പി.കെ. കുഞ്ഞച്ചൻ
ഒന്നും, രണ്ടും[1] കേരളനിയമസഭകളിൽ മാവേലിക്കര നിയോജകമണ്ഡലത്തേയും മൂന്നാം നിയമസഭയിൽ പന്തളം നിയോജകമണ്ഡലത്തേയും[2] പ്രതിനിധീകരിച്ച ഒരു രാഷ്ട്രീയ നേതാവായിരുന്നു പി.കെ. കുഞ്ഞച്ചൻ (ഒക്ടോബർ 1925 - 14 ജൂൺ 1991). സി.പി.ഐ.എം. പ്രതിനിധിയായാണ് ഇദ്ദേഹം മൂന്നാം കേരള നിയമസഭയിലേക്കെത്തിയത്. 1954-1956 കാലഘട്ടങ്ങളിൽ തിരുക്കൊച്ചി നിയമസഭയിൽ ഇദ്ദേഹം അംഗമായിരുന്നു. 1973-79 വരേയും 1988-91 വരേയും രാജ്യസഭയിലും കുഞ്ഞച്ചൻ അംഗമായിരുന്നു.
പി.കെ. കുഞ്ഞച്ചൻ | |
|---|---|
 | |
| രാജ്യസഭാംഗം | |
| ഓഫീസിൽ ഓഗസ്റ്റ് 22 1988 – ജൂൺ 16 1991 | |
| മണ്ഡലം | കേരളം |
| ഓഫീസിൽ ഏപ്രിൽ 22 1973 – ഏപ്രിൽ 21 1979 | |
| കേരള നിയമസഭ അംഗം | |
| ഓഫീസിൽ മാർച്ച് 3 1967 – ജൂൺ 26 1970 | |
| പിൻഗാമി | ദാമോദരൻ കാളാശ്ശേരി |
| മണ്ഡലം | പന്തളം |
| ഓഫീസിൽ മാർച്ച് 16 1957 – സെപ്റ്റംബർ 10 1964 | |
| പിൻഗാമി | ജി. ഗോപിനാഥൻ പിള്ള |
| മണ്ഡലം | മാവേലിക്കര |
| വ്യക്തിഗത വിവരങ്ങൾ | |
| ജനനം | ഒക്ടോബർ , 1925 |
| മരണം | 14 ജൂൺ 1991 (പ്രായം 65) |
| രാഷ്ട്രീയ കക്ഷി | സി.പി.ഐ.എം. |
| കുട്ടികൾ | 2 |
As of ഒക്ടോബർ 26, 2011 ഉറവിടം: നിയമസഭ | |
സി.പി.ഐ.എം.ന്റെ സംസ്ഥാന സെക്രട്ടറിയേറ്റംഗം, കേന്ദ്രകമ്മിറ്റിയംഗം, സംസ്ഥാന ഭവനവികസന കോർപ്പറേഷൻ അംഗം, അഖിലേന്ത്യാ കർഷകതൊഴിലാളി യൂണിയൻ ജനറൽ സെക്രട്ടറി എന്നീ നിലകളിലും കുഞ്ഞച്ചൻ പ്രവർത്തിച്ചിട്ടുണ്ട്. സ്വാതന്ത്ര്യസമരവുമായി ബന്ധപ്പെട്ട് പ്രവർത്തിച്ചിരുന്ന കുഞ്ഞച്ചൻ കരസേനയിൽ ഒരു ക്ലാർക്കായും സേവനമനുഷ്ഠിച്ചിരുന്നു. ഇതിനു ശേഷമാണ് ഇദ്ദേഹം സി.പി.ഐ.യിൽ അംഗത്വമെടുത്തത്.
മകൾ : ഡോ. പി കെ ജമീല
മരുമകൻ :എ കെ ബാലൻ, പട്ടികജാതി, പട്ടികവർഗ്ഗ, പിന്നോക്ക വിഭാഗ ക്ഷേമം, നിയമം, സാംസ്‌കാരികം, പാർലമെന്ററികാര്യ വകുപ്പ് മന്ത്രി