മാധവ സദാശിവ ഗോൾവൽക്കർ
രാഷ്ട്രീയ സ്വയംസേവക സംഘത്തിന്റെ രണ്ടാമത്തെ സർസംഘചാലക് ആയിരുന്നു മാധവ സദാശിവ ഗോൾവൽക്കർ. അനുയായികൾക്കിടയിൽ അദ്ദേഹംഗുരുജി എന്നറിയപ്പെട്ടിരുന്നു.[അവലംബം ആവശ്യമാണ്] ജീവിതകാലത്തുടനീളവും മരണത്തിനു ശേഷവും ഒട്ടനവധി വിമർശനങ്ങൾ സ്വന്തം ആശയങ്ങളുടെ പേരിൽ അദ്ദേഹം നേരിട്ടിട്ടുണ്ട്.
മാധവ സദാശിവ ഗോൾവൽക്കർ | |
|---|---|
 | |
| ജനനം | മധു ഫെബ്രുവരി 19, 1906 രാംടേക്ക്, നാഗ്പൂർ, മഹാരാഷ്ട്ര |
| മരണം | ജൂൺ 5, 1973 (പ്രായം 67) |
| ദേശീയത | ഇന്ത്യൻ |
| പൗരത്വം | ഇന്ത്യൻ |
| വിദ്യാഭ്യാസം | ശാസ്ത്രത്തിൽ ബിരുദാനന്തര ബിരുദം, ബനാറസ് ഹിന്ദു യൂണിവേഴ്സിറ്റി |
| സംഘടന(കൾ) | രാഷ്ട്രീയ സ്വയംസേവക സംഘം RSS |
| അറിയപ്പെടുന്നത് | രാഷ്ട്രീയ സ്വയംസേവക സംഘം പ്രചാരകൻ, സർസംഘചാലക് |
ചെറുപ്പകാലം
തിരുത്തുക1906 ഫെബ്രുവരി മാസം 19-ന്‌ മഹാരാഷ്ട്ര സംസ്ഥാനത്തെ നാഗ്‌പൂരിനടുത്തുള്ള രാംടേക്കിൽ ഒരു മറാത്തി കാർഹഡെ ബ്രാഹ്മണ കുടുംബത്തിൽ സദാശിവറാവു, ലക്ഷ്മിബായ് എന്നിവരുടെ പുത്രനായി മാധവ സദാശിവ ഗോൾവാർക്കർ ജനിച്ചു. മധു എന്ന് വിളിപ്പേരുണ്ടായിരുന്ന ഇദ്ദേഹം മാതാപിതാക്കളുടെ ഒൻപതുമക്കളിൽ നാലാമനായിരുന്നു. ഈ മകനൊഴികെ ബാക്കിയെല്ലാ കുട്ടികളും ചെറുപ്രായത്തിൽത്തന്നെ മരണമടഞ്ഞിരുന്നു. സമ്പന്നരായിരുന്ന അദ്ദേഹത്തിന്റെ കുടുംബം പഠനത്തിലും പ്രവർത്തനങ്ങളിലും അദ്ദേഹത്തെ പിന്തുണച്ചിരുന്നു. കമ്പിത്തപാൽ വകുപ്പിലെ മുൻ ഗുമസ്തനായിരുന്ന പിതാവ് സദാശിവറാവു കേന്ദ്ര പ്രവിശ്യകളിൽ അദ്ധ്യാപകനായി സേവനമനുഷ്ടിക്കുകയും ഹൈസ്കൂളിലെ പ്രധാനാധ്യാപകനായി തന്റെ ഔദ്യോഗിക ജീവിതം അവസാനിപ്പിക്കുകയും ചെയ്തു. പിതാവ് ജോലി സംബന്ധമായി രാജ്യമെമ്പാടും പതിവായി സ്ഥലം മാറിയതിനാൽ നിരവധി സ്കൂളുകളിലായാണ് അദ്ദേഹം വിദ്യാഭ്യാസം നിർവ്വഹിച്ചത്. ശാസ്ത്ര വിഷയങ്ങൾ പഠിച്ചിരുന്ന ഗോൾവാർക്കർ വിദ്യാർത്ഥിയെന്ന നിലയിൽ ഒരു കുശാഗ്രബുദ്ധിയും രാഷ്ട്രീയ താല്പര്യമില്ലാത്തയാളുമായിരുന്നു. കൗമാരപ്രായത്തിൽ അദ്ദേഹത്തിന്റെ മനസ്സിൽ മതം, ആത്മീയ ധ്യാനം എന്നിവ ആഴത്തിൽ വേരൂന്നി.[1][2][3][4] നാഗ്പൂരിൽ വൈദികർ നടത്തുന്ന വിദ്യാഭ്യാസ സ്ഥാപനമായ ഹിസ്ലോപ്പ് കോളേജിൽ അദ്ദേഹം പഠനത്തിന് ചേർന്നു. കലാലയത്തിൽവച്ച്, ക്രിസ്തുമതത്തിന്റെ പ്രത്യക്ഷമായ പ്രചരണത്തിലും ഹിന്ദുമതത്തിന്റെ അവമതീകരണത്തിലും പ്രകോപിതനായിരുന്ന അദ്ദേഹത്തിന്റെ ഹിന്ദുമതത്തിന്റെ പ്രതിരോധത്തെക്കുറിച്ചുള്ള മിക്ക ആശങ്കകളും കലാലയ അനുഭവങ്ങളിൽ കണ്ടെത്താനാകും. ഹിസ്ലോപ്പ് കോളജ് വിട്ട് ബെനാറസ് ഹിന്ദു സർവ്വകലാശാലയിൽ (BHU) ചേർന്ന അദ്ദേഹം 1927 ൽ അവിടെനിന്ന് ശാസ്ത്രവിഷയത്തിൽ ബിരുദവും 1929 ൽ ജീവശാസ്ത്രത്തിൽ ബിരുദാനന്തര ബിരുദവും നേടി.[5][1]
ബനാറസ് ഹിന്ദു സർവ്വകലാശാലയിൽ ബിരുദാനന്തര ബിരുദത്തിനു പഠിക്കുന്ന സമയം മുതൽക്കേ ദേശീയ നേതാവും സർവകലാശാലയുടെ സ്ഥാപകനുമായിരുന്ന പണ്ഡിറ്റ്‌ മദന മോഹന മാളവ്യയെപ്പോലുള്ള നേതാക്കളുടെ ആശയങ്ങൾ ഗോൾവൽക്കറെ സ്വാധീനിച്ചിരുന്നു.[6] മറൈൻ ബയോളജിയിൽ ഡോക്ടറേറ്റ് നേടാനായി ഗോൽവാൽക്കർ മദ്രാസിലേക്ക് പോയെങ്കിലും പിതാവിന്റെ വിരമിക്കൽ കാരണം ഈ പഠനം പൂർത്തിയാക്കാൻ സാധിച്ചില്ല.[7] പഠനത്തിനു ശേഷം മുന്നു വർഷത്തോളം അദ്ദേഹം ബി‌എച്ച്‌യുവിൽ പ്രൊഫസ്സറായി ജന്തുശാസ്ത്രം പഠിപ്പിച്ചു. ഈ കാലയളവിൽ അദ്ദേഹത്തിന്റെ താടി, നീളമുള്ള മുടി, ലളിതമായ വസ്ത്രധാരണം എന്നിവ വിദ്യാർത്ഥികൾ അദ്ദേഹത്തെ ഗുരുജി എന്ന് ബഹുമാനപൂർവ്വം വിളിക്കാനിടയാക്കുകയും പിന്നീട് അദ്ദേഹത്തിന്റെ ആർ.എസ്.എസ്. അനുയായികൾ ആദരസൂചകമായി ഈ വിളി പിന്തുടരുകയും ചെയ്തു. ആ സമയത്താണ്‌ സംഘത്തിൻറെ ആശയങ്ങളിലും പ്രവർത്തനങ്ങളിലും അദ്ദേഹം ആകൃഷ്ടനായത്‌. 1933ൽ ഗോൾവൽക്കർ മാതാപിതാക്കളോടൊപ്പം നാഗ്പൂരിലേയ്ക്ക്‌ തിരിച്ചുവന്നു.
അദ്ദേഹം ബെനാറസ് ഹിന്ദു സർവ്വകലാശാലയിൽ അദ്ധ്യാപനം നടത്തിയിരുന്ന കാലത്ത്, സർസംഘ്ചാലക് കെ ബി ഹെഡ്ഗേവാറിന്റെ അടുത്ത അനുയായിയും ഒരു വിദ്യാർത്ഥിയുമായിരുന്ന ഭയ്യാജി ദാനി എന്ന വ്യക്തി വാരാണസിയിൽ ഒരു ആർ.എസ്.എസ് ശാഖ സ്ഥാപിച്ചു.[8] യോഗങ്ങളിൽ പങ്കെടുക്കുകയും അതിന്റെ അംഗങ്ങളാൽ ബഹുമാനിക്കപ്പെടുകയും ചെയ്തിരുന്നുവെങ്കിലും, ഗോൾവാൾക്കർ ഈ സംഘടനയിൽ അക്കാലത്ത് അതീവ താല്പര്യം കാണിച്ചതായി ഒരു സൂചനയും ഇല്ല.[1] നാഗ്പൂരിൽ വച്ചാണ് അദ്ദേഹം ഡോക്ടർ കേശവ ബലിറാം ഹെഡ്ഗേവാറിനെ പരിചയപ്പെട്ടത്. 1931 ൽ ബെനാറസ് സന്ദർശിച്ച ഹെഡ്ഗേവാർ സന്യാസിയായ ഗോൾവാൾക്കറിലേക്ക് ആകർഷിക്കപ്പെട്ടു.[1] ഇക്കാലത്ത് ഹെഡ്ഗേവാർ ഗോൾവാൾക്കറിൽ കൂടുതൽ സ്വാധീനം ചെലുത്തി. 1934 ൽ ഹെഡ്ഗേവാർ അദ്ദേഹത്തെ നാഗ്പൂർ പ്രധാന ബ്രാഞ്ചിന്റെ സെക്രട്ടറിയാക്കി (കാര്യവാഹക്). ഒരു ആർ‌എസ്‌എസ് നേതാവിന് വേണ്ടതായ ബഹുമാനം നൽകുമെന്നതിനാൽ നിയമ ബിരുദം നേടാൻ ഹെഡ്‌ഗ്വാർ അദ്ദേഹത്തെ പ്രോത്സാഹിപ്പിച്ചതായി ആർ‌എസ്‌എസ് വൃത്തങ്ങൾ വ്യക്തമാക്കുന്നു നാഗ്പൂരിലെത്തിയതിനു ശേഷം അദ്ദേഹം നിയമം പഠിക്കുകയും പ്രാക്ടീസ്‌ നടത്തുകയും ചെയ്തു.[9][1] നിയമമേഖലയിൽ പരിശീലനം ആരംഭിച്ച അദ്ദേഹത്തെ ഹെഡ്‌ഗ്വാർ അക്കോള ഓഫീസർമാരുടെ പരിശീലന ക്യാമ്പിന്റെ നടത്തിപ്പിനായി ചുമതലപ്പെടുത്തി.[5][10] അതോടൊപ്പംതന്നെ ഇന്ത്യയുടെ സ്വാതന്ത്ര്യലബ്ധിക്കായി യുവാക്കളെ സജ്ജീകരിക്കാനും അദ്ദേഹം യത്നിച്ചു.[11]
1936 ഒക്ടോബറിൽ ഗോൾവാൾക്കർ തന്റെ നിയമപരിശീലനം ഉപേക്ഷിക്കുകയും പശ്ചിമ ബംഗാളിലെ സർഗാച്ചി രാമകൃഷ്ണ മിഷൻ ആശ്രമത്തിനായി ആർ‌എസ്‌എസിൽ പ്രവർത്തിക്കുകയും ഭൗതികതാൽപര്യങ്ങൾ ത്യജിച്ച് ഒരു സന്യാസിയായി മാറുകയും ചെയ്തു. ഗോൾവാർക്കർ, സ്വാമി വിവേകാനന്ദന്റെ സഹോദരൻ രാമകൃഷ്ണന്റെ ശിഷ്യനും ഒരു സന്യാസിയുമായ സ്വാമി അഖണ്ഡാനന്ദന്റെ ശിഷ്യനായി മാറി.[10] 1937 ജനുവരി 13 ന്‌ സ്വാമി അഖണ്ഡാനന്ദനിൽ നിന്നും സന്യാസം സ്വീകരിച്ച ഗോൾവൽക്കർ വിവാഹിതനായില്ല. താമസിയാതെ അദ്ദേഹം ആശ്രമം വിട്ടുപോയി.[12] 1937 ൽ തന്റെ ഗുരുവിന്റെ മരണശേഷം ഹെഡ്ഗ്വാറിന്റെ ഉപദേശം തേടുന്നതിനായി വിഷാദാവസ്ഥയിലും അനിശ്ചിതനുമായി നാഗ്പൂരിലേക്ക് മടങ്ങിയെത്തിയ അദ്ദേഹത്തോട് ആർ‌എസ്‌എസിനായി പ്രവർത്തിച്ചുകൊണ്ട് സമൂഹത്തോടുള്ള കടമ ഏറ്റവും മികച്ച രീതിയിൽ നിറവേറ്റാൻ സാധിക്കുമെന്ന് ഹെഡ്‌ഗ്വാർ ബോധ്യപ്പെടുത്തി.[13]
നീണ്ട ദീക്ഷയും തോളൊപ്പമെത്തുന്ന ചുരുളൻ മുടിയും എല്ലാ കാര്യങ്ങളിലും അവഗാഹവുമുണ്ടായിരുന്ന അദ്ദേഹത്തെ മുതിർന്ന ആളുകൾ പോലും 'ഗുരുജി' എന്നു വിളിച്ച് ബഹുമാനിച്ചിരുന്നു.[14]
പ്രവർത്തനം
തിരുത്തുക- ശ്രി കേശവ ബാലറാം ഹെഡ്ഗേവാറിൻറെ മരണ ശേഷം ആർ.എസ്.എസ്സിൻറെ സർസംഘചാലക് ചുമതല അദ്ദേഹത്തിൽ അർപ്പിക്കപ്പെട്ടു. സർസംഘചാലക് പദവിയിൽ അദ്ദേഹത്തിൻറെ മരണം വരെ, മുപ്പത്തിമൂന്നു വർഷം സേവനമനുഷ്ഠിച്ചു. ഏറ്റവും കൂടുതൽ കാലം ആർ.എസ്.എസ്സിൻറെ സർസംഘ ചാലക് ചുമതലയിൽ ഇരുന്ന വ്യക്തിയും അദ്ദേഹം തന്നെയാണ്.[15]
- ഈ കാലയളവിൽ അദ്ദേഹം ഭാരതം മുഴുവൻ ചുറ്റിസഞ്ചരിച്ചു. ഓരോ വർഷവും, ഓരോ സംസ്ഥാനങ്ങളിലും ചുരുങ്ങിയത് രണ്ടുതവണയെങ്കിലും അദ്ദേഹം സന്ദർശനം നടത്തിയിരുന്നു.[അവലംബം ആവശ്യമാണ്]
- ഹൈന്ദവമൂല്യങ്ങളിൽ ഊന്നിയ ദേശാഭിമാനം വളർത്തിയെടുക്കാൻ അദ്ദേഹം പ്രയത്നിച്ചു.[അവലംബം ആവശ്യമാണ്].
- 1962 ലെ ചൈനയുടെ ഇന്ത്യ ആക്രമണ സമയത്ത്, സ്വയം സേവകരോട് (ആർ.എസ്.എസ് അംഗങ്ങൾ) ഭരണകൂടത്തിനോപ്പം രാജ്യ സുരക്ഷയ്ക്ക് വേണ്ടി നിലകൊള്ളാൻ ആഹ്വാനം ചെയ്തു. സ്വയംസേവകർ അദ്ദേഹത്തിൻറെ ആഹ്വാന ഫലമായി ദൽഹി, കൊൽക്കത്ത, മുംബൈ തുടങ്ങിയ പട്ടണങ്ങളുടെ ആഭ്യന്തര സുരക്ഷാ പാലനം, സൈനികർക്ക് മരുന്ന്, വൈദ്യസഹായം, രക്തം ഇവ എത്തിക്കുന്ന പ്രവർത്തികളിൽ മുഴുകി.[16].
ഹൈന്ദവേതര മതങ്ങളോടുള്ള നിലപാട്
തിരുത്തുക| “ | ഞങ്ങളുടെ മത ബോധവും തത്ത്വ ചിന്തയും പ്രകാരം ഒരു മുസ്ലീം ഒരു ഹിന്ദുവിനോളം തന്നെ നല്ലവനാണ് .ഒരിക്കലും ഹിന്ദു മാത്രം മോക്ഷപ്രാപ്തിയിൽ എത്തും എന്ന് ഞങ്ങൾ ചിന്തിക്കുന്നില്ല .തൻറേതായ ചിന്തകൾക്ക് അനുസൃതമായ പാത സ്വീകരിക്കാൻ എല്ലാവർക്കും അവകാശം ഉണ്ട് . നിങ്ങളുടെ പാത അത് ഹിന്ദുത്വമാനെങ്കിലും , ക്രിസ്തു മതം ആണെങ്കിലും ഇസ്ലാം ആണെങ്കിലും അത് പിന്തുടരുക .ആളുകളെ യഥാർത്ഥ ഹിന്ദുത്വം പഠിപ്പിക്കൂ, യഥാർത്ഥ ഇസ്ലാം അവരെ പഠിപ്പിക്കൂ., മതങ്ങൾ മനുഷ്യനെ നിസ്വാർഥരാകാനാണ് പഠിപ്പിക്കുന്നത്‌ എന്ന് അവർ അറിയട്ടെ. | ” |
| — Dr.സൈഫുദ്ദീൻ ജീലാനിയുമായുള്ള അഭിമുഖം, 1971.[17] | ||
1930-കളിൽ ജർമ്മനിയിൽ ജൂതന്മാർക്കെതിരായി നടന്ന നാസി വംശശുദ്ധീകരണത്തെ ഇദ്ദേഹം പിന്തുണയ്ക്കുകയുണ്ടായിട്ടുണ്ട്. ഇത് ഇന്ത്യക്കാർക്ക് പഠിക്കുകയും ഇതിൽനിന്ന് ലാഭം നേടുകയും ചെയ്യാവുന്നതാണ് എന്നും അദ്ദേഹം താൻ രചിച്ച വീ, ഓർ അവർ നേഷൻഹുഡ് ഡിഫൈൻഡ് എന്ന കൃതിയിൽ അഭിപ്രായപ്പെടുന്നു. [18][19] ഗോൾവാൾക്കറിന്റെ നിരീക്ഷണം:
വംശത്തിന്റെയും സംസ്കാരത്തിന്റെയും ശുദ്ധി നിലനിറുത്താനായി സെമിറ്റിക് വംശങ്ങളെ - ജൂതന്മാരെ - ഉന്മൂലനം ചെയ്തുകൊണ്ട് ജർമനി ലോകത്തെ ഞെട്ടിച്ചു. ഏറ്റവും ഉയർന്ന തലത്തിലുള്ള വംശാഭിമാനമാണ് ഇവിടെ വെളിവായത്. ആഴത്തിലുള്ള വ്യത്യാസങ്ങളുള്ള വംശങ്ങളെയും സംസ്കാരങ്ങളെയും ഒരു സമൂഹത്തിലേയ്ക്ക് കൂട്ടിച്ചേർക്കാനാവില്ല എന്നും ജർമനി കാട്ടിത്തരുന്നു. ഹിന്ദുസ്ഥാനിലുള്ള നമുക്ക് പഠിച്ച് ഗുണഫലങ്ങളെടുക്കാവുന്ന ഒരു നല്ല പാഠമാണിത്.[20][21]
നിലപാടുകൾ
തിരുത്തുക- സവർണ്ണ ജാതി ഹിന്ദുക്കൾ ബ്രിട്ടിഷുുകാർക്ക് എതിരെ സമരം ചെയ്തു അവരുടെ ഊർജ്ജം പാഴാാക്കരുത്. നിങ്ങളുടെ ശത്രുക്കൾ ബ്രീട്ടീഷുകാർ അല്ല. മുസ്ലീ്ലീങ്ങളും, ക്രിസ്ത്യാനികളും, കമ്മ്യൂണിസ്റ്റുകളുമാണ് നിങ്ങളുടെ ശത്രുക്കൾ, അവരോടു യുദ്ധം ചെയ്യണം എന്നായിരുന്നു അദ്ദേഹത്തിൻറെ നിലപാട്
- ഇന്ത്യൻ സ്വാതന്ത്ര്യസമരത്തിനെക്കുറിച്ച് അദ്ദേഹത്തിന്റെ കാഴ്ചപ്പാട്, അദ്ദേഹത്തിന്റെ പ്രസംഗങ്ങൾ സമാഹരിച്ച് തയ്യാറാക്കിയ വിചാരധാര എന്ന ഗ്രന്ഥത്തിൽ: "രാഷ്ട്രത്തെകുറിച്ചുള്ള നമ്മുടെ കാഴ്ചപ്പാടിൻറെ അടിസ്ഥാനം രൂപീകൃതമായിട്ടുള്ള ഭൂമിശാസ്ത്രപമായ ദേശീയതാ വാദത്തെയും സാമാന്യമായ അപകടത്തേയും കുറിച്ചുള്ള സിദ്ധാന്തങ്ങൾ നമ്മുടെ ഹിന്ദുത്വ രാഷ്ട്രത്തിൻറെ ഗുണപരവും പ്രചോദനാത്മകവുമായ ധാരണയെ തകർക്കുന്നതും നിരവധി 'സ്വാതന്ത്ര്യപ്രക്ഷോഭങ്ങൾ' വളരാൻ അവസരം ലഭിക്കുന്നവയുമാണ്‌. അവ പൂർണ്ണമായും ബ്രിട്ടീഷ് വിരുദ്ധ പ്രസ്ഥാനങ്ങളാണ്‌. ബ്രിട്ടീഷ് വിരുദ്ധതയെ ദേശസ്നേഹത്തോടും ദേശിയതാവാദത്തോടും സമീകരിക്കപ്പെട്ടു. പ്രതിലോമപരമായ ഈ വീക്ഷണം സ്വാതന്ത്ര്യ പ്രസ്ഥാനത്തിന്റെ മുഴുവൻ ഗതിയിലും അതിലെ നേതാക്കളിലും സാധാരണക്കാരിലും വിനാശകരമായ ഫലങ്ങൾ സൃഷ്ടിച്ചു"[22].
- ജനാധിപത്യത്തെ കുറിച്ച് ഗോൾവൽക്കർ പറയുന്നത് ഇങ്ങനെയാണ്: 'ജനങ്ങൾക്കു വേണ്ടി, ജനങ്ങളാൽ' എന്ന ജനാധിപത്യാശയം രാഷ്ട്രഭരണത്തിൽ എല്ലാവരും തുല്യരാണെന്ന അർത്ഥത്തിൽ, ഒരളവോളം പ്രായോഗിക തലത്തിലെ മിത്താകുന്നു.' (വിചാരധാര)
- സമത്വത്തെക്കുറിച്ച് ഗോൾവൽക്കർ ഇങ്ങനെ പറയുന്നുണ്ട്: 'സമത്വമെന്നത് കമ്യൂണിസ്റ്റ്കാരുടെ മൗലിക തത്ത്വമാണല്ലോ. പക്ഷേ അത് നില നിൽക്കുന്നത് ഒരു തെറ്റായ അടിസ്ഥാനത്തിന്മേലാണ്. അതായത് ഭൗതികതയുടെ അടിസ്ഥാനം. ഞാൻ വെറും ഭൗതിക വസ്തു മാത്രമാണെങ്കിൽ, സമത്വത്തിൻറെ അടിസ്ഥാനത്തിൽ മറ്റുള്ളവരുമായി സഹകരിക്കണമെന്നുള്ള വികാരങ്ങൾ ഉൾക്കൊള്ളുന്നത് എന്തിനാണെന്ന് എനിക്ക് മനസ്സിലാവുന്നില്ല. മറ്റുള്ളവരെ വിഴുങ്ങിക്കൊണ്ട് എന്തുകൊണ്ട് എനിക്ക് ജീവിച്ചുകൂടാ? ' (വിചാരധാര)
കൃതികൾ
തിരുത്തുകവിമർശനങ്ങളും മറുവാദങ്ങളും
തിരുത്തുക- "കഴിവും പാരമ്പര്യവുമുള്ള രാഷ്ട്രങ്ങളുടെ അനുഭവം ഉൾക്കൊണ്ട് ഹിന്ദുസ്ഥാനിലെ വിദേശ വംശങ്ങൾ ഹൈന്ദവ സംസ്കാരവും ഭാഷയും ഉൾക്കൊള്ളണം, ഹിന്ദുമതത്തെ ബഹുമാനിക്കാൻ പഠിക്കുകയും ഹിന്ദു സംസ്ക്കാരത്തെയും വംശത്തെയും ആദരവോടെ സാംശീകരിക്കാനും കഴിയണം. ഹിന്ദുരാഷ്ട്രത്തിന്റെ മഹദ്‌വത്കരണമൊഴിച്ച് മറ്റൊരാശയവും അവരിൽ ഉണ്ടാകരുത്. അതായത് ഹിന്ദു വംശത്തിൻറെതല്ലാത്ത മറ്റൊരു നിലനിൽപ്പിനെ ഉപേക്ഷിക്കണം, അല്ലെങ്കിൽ ഒന്നും അവകാശപ്പെടാതെ, ഒരു ആനുകൂല്യവും ചോദിക്കാതെ, ഒരു തരത്തിലുള്ള മുൻഗണനയ്ക്കും അവകാശമില്ലാതെ ഹൈന്ദവ രാജ്യത്തിന്റെ കീഴിൽ കഴിയാം - ഒരു പൌരൻറെ അവകാശം പോലും ലഭിക്കാതെ."[23]
- ഗോൾവൽക്കറുടെ പ്രവർത്തനങ്ങൾ ഒരു പരിധി വരെ മറ്റുമതസ്ഥർക്കിടയിൽ അദ്ദേഹത്തിന് വർഗ്ഗീയവാദിയുടെ പ്രതിച്ഛായ നൽകി. എന്നാൽ ഇത് രാഷ്ട്രീയ ധ്രുവീകരണങ്ങൾ ഉണ്ടാക്കാൻ എന്നും ശ്രമിച്ചു. യഥാർത്ഥത്തിൽ മറ്റു മതങ്ങളേയോ, അവയുടെ പ്രവാചകന്മാരെയോ വിശുദ്ധഗ്രന്ഥങ്ങളെയോ കുറിച്ച് ബഹുമാനമില്ലാത്ത ഗോൾവൽക്കർ പറയുന്നതും എഴുതുന്നതും എല്ലാം വർഗ്ഗീയതയുടെ നിറം കൊടുത്താണ് ഹിന്ദുത്വ ത്തിന് പ്രഥമസ്ഥാനം നൽകി, ദേശീയ പരമായും വംശീയപരമായ മുതലെടുപ്പുകൾ നടത്തി. [24][25]
- ജൂതന്മാരെ കൂട്ടക്കൊല നടത്തിയ ഹിറ്റ്ലറുടെ ഫാസിസ്റ്റ് നടപടികളെ ഗോൾവൾ‍ക്കർ വളരെയേറെ ശ്ലാഘിച്ചിരുന്നതായി 'നമ്മൾ അല്ലെങ്കിൽ നമ്മുടെ ദേശീയത നിർവ്വചിക്കപ്പെടുന്നു' (We or Our Nationhood Defined) എന്ന ഗ്രന്ഥത്തിലെ ഗോൾവൽക്കറുടെ വാചകം എടുത്തു കാട്ടുന്നു."ജർമ്മനി അതിന്റെ വംശത്തിന്റെയും സംസ്കാരത്തിന്റെയും പരിശുദ്ധി കാത്തുസൂക്ഷിക്കുന്നതിന് വേണ്ടി അവിടുത്തെ സെമിറ്റിക് വംശങ്ങളെ- ജൂതൻമാരെ- ഉൻമൂലനം ചെയ്തുകൊണ്ട് ലോകത്തെ ഞെട്ടിച്ചു. വംശാഭിമാനം അതിന്റെ പരമകാഷ്ഠയിൽ പ്രത്യക്ഷീഭവിക്കുകയായിരുന്നു അവിടെ. ഹിന്ദുസ്ഥാനിലെ നമുക്ക് പഠിക്കുകയും പ്രയോജനപ്പെടുത്തുകയും ചെയ്യാവുന്ന നല്ലൊരു പാഠമാണിത്."[26]
- വിചാരധാര എന്ന അദ്ദേഹത്തിന്റെ പുസ്തകത്തിൽ മുസ്ലീങ്ങൾ, ക്രിസ്ത്യാനികൾ, കമ്യൂണിസ്റ്റുകാർ എന്നിവരെ ആഭ്യന്തര ശത്രുക്കളായി പ്രഖ്യാപിക്കുന്നു. വർഗീയ സംഘർഷത്തിലൂടെയും അല്ലാതെയും ഇവരെ കൊലപ്പെടുത്തുമെന്നു പറയാതെ പറയുന്നു.[27]
- ഗോൾവർക്കറുടെ ദർശനങ്ങൾ സയണിസ്റ്റ് പ്രസ്ഥാനത്തോടും ഇസ്രായേലിൻറെ രൂപീകരണത്തിനെയും പിന്തുണക്കുന്നതാണ്. "ജൂതന്മാർ അവരുടെ വംശം, മതം, സംസ്ക്കാരം, ഭാഷ തുടങ്ങിയവ നിലനിർത്തി. അവർക്ക് വേണ്ടത് അവരുടെതായ ഒരു രാജ്യമാണ്"[28]
- 1930-കളിൽ ജർമ്മനിയിൽ ജൂതന്മാർക്കെതിരായി നടന്ന നാസിവംശശുദ്ധീകരണത്തെ ഇദ്ദേഹം പിന്തുണയ്ക്കുകയുണ്ടായിട്ടുണ്ട്. ഇത് ഇന്ത്യക്കാർക്ക് പഠിക്കുകയും ഇതിൽനിന്ന് ലാഭം നേടുകയും ചെയ്യാവുന്നതാണ് എന്നും അദ്ദേഹം താൻ രചിച്ച വീ, ഓർ അവർ നേഷൻഹുഡ് ഡിഫൈൻഡ് എന്ന കൃതിയിൽ അഭിപ്രായപ്പെടുന്നു. അതുപോലെ ഭാരതത്തിലെ സവർണ സനാതന ഹിന്ദുക്കൾ രാജ്യത്തെ മറ്റ് മതക്കാരായ മുസ്ലീങ്ങൾ, ക്രിസ്ത്യാനികൾ എന്നിവരെയും കൂട്ടത്തോടെ ഉന്മൂലനം ചെയ്യണമെന്ന് ഗോൾവൽക്കർ പഠിപ്പിച്ചു.
- ഗാന്ധിയെ വിമർശിച്ചുള്ള ഗോൾവാക്കറുടെ പ്രസംഗത്തെയും ഗാന്ധിവധത്തിനുശേഷമുള്ള ആർ.എസ്.എസിന്റെ മധുര പലഹാര വിതരണത്തെയും വിമർശിക്കുന്ന ഒ.എൻ.വി കുറിപ്പിന്റെ വാക്കുകൾ.
| “ | ഗാന്ധിജി വെടിയേറ്റ് മരിക്കുന്നതിന് ഒരാഴ്ച മൂൻപ് തിരുവനന്തപുരം തൈക്കാട് മൈതാനിയിൽ ആർ.എസ്.എസ്. ന്റെ ഒരു യോഗം നടക്കുന്നു. ഗോൾവാൾക്കർ ആണ് പ്രഭാഷകൻ. ദേശീയ ഐക്യത്തേയും സ്വാതന്ത്ര്യത്തേയും കുറിച്ച് അദ്ദേഹം എന്ത് പറയുന്നു എന്ന് കേൾക്കാൻ കോളേജിൽ നിന്ന് ഞാനുൾപ്പെടെ ഒരു ചെറിയ സംഘം തൈക്കാട്ടേക്ക് പോയി.
ഗോൾവാക്കർ അതിനിശിതമായി ഗാന്ധിജിയെ വിമർശിച്ച് സംസാരിക്കുന്നു. എന്റെ ഓർമ്മശരിയാണെങ്കിൽ മലയാറ്റൂരും കരുനാഗപ്പള്ളി കാർത്തികേയനും യോഗാനന്തരം ചില ചോദ്യങ്ങൾ ഗോൾവാക്കറോട് ചോദിച്ചു ‘ ശാന്തമായി മറുപടി പറയുന്നതിന് പകരം അയാൾ ഞങ്ങളെ തല്ലാൻ മൗനാനുവാദം നൽകുകയാനുണ്ടായത്. യോഗത്തിലുണ്ടായിരന്നവർ ഞങ്ങളെ തല്ലാൻ തുടങ്ങി.ഞങ്ങളും തിരിച്ചവരെ തല്ലി.രണ്ടാഴ്ച കഴിഞ്ഞ് ഒരു ദിവസം കോളേജിൽ നിന്ന് ഹോസ്റ്റലിൽ എത്തിയപ്പോഴാണ് ഗാന്ധിജി വെടിയേറ്റു മരിച്ച വിവരം അറിയുന്നത്. കനത്ത ദുഃഖത്തോടെ തൈക്കാട് മൈതാനത്തിന് സമീപത്ത് കൂടെ ഞങ്ങൾ നടന്ന് പോകബോൾ അതിനടുത്ത് ഒരു ആർ.എസ്.എസ്.കാരന്റെ വീട്ടിൽ മധുര പലഹാരം വിതരണം ചെയ്യുന്നത് കണ്ട് അക്രമത്തിന് തുനിഞ്ഞ ഞങ്ങളെ വരദരാജൻ നായർ സമാധാനിപ്പിച്ച് കറുത്ത ബാഡ്ജ് ധരിപ്പിച്ച് ഒരു മൗന ജാഥയാക്കി മാറ്റി. വർഷങ്ങൾക്ക് ശേഷം ഇന്നും ഗോൾവാക്കരുടെ പ്രസംഗവും മധുരപലഹാര വിതരണവും എന്റെ മനസ്സിനെ നൊമ്പരപ്പെടുത്തുന്ന ഓർമ്മയായി അവശേഷിക്കുന്നു. |
” |
| — ഒ.എൻ.വി കുറുപ്പ്, കലാകൗമുദി 1991 ഫെ: 10. | ||
മരണം
തിരുത്തുകഗോൾവൽക്കർ ജൂൺ 5, 1973-ൽ ക്യാൻസർ ബാധിതനായി അന്തരിച്ചു. തൻറെ മരണശേഷം തുറക്കാനായി മൂന്ന് കത്തുകൾ അദ്ദേഹം അവശേഷിപ്പിച്ചു. ഒന്ന് തൻറെ പിൻഗാമിയായി ബാലാസാഹെബ് ദേവറസ്സിനെ നിയോഗിക്കുകയും അടുത്തത് സ്വയം സേവകർക്കുള്ള കത്തും, മൂന്നാമത്തേത് തൻറെ മരണാനന്തരം ചെയ്യേണ്ട കാര്യങ്ങളും ആയിരുന്നു.[29]
അവലംബം
തിരുത്തുക- ↑ 1.0 1.1 1.2 1.3 1.4 Andersen & Damle 1987, പുറം. 41.
- ↑ Jaffrelot, Hindu Nationalist Movement 1996, പുറം. 46.
- ↑ V. Sundaram (9 ജനുവരി 2006). "Salutations to Golwalkar - I". News Today. Archived from the original on 16 ഒക്ടോബർ 2014. Retrieved 10 ഒക്ടോബർ 2014.
- ↑ Sharma, J., 2007. Terrifying Vision: MS Golwalkar, the RSS, and India. Penguin Books India.
- ↑ 5.0 5.1 Andersen 1972a, പുറം. 594.
- ↑ Sheshadri, H. V., Shri Guruji - Biography Archived 8 December 2015 at the Wayback Machine., golwalkarguruji.org.
- ↑ V. Sundaram (9 ജനുവരി 2006). "Salutations to Golwalkar - I". News Today. Archived from the original on 16 ഒക്ടോബർ 2014. Retrieved 10 ഒക്ടോബർ 2014.
- ↑ Jaffrelot, Hindu Nationalist Movement 1996, പുറങ്ങൾ. 65–66.
- ↑ Jaffrelot, Hindu Nationalist Movement 1996, പുറം. 40.
- ↑ 10.0 10.1 Andersen & Damle 1987, പുറം. 42.
- ↑ http://organiser.org/archives/historic/dynamic/modulesde66.html?name=Content&pa=showpage&pid=145&page=16[പ്രവർത്തിക്കാത്ത കണ്ണി]
- ↑ Swami Bhaskarananda (2004). "Life in Indian Monasteries". Viveka Press. pp. 16–19.[പ്രവർത്തിക്കാത്ത കണ്ണി]
- ↑ D. R. Goyal, RSS 1979, പുറം. 78.
- ↑ "ആർക്കൈവ് പകർപ്പ്". Archived from the original on 2012-04-15. Retrieved 2012-06-19.
- ↑ http://www.milligazette.com/dailyupdate/2006/20060226_Golwalkar_RSS.htm
- ↑ "Guruji and War".
- ↑ Sudheendra Kulkarni (09 Jun 2007). "'For unity we need harmony, not uniformity'" (in ഇംഗ്ലീഷ്). indianexpress.com. Archived from the original on 29 Jun 2013.
{{cite web}}: Check date values in:|date=(help); Cite has empty unknown parameters:|accessyear=,|month=,|accessmonthday=, and|coauthors=(help) - ↑ "Welcome To The BJP (Bharatiya Janata Pustakalaya)". Retrieved 18 June 2015.
- ↑ A.G. Noorani (2008). The RSS and the BJP: A Division of Labour. p. 20.
- ↑ Christophe Jaffrelot (1996). The Hindu Nationalist Movement and Indian Politics. pp. 55.
- ↑ A.G. Noorani (2008). The RSS and the BJP: A Division of Labour. p. 20.
- ↑ വിചാരധാര,സാഹിത്യ സിന്ധു 1996 ബാംഗ്ലൂർ പേജ്:138
- ↑ We: our Nationhood Defined, (Page 52 )
- ↑ "ആർക്കൈവ് പകർപ്പ്". Archived from the original on 2012-05-26. Retrieved 2012-06-20.
- ↑ http://www.indianexpress.com/news/for-unity-we-need-harmony-not-uniformity/33157/0
- ↑ We or Our Nationhood Defined ,1938 page: 37
- ↑ വിചാരധാര.
- ↑ Elst, Koenraad (2001). The Saffron Swastika: The Notion of "Hindu Fascism". Voice of India. ISBN 8185990697.
- ↑ "ആർക്കൈവ് പകർപ്പ്". Archived from the original on 2012-05-09. Retrieved 2012-06-19.
പുറത്തുനിന്നും
തിരുത്തുക- ഗോൾവൽക്കറെപ്പറ്റി ആർ.എസ്സ്‌.എസ്സ്‌ Archived 2008-09-15 at the Wayback Machine.
- ഗോൾവൽക്കറുടെ ലേഖനങ്ങൾ
- M. S. Golwalkar (February 1966). Bunch of Thoughts: Book (വിചാരധാര) (in ഇംഗ്ലീഷ്). Sahitya Sindhu Prakashana. Archived from the original on 2007-01-28. Retrieved 2015-10-21.