വാനപ്രസ്ഥം (ചലച്ചിത്രം)

വാനപ്രസ്ഥം
വാനപ്രസ്ഥം
സംവിധാനം	ഷാജി എൻ. കരുൺ
നിർമ്മാണം	മോഹൻലാൽ; പിയറെ അസോലിൻ ; സുരേഷ് ബാലാജി ; ഗയ് മാറിഗ്നേൻ
കഥ	ഷാജി എൻ. കരുൺ
തിരക്കഥ	ഷാജി എൻ. കരുൺ; രഘുനാഥ് പലേരി; സംഭാഷണം:; രഘുനാഥ് പലേരി;
അഭിനേതാക്കൾ	മോഹൻലാൽ; സുഹാസിനി; കലാമണ്ഡലം ഗോപി; മട്ടന്നൂർ ശങ്കരൻകുട്ടി മാരാർ
സംഗീതം	സക്കീർ ഹുസൈൻ
ഛായാഗ്രഹണം	സന്തോഷ് ശിവൻ; റെനേറ്റോ ബെർത്തോ
ചിത്രസംയോജനം	ശ്രീകർ പ്രസാദ്; ജോസഫ് ഗയിൻവാർച്ച്
സ്റ്റുഡിയോ	പ്രണവം ആർട്സ്
റിലീസിങ് തീയതി	1999
രാജ്യം	ഇന്ത്യ
ഭാഷ	മലയാളം
സമയദൈർഘ്യം	119 മിനിറ്റ്

ഹിന്ദു ആശ്രമധർമങ്ങളിൽ നാലാമത്തേതായ വാനപ്രസ്ഥത്തെക്കുറിച്ചറിയാൻ, ദയവായി വാനപ്രസ്ഥം കാണുക.

ഷാജി എൻ. കരുൺ സംവിധാനം ചെയ്ത് 1999-ൽ പുറത്തിറങ്ങിയ മലയാളചലച്ചിത്രമാണ്‌ വാനപ്രസ്ഥം (Pilgrimage). ഒരു ഇൻഡോ-ഫ്രൻഞ്ച്-ജർമ്മൻ നിർമ്മാണ സംരംഭമായിരുന്നു ഈ ചിത്രം.^[1] മോഹൻലാൽ, സുഹാസിനി തുടങ്ങിയവർ കേന്ദ്രകഥാപാത്രങ്ങളെ അവതരിപ്പിച്ചിരിക്കുന്ന ചിത്രത്തിന് സംഗീതം നൽകിയിക്കുന്നത് സക്കീർ ഹുസൈനാണ്.^[2] 1999-ലെ കാൻസ് അന്താരാഷ്ട്ര ചലച്ചിത്ര മേളയിൽ Un Certain Regard വിഭാഗത്തിൽ പ്രദർശിപ്പിക്കപ്പെട്ട ചിത്രം നിരവധി ദേശീയ അന്തർദേശീയ വേദികളിൽ പ്രദർശിപ്പിക്കപ്പെടുകയും പുരസ്ക്കാരങ്ങൾ നേടുകയും ചെയ്തു.^[1] ആ വർഷത്തെ മികച്ച അഭിനേതാവിനുള്ള ദേശീയ സംസ്ഥാന പുരസ്ക്കാരങ്ങൾ നേടിയ ചിത്രം മോഹൻലാൽ എന്ന നടന്റെ ഏറ്റവും മികച്ച വേഷമായി വിലയിരുത്തപ്പെടുന്നു.