വലിയ വയൽക്കുരുവി

ഭൂമുഖത്തെ ഏറ്റവും നിഗൂഢത പേറുന്ന പക്ഷികളുടെ പട്ടികയിലാണ്‌ Large-billed Reed-warbler എന്ന വയൽക്കുരുവിയുടെ സ്ഥാനം. 1867-ൽ ഹിമാചൽപ്രദേശിലെ സത്‌ലജ്‌ താഴ്‌വരയിലാണ്‌‌ ഈ പക്ഷിയെ അവസാനമായി കണ്ടതായി രേഖപ്പെടുത്തിയിട്ടുള്ളത്‌. വംശനാശത്തിന്‌ കീഴടങ്ങിയെന്നു കരുതിയിരുന്ന വയൽക്കുരുവി, ഈയിടെയായി പക്ഷിനിരീക്ഷകർക്കു മുൻപിൽ വീണ്ടും പ്രത്യക്ഷപ്പെട്ടു.

വയൽക്കുരുവി
പരിപാലന സ്ഥിതി
വസ്തുതകൾ അപര്യാപ്‌തം  (IUCN 3.1)
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Aves
Order:	Passeriformes
Superfamily:	Sylvioidea
Family:	Acrocephalidae
Genus:	Acrocephalus
Species:	A. orinus
Binomial name
Acrocephalus orinus Oberholser, 1905

2006 മാർച്ച്‌ 27-ന്‌ മഹിദോൽ സർവകലാശാലയിൽ ജീവശാസ്‌ത്രവകുപ്പിലെ അസിസ്റ്റന്റ്‌ പ്രൊഫസർ ഫിലിപ്പ്‌ റൗണ്ട്, തായ്‌ലൻഡിലെ ബാങ്കോക്കിന്‌ പുറത്തൊരു ജലസംഭരണിക്കു സമീപം നിരീക്ഷണം നടത്തുകയായിരുന്നു. സാധാരണ വയൽക്കുരുവികളിൽ നിന്നു വിഭിന്നമായ ഒന്ന്‌ അദ്ദേഹത്തിന്റെ ശ്രദ്ധയിൽപ്പെട്ടു. പക്ഷിയെപ്പറ്റിയുള്ള ഫിലിപ്പ് റൗണ്ടിന്റെ കുറിപ്പ്

“ എന്തോ അസാധാരണത്വം ആ പക്ഷിക്കുണ്ടായിരുന്നു. ഒലിവ്‌ബ്രൗൺ നിറമുള്ള ആ വയൽക്കുരുവിയുടെ കൊക്ക്‌ നിഗൂഢമാംവിധം നീണ്ടതും, ചിറകുകൾ അസാധാരണമാംവിധം ചെറുതുമായിരുന്നു ”

നൂറ്റിമുപ്പത്തൊമ്പത്‌ വർഷം മുമ്പ്‌ ഇന്ത്യയിൽ കണ്ട ശേഷം ഗവേഷകരുടെ കണ്ണിൽപെടാതിരുന്ന ഈ അപൂർവ വയൽക്കുരുവിയെ, വീണ്ടും ഇന്ത്യയിൽ കണ്ടെത്തി.^{[എന്ന്?]} കിഴക്കൻ കൊൽക്കത്തയിലെ നരേന്ദ്രപൂരിന്‌ സമീപത്തു നിന്നാണ്‌ ഈ പക്ഷി ഒരു നിരീക്ഷകന്റെ കണ്ണിൽ പെട്ടത്‌.

പുറത്തേക്കുള്ള കണ്ണികൾ

• ചിത്രങ്ങൾ Archived 2007-05-01 at the Wayback Machine.
• Identification notes Archived 2008-05-15 at the Wayback Machine.
• Natural History Museum, London Archived 2015-01-26 at the Wayback Machine.
• Photographs from Kolkata Archived 2007-04-28 at the Wayback Machine.
• Laem Pak Bia
  • News reports Archived 2016-03-03 at the Wayback Machine.