archived from the original on 2016-03-22. Retrieved 15 March 2016.
  5. ↑ "Padma Awards Directory (1954–2009)" (PDF). Ministry of Home Affairs. Archived from the original (PDF) on 2013-05-10. Retrieved 2016-03-17.
  6. ↑ "Illustrious alumni recall glorious days at Lucknow University". The Times of India. 26 November 2013. Archived from the original on 2014-02-12. Retrieved 2014-02-12.
  7. ↑ "Dr. V. Mohini Giri profile". The Hunger Project. Archived from the original on 2014-02-18. Retrieved 2014-02-11.
  8. ↑ "History". War Widows Association, New Delhi, India. Retrieved 2014-02-11.
  9. ↑ "List of chairpersons of NCW". National Commission for Women. Archived from the original on 2014-02-06. Retrieved 15 March 2016.
  10. ↑ "Global Board of Directors and Officers". The Hunger Project. Archived from the original on 2014-02-22. Retrieved 11 February 2014.

കൂടുതൽ വായനയ്ക്ക് തിരുത്തുക

പുറംകണ്ണികൾ തിരുത്തുക

"https://ml.wikipedia.org/w/index.php?title=വി._മോഹിനി_ഗിരി&oldid=4023516" എന്ന താളിൽനിന്ന് ശേഖരിച്ചത്