മൂർക്കോത്ത് രാമുണ്ണി
നയതന്ത്ര വിദഗ്ദ്ധനും വ്യോമസേനയിലെ ആദ്യ മലയാളി പൈലറ്റും, റിട്ടയേഡ് വിങ് കമാൻഡറുമാണ്‌ മൂർക്കോത്ത് രാമുണ്ണി(സെപ്റ്റംബർ 15 1915 - ജൂലൈ 9 2009)[1][2]
മൂർക്കോത്ത് രാമുണ്ണി | |
|---|---|
 മൂർക്കോത്ത് രാമുണ്ണി | |
| ജനനം | 1915 സെപ്റ്റംബർ 15 |
| മരണം | 2009 ജൂലൈ 9 |
| ദേശീയത |  ഇന്ത്യ |
| തൊഴിൽ | നയതന്ത്ര വിദഗ്ദ്ധനും വ്യോമസേനയിലെ ആദ്യ മലയാളി പൈലറ്റും |
| അറിയപ്പെടുന്നത് | എഴുത്തുകാര‍ൻ, ഭരണതന്ത്രജ്ഞൻ, സാമൂഹ്യ പ്രവർത്തകൻ |
ജീവിതരേഖ
തിരുത്തുകപ്രശസ്ത സാഹിത്യകാരനും ശ്രീനാരായണഗുരുവിന്റെ ശിഷ്യനുമായിരുന്ന മൂർക്കോത്ത് കുമാരന്റെയും യശോദയുടേയും മകനായി 1915 സെപ്റ്റംബർ 15-ന്‌ ജനിച്ചു. സെന്റ്‌ ജോസഫ്‌സ്‌ സ്‌കൂൾ, തലശ്ശേരി, ബി.ഇ.എം.പി സ്‌കൂൾ, ബ്രണ്ണൻ കോളേജ്, മദ്രാസ് പ്രസിഡൻസി കോളേജ് എന്നിവിടങ്ങളിലായിരുന്നു വിദ്യാഭ്യാസം. പ്രസിഡൻസി കോളേജിൽ നിന്നുള്ള ഉപരിപഠനത്തിന് ശേഷം മദ്രാസ് ഫ്ലയിങ് ക്ലബിൽ ചേർന്ന് ലൈസൻസ് നേടിയ കേരളത്തിലെ ആദ്യ എയർ ഫോഴ്സ് പൈലറ്റായി.[3] കാപ്റ്റൻ ടിൻഡൽ ബിസ്‌കോ എന്ന ഒന്നാം ലോക മഹായുദ്ധകാലത്തെ പൈലറ്റായിരുന്നു പരിശീലകൻ.[4] രണ്ടാം ലോകമഹായുദ്ധത്തിൽ ജപ്പാനെതിരെ ഇന്ത്യൻ എയർ ഫോഴ്സ് വിമാനം പറത്തിയ എക മലയാളിയും രാമുണ്ണിയാണ്.[3] സ്വാതന്ത്ര്യത്തിന് മുമ്പ് ബ്രിട്ടീഷ് റോയൽ എയർ ഫോഴ്‌സിൽ ചേർന്ന അദ്ദേഹം സെക്കന്ദരാബാദിലെയും അംബാലയിലെയും പെഷവാറിലെയും പരിശീലനങ്ങൾക്കും ശേഷം വ്യോമസേനയുടെ 2, 4, 6 സ്‌ക്വാഡ്രണുകൾക്കു വേണ്ടി പോർ വിമാനങ്ങൾ പറത്തുകയുണ്ടായി.[4] ഭാരതീയ വായുസേനയിലും വൈമാനികനായ രാമുണ്ണിയെ ഭാരത സർക്കാർ ഐ.എ.എസ്. നൽകി അന്നത്തെ പ്രധാനമന്ത്രി ജവഹർലാൽ നെഹ്രുവിന്റെ ഓഫീസിൽ നിയമിച്ചു.[5]
എഴുത്തുകാര‍ൻ, ഭരണതന്ത്രജ്ഞൻ, സാമൂഹ്യ പ്രവർത്തകൻ എന്നീ നിലകളിൽ വ്യക്തിമുദ്ര പതിപ്പിച്ച മൂർക്കോത്ത് രാമുണ്ണി നിരവധി ഗ്രന്ഥങ്ങളുടെ കർത്താവാണ്‌. ലക്ഷദ്വീപിലെ അഡ്മിനിസ്ട്രേറ്ററായിരുന്ന അദ്ദേഹം തൻ്റെ തലശ്ശേരിയിലെ വീടിന് നൽകിയ പേര് ലക്ഷദ്വീപിലെ ഒരു ചെറിയ ദ്വീപിൻ്റെ പേര് ആയ "ബിത്ര" ആണ്.[3]
ഔദ്യോഗിക പദവികൾ
തിരുത്തുക- 1961 ൽ ലക്ഷദ്വീപിലെ നാലാമത്തെ അഡ്മിനിസ്ട്രേറ്ററായി രാമുണ്ണി നിയമിതനായി[3]
- വടക്കുകിഴക്കൻ സംസ്ഥാനങ്ങളിൽ ഗവർണറുടെ ഉപദേഷ്ടാവ്[5]
- നേപ്പാളിലെ ഇന്ത്യയുടെ പ്രത്യേക പ്രതിനിധി[5]
- നാഗാലാൻഡ് രൂപീകരണ കാലത്ത് പതിമൂന്നു വർഷം കാബിനറ്റ് സെക്രട്ടറി[4]
കൃതികൾ
തിരുത്തുകഇംഗ്ലീഷ്
തിരുത്തുക- അറ്റ്‌ലസ്‌ ഓഫ്‌ ലക്ഷദ്വീപ്‌
- യൂണിയൻ ടെറിട്ടറി ഓഫ്‌ ലക്ഷദ്വീപ്‌
- ദ വേൾഡ്‌ ഓഫ്‌ നാഗാസ്‌
- ഏഴിമല
- ദ സ്‌കൈ വാസ്‌ ദി ലിമിറ്റ്‌
- ഇന്ത്യാസ്‌ കോറൽ ഐലൻഡ്‌സ്‌ ഇൻ ദ അറേബ്യൻ സീ-ലക്ഷദ്വീപ്‌.
മലയാളം
തിരുത്തുക- പൈലറ്റിന്റെ ദിനങ്ങൾ
- എന്റെ ഗോത്രലോകം.
അവലംബം
തിരുത്തുക- ↑ "മൂർക്കോത്ത് രാമുണ്ണി അന്തരിച്ചു" (in Malayalam). Mathrubhumi. Archived from the original on 2009-07-22. Retrieved 2009-07-09.
{{cite web}}: CS1 maint: unrecognized language (link) - ↑ "മൂർക്കോത്ത് രാമുണ്ണി അന്തരിച്ചു" (in Malayalam). Malayalam Manorama. Archived from the original on 2009-07-13. Retrieved 2009-07-09.
{{cite web}}: CS1 maint: unrecognized language (link) - ↑ 3.0 3.1 3.2 3.3 "നെഹ്റു അയച്ച ദ്വീപുരക്ഷകൻ; ഇങ്ങനെയും ഉണ്ടായിരുന്നു ഒരു അഡ്‌മിനിസ്ട്രേറ്റർ അവിടെ!". Retrieved 2021-06-04.
- ↑ 4.0 4.1 4.2 "ഇന്ത്യയുടെ ആദ്യ മലയാളി ഫൈറ്റർ പൈലറ്റ്; മൂർക്കോത്ത് രാമുണ്ണിയുടെ ത്രസിപ്പിക്കുന്ന പോരാട്ടങ്ങളുടെ കഥ". Retrieved 2021-06-04.
- ↑ 5.0 5.1 5.2 "മൂർക്കോത്ത് രാമുണ്ണി ജന്മശതാബ്ദി ഇന്ന്" (in ഇംഗ്ലീഷ്). Archived from the original on 2021-06-04. Retrieved 2021-06-04.
|
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |