യൂറോപ്യൻ ധ്രുവപ്പൂച്ച
കാർണിവോറ ജന്തുനിരയിലെ മസ്റ്റെലൈഡ് (Mustelidae) കുടുംബത്തിൽപ്പെടുന്ന വന്യ സസ്തനിയാണ്‌ യൂറോപ്യൻ ധ്രുവപ്പൂച്ച, കോമൺ പോൾകാറ്റ്, ബ്ലാക്ക്' അല്ലെങ്കിൽ ഫോറസ്റ്റ് പോൾകാറ്റ്, യൂറോപ്യൻ ഫെററ്റ്, അല്ലെങ്കിൽ വൈൽഡ് ഫെററ്റ് എന്നും അറിയപ്പെടുന്നു. ശാസ്ത്രനാമം: മസ്റ്റെല പുട്ടോറിയസ് (Mustela putorius), മസ്റ്റെല പുട്ടോറിയസ് പുട്ടോറിയസ് (Mustela putorius putorius).യൂറോപ്പ്, ഏഷ്യ, ആഫ്രിക്കയുടെ വടക്കൻ പ്രദേശങ്ങൾ എന്നിവിടങ്ങളിലാണ് ഇവയെ സാധാരണ കണ്ടുവരുന്നത്.
| യൂറോപ്യൻ ധ്രുവപ്പൂച്ച | |
|---|---|
| |
| European Polecats | |
| ശാസ്ത്രീയ വർഗ്ഗീകരണം | |
| കിങ്ഡം: | |
| Phylum: | |
| Class: | |
| Order: | |
| Family: | |
| Genus: | |
| Species: | M. putorius
|
| Binomial name | |
| Mustela putorius (Linnaeus, 1758)
| |
ശരീര ഘടന
തിരുത്തുകധ്രൂവപ്പൂച്ചകളുടെ ശരീരം മെലിഞ്ഞതും 38-51 സെന്റിമീറ്റർ വരെ നീളമുള്ളതുമാണ്; വാലിന് 13-19 സെന്റിമീറ്ററും, തൂക്കം 0.7-1.4 കിലോഗ്രാമും. കടും തവിട്ടു മുതൽ കറുപ്പു വരെ നിറമുള്ള ധ്രുവപ്പൂച്ചകളുണ്ട്. തലയുടെ ഇരുവശങ്ങളിലും കണ്ണിന്റെയും ചെവിയുടെയും ഇടയ്ക്ക് ഒരു മഞ്ഞപ്പട്ട കാണപ്പെടുന്നു. കാലുകൾ ചെറുതാണ്. കാലുകളിൽ മൂർച്ചയുള്ള കൂർത്തു വളഞ്ഞ നഖരങ്ങളോടുകൂടിയ അഞ്ച് വിരലുകളുണ്ട്. ഇവയുടെ പല്ലുകൾ മാംസം ഭക്ഷിക്കുന്നതിന് വളരെ അനുയോജ്യമായതാണ്.
ആഹാര രീതി
തിരുത്തുകധ്രുവപ്പൂച്ചകൾ രാത്രിയിലാണ് ഇരതേടുന്നത്. ജന്തുക്കളുടെ ഗന്ധം തിരിച്ചറിഞ്ഞാണ് ഇവ ഇര പിടിക്കുന്നത്. മരത്തിലോ മറ്റു വസ്തുക്കളിലോ പിടിച്ചുകയറാനുള്ള ശേഷി ഇവയ്ക്ക് കുറവാണ്. എലി, ചുണ്ടെലി തുടങ്ങിയ ചെറുജീവികളെ ഇവ ആഹാരമാക്കുന്നു. ഇവ പലപ്പോഴും കോഴിയുടെയും മുയലിന്റെയും കൂടുകളിൽ അതിക്രമിച്ചു കയറി അവയെ കൊന്നുഭക്ഷിക്കാറുണ്ട്. ധ്രുവപ്പൂച്ചകൾ അതിനെക്കാൾ വലിപ്പംകൂടിയ ജന്തുക്കളെവരെ കൊന്നുഭക്ഷിക്കും; അവശേഷിക്കുന്ന മാംസം പിന്നീടു ഭക്ഷിക്കാൻ സൂക്ഷിച്ചുവയ്ക്കുകയും ചെയ്യും. ശരീരത്തിലെ കട്ടിയുള്ളതും ഇടതൂർന്നതുമായ രോമാവരണവും അതിനടിയിലായുള്ള ഇലാസ്തികകലകളും കുറുക്കൻ, നായ്, പാമ്പ് മുതലായ ശത്രുക്കളുടെ കടി ഏല്ക്കുന്നതിൽനിന്ന് ഒരു പരിധിവരെ ഇവയെ സംരക്ഷിക്കുന്നു.
പ്രത്യുത്പാദനം
തിരുത്തുകയൂറോപ്യൻ ധ്രുവപ്പൂച്ചകൾ വർഷത്തിൽ രണ്ടുപ്രാവശ്യം പ്രസവിക്കും. 40-45 ദിവസമാണ് ഗർഭകാലം. ഒരു പ്രസവത്തിൽ 3-7 കുഞ്ഞുങ്ങളുണ്ടാകുന്നു. ജനിച്ച് 20 ദിവസത്തിനുശേഷമേ ഇവയ്ക്ക് കാഴ്ചശക്തിയുണ്ടാകുന്നുള്ളൂ. ഏകദേശം ഏഴ് ആഴ്ച വരെ തള്ളപ്പൂച്ചയുടെ മുലപ്പാൽ മാത്രമാണ് കുഞ്ഞുങ്ങളുടെ ആഹാരം. ആൺ ധ്രുവപ്പൂച്ചകൾ കുഞ്ഞുങ്ങളെ വളർത്തുന്നതിൽ യാതൊരു പങ്കും വഹിക്കുന്നില്ല. യൂറോപ്യൻ ധ്രുവപ്പൂച്ചയെ വളർത്തുമൃഗമായി ഇണക്കി വളർത്താറുണ്ട്.
കീരികുടുംബത്തിലെ മറ്റ് അംഗങ്ങളെപ്പോലെ ധ്രുവപ്പൂച്ചകളും പൃഷ്ഠഭാഗത്തുള്ള ഗ്രന്ഥികളിൽനിന്ന് ദുർഗന്ധമുള്ള ഒരു സ്രവം പുറപ്പെടുവിക്കാറുണ്ട്. ഈ സ്രവം ഒരു പരിധിവരെ ഇവയെ ശത്രുക്കളിൽനിന്ന് രക്ഷനേടാനും കൂട്ടങ്ങളുടെ അതിർത്തി നിർണയത്തിനും സഹായിക്കുന്നു.
വർഗ്ഗീകരണം
തിരുത്തുക- ടർക്കിസ്ഥാൻ ധ്രുവപ്പൂച്ച - മസ്റ്റെല എവർസ്മാനി (Mustela eversmanni) എന്ന ശാസ്ത്രനാമമുള്ള ധ്രുവപ്പൂച്ചകൾ റഷ്യയിൽ ധാരാളമായി കണ്ടുവരുന്നു. യൂറോപ്യൻ ധ്രുവപ്പൂച്ചകളെക്കാൾ നീളവും നിറവും ഇവയ്ക്ക് കുറവായിരിക്കും.
- അമേരിക്കൻ ധ്രുവപ്പൂച്ച - മസ്റ്റെല നൈഗ്രിപെസ് (Mustela nigripes) എന്ന ഇനം ധ്രുവപ്പൂച്ചകൾ ടെക്സാസിനും വടക്കൻ ഡക്കോട്ടയ്ക്കും ഇടയിലെ പ്രയറി പുൽമേടുകളിൽ ധാരാളമായി കാണപ്പെടുന്നു.
അവലംബം
തിരുത്തുക- ↑ "Mustela putorius". IUCN Red List of Threatened Species. Version 2008. International Union for Conservation of Nature. 2008. Retrieved 21 March 2009.
{{cite web}}: Cite has empty unknown parameter:|last-author-amp=(help); Invalid|ref=harv(help); Unknown parameter|authors=ignored (help) Database entry includes a brief justification of why this species is of least concern
 | കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ധ്രുവപ്പൂച്ച എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം. |
പുറത്തേക്കുള്ള കണ്ണികൾ
തിരുത്തുക
- Animal ecology of polecat
- Waarneming.nl Archived 2008-06-18 at the Wayback Machine. Pictures, sightings, distribution maps of European polecats in the Netherlands.
- European polecat (Mustela putorius) Archived 2010-01-10 at the Wayback Machine. - ARKive.org