വാക്സിനാൽ തടയാൻ കഴിയുന്ന രോഗം
ഫലപ്രദമായ പ്രതിരോധ വാക്സിൻ നിലവിലുള്ള പകർച്ചവ്യാധിയാണ് വാക്സിനാൽ തടയാൻ കഴിയുന്ന രോഗം എന്നറിയപ്പെടുന്നത്. ഒരു വ്യക്തി ഇത്തരമൊരു രോഗം ബാധിച്ച് മരിക്കുകയാണെങ്കിൽ, അത്തരം മരണം വാക്സിൻ കൊണ്ട് തടയാൻ കഴിയുന്ന മരണമായി കണക്കാക്കപ്പെടുന്നു.
ലോകാരോഗ്യ സംഘടന (ഡബ്ല്യുഎച്ച്ഒ) കണ്ടെത്തിയ ഏറ്റവും സാധാരണവും ഗുരുതരവുമായ വാക്സിൻ-തടയാൻ കഴിയുന്ന രോഗങ്ങൾ ഡിഫ്തീരിയ, ഹീമോഫിലസ് ഇൻഫ്ലുവൻസ, ഹെപ്പറ്റൈറ്റിസ് ബി, മീസിൽസ്, മെനിഞ്ചൈറ്റിസ്, മം‌പ്സ്, പെർട്ടുസിസ്, പോളിയോമൈലിറ്റിസ്, റുബെല്ല, ടെറ്റനസ്, ക്ഷയം, മഞ്ഞ പനി എന്നിവയാണ്.[1] വാക്സിനേഷൻ തടയാൻ കഴിയുന്ന 27 അണുബാധകളെ തടയുന്നതിനോ നിയന്ത്രിക്കുന്നതിനോ സംഭാവന ചെയ്യുന്നതിന് ലൈസൻസുള്ള വാക്സിനുകൾ ലഭ്യമാണെന്ന് ലോകാരോഗ്യ സംഘടന റിപ്പോർട്ട് ചെയ്യുന്നു. [2]
പശ്ചാത്തലം
തിരുത്തുകവാക്സിനേഷൻ ഓരോ വർഷവും 25 ദശലക്ഷം മരണങ്ങളെ തടയുന്നുവെന്ന് 2012 ൽ ലോകാരോഗ്യ സംഘടന കണക്കാക്കി.[2] 100% പ്രതിരോധ കുത്തിവയ്പ്പും വാക്സിനുകളുടെ 100% ഫലപ്രാപ്തിയും ഉപയോഗിച്ച്, കൊച്ചുകുട്ടികൾക്കിടയിലെ ഏഴ് മരണങ്ങളിൽ ഒന്ന് തടയാൻ കഴിയും.[1]
ലോകാരോഗ്യസംഘടന വാക്സിനേഷൻ നിരീക്ഷിച്ച് അവയുടെ സുരക്ഷയും ഫലപ്രാപ്തിയും ഉറപ്പുവരുത്തി വാക്സിനുകൾ മൂലം തടയാവുന്ന രോഗങ്ങളെ നിയന്ത്രിക്കുകയും മരണം കുറയ്ക്കുകയും ചെയ്യുന്നു.[3]
വാക്സിനാൽ തടയാൻ കഴിയുന്ന മരണങ്ങൾ സാധാരണഗതിയിൽ സംഭവിക്കുന്നത് സമയബന്ധിതമായി വാക്സിൻ ലഭ്യമാവാത്തതിനാലാണ്. ഇത് സാമ്പത്തിക പരിമിതികൾ മൂലമോ വാക്സിൻ ലഭ്യമല്ലാത്തത് മൂലമോ ആവാം. കഠിനമായ അലർജിയോ രോഗപ്രതിരോധ ശേഷി ഇല്ലായ്മയോ മൂലം ചില ആളുകൾക്ക് വാക്സിൻ പ്രയോജനപ്പെടാതെയിരിക്കാം. ഓരോ രാജ്യവും സ്വന്തം പ്രദേശത്തെ സാധാരണ രോഗങ്ങളെയും ആരോഗ്യ സംരക്ഷണ മുൻഗണനകളെയും അടിസ്ഥാനമാക്കി രോഗപ്രതിരോധ ശുപാർശകൾ നടത്തുന്നു. ഒരു രാജ്യത്ത് ഒരു വാക്സിനാൽ തടയാൻ കഴിയുന്ന രോഗം അസാധാരണമാണെങ്കിൽ, ആ രാജ്യത്ത് താമസിക്കുന്നവർക്കെല്ലാം അതിനെതിരെ വാക്സിൻ ലഭിക്കാൻ സാധ്യതയില്ല. ഉദാഹരണത്തിന്, കാനഡയിലെയും അമേരിക്കയിലെയും നിവാസികൾക്ക് പതിവായി മഞ്ഞപ്പനിക്കെതിരായ വാക്സിനുകൾ ലഭിക്കുന്നില്ല. ഇവർ, ഇത് മഞ്ഞപ്പനി സാധ്യതയുള്ള പ്രദേശങ്ങളിലേക്ക് യാത്ര ചെയ്യുകയാണെങ്കിൽ അണുബാധയ്ക്ക് ഇരയാകുന്നു.[4] [5]
വാക്സിൻ-തടയാൻ കഴിയുന്ന രോഗങ്ങളുടെ പട്ടിക
തിരുത്തുകവാക്സിനുകൾ ലഭ്യമായ 29 രോഗങ്ങളുടെ ലോകാരോഗ്യ സംഘടനയുടെ പട്ടിക.[2]
- കോളറ
- കൊവിഡ്-19
- ഡെങ്കിപ്പനി [6]
- ഡിഫ്തീരിയ
- എബോളവൈറസ്
- ഹീമോഫിലസ് ഇൻഫ്ലുവൻസ തരം b
- ഹെപ്പറ്റൈറ്റിസ് എ
- മഞ്ഞപിത്തം
- ഹെപ്പറ്റൈറ്റിസ് ഇ
- ഹ്യൂമൻ പാപ്പിലോമ വൈറസ് അണുബാധ
- ഇൻഫ്ലുവൻസ
- ജാപ്പനീസ് എൻസെഫലൈറ്റിസ്
- മലേറിയ
- മീസിൽസ്
- മെനിംഗോകോക്കൽ രോഗം
- മം‌പ്സ്
- ന്യുമോകോക്കൽ രോഗം
- പെർട്ടുസിസ്
- പോളിയോമൈലിറ്റിസ്
- റാബിസ്
- റോട്ടവൈറസ് ഗ്യാസ്ട്രോഎന്ററിറ്റിസ്
- റുബെല്ല
- ടെറ്റനസ്
- ടിക്ക്- എൻസെഫലൈറ്റിസ്
- ക്ഷയം
- ടൈഫോയ്ഡ് പനി
- വേരിസെല്ല
- മഞ്ഞപ്പിത്തം
- ഷിംഗിൾസ് (ഹെർപ്പസ് സോസ്റ്റർ)
മനുഷ്യരല്ലാത്തവരിൽ ഉപയോഗിക്കുന്നു
തിരുത്തുക- ബോർഡെറ്റെല്ല
- കാനൻ ഡിസ്റ്റെംപർ
- കനൈൻ ഇൻഫ്ലുവൻസ
- കനൈൻ പർവോവൈറസ്
- ക്ലമീഡിയ
- ഫെലൈൻ കാലിസിവൈറസ്
- ഫെലൈൻ ഡിസ്റ്റെംപർ
- ഫെലൈൻ രക്താർബുദം
- ഫെലൈൻ വൈറൽ റിനോട്രോചൈറ്റിസ്
- ലെപ്റ്റോസ്പിറോസിസ്
- ലൈം രോഗം
അവലംബം
തിരുത്തുക- ↑ 1.0 1.1 "WHO | Vaccine-preventable diseases".
- ↑ 2.0 2.1 2.2 World Health Organization, Global Vaccine Action Plan 2011-2020. Geneva, 2012.
- ↑ "Immunization Surveillance, Assessment and Monitoring". Retrieved 16 May 2009.
- ↑ Public Health Agency of Canada, Canadian Immunization Guide. Accessed 10 April 2014.
- ↑ Immunization Action Coalition, Vaccine-Preventable Diseases: Yellow Fever. Accessed 10 April 2014.
- ↑ Added to the list 2016. http://www.who.int/immunization/diseases/en/