കേരള മോട്ടോർ വാഹന വകുപ്പ്

കേരളാ സർക്കാരിന്റെ വകുപ്പുകളിലൊന്നായ ഗതാഗത വകുപ്പിന്റെ ഒരു വിഭാഗമാണ് കേരള മോട്ടോർ വാഹന വകുപ്പ്. വാഹനത്തിന്റെ പെർമിറ്റ്, വാഹന രജിസ്ട്രേഷൻ, ഡ്രൈവിങ് ലൈസൻസ്, നികുതി തുടങ്ങി വാഹനസംബന്ധമായ എല്ലാ നിയമ നടപടികളും നിർവഹിക്കുന്നത് ഈ വകുപ്പാണ്. കേന്ദ്ര മോട്ടോർ വാഹന നിയമങ്ങളും സംസ്ഥാനത്ത് നടപ്പിലാക്കുന്നത് ഈ വകുപ്പാണ്.

കേരള മോട്ടോർ വാഹന വകുപ്പ്
ഏജൻസി അവലോകനം
രൂപപ്പെട്ടത്	ജൂലൈ 1, 1958 (1958-07-01)
അധികാരപരിധി	കേരള സർക്കാർ
ആസ്ഥാനം	ട്രാൻസ് ടവേഴ്സ്, വഴുതക്കാട്, തിരുവനന്തപുരം, കേരളം.
ഉത്തരവാദപ്പെട്ട മന്ത്രി	അഡ്വ ആന്റണി രാജു, ഗതാഗത മന്ത്രി
മേധാവി/തലവൻ	ശ്രീ എസ് ശ്രീജിത്ത് ഐ.പി.എസ്, ഗതാഗത കമ്മീഷണർ
മാതൃ വകുപ്പ്	Transport Department
മാതൃ ഏജൻസി	കേരള ഗതാഗത വകുപ്പ്
വെബ്‌സൈറ്റ്
mvd.kerala.gov.in

കേരള മോട്ടോർ വാഹന വകുപ്പിന്റെ ചിഹ്നം.

സേവനങ്ങൾ

• വാഹന നികുതികൾ
• ഡ്രൈവിങ് ലൈസൻസ്
• ബാഡ്ജ്
• ലൈസൻസ് പുതുക്കൽ
• വാഹന രജിസ്ട്രേഷൻ    
• വിലാസം പുതുക്കൽ
• വാഹന ഉടമസ്ഥാവകാശ കൈമാറ്റം
• വാഹന പെർമിറ്റ്

കേരളത്തിലെ വാഹന രെജിസ്ട്രേഷൻ കോഡ് നമ്പറുകൾ

കേരളത്തിലെ വിവിധ ജില്ലകളിലെ വാഹന രെജിസ്ട്രേഷൻ തിരിച്ചറിയൽ കോഡ് നമ്പറുകൾ ഇപ്രകാരമാണ്

നമ്പർ	ആർ.ടി.ഒ. ഓഫീസ്
KL-01	തിരുവനന്തപുരം (നഗരം)
KL-02	കൊല്ലം
KL-03	പത്തനംതിട്ട
KL-04	ആലപ്പുഴ
KL-05	കോട്ടയം
KL-06	ഇടുക്കി
KL-07	എറണാകുളം (നഗരവും ചില പ്രാന്തപ്രദേശങ്ങളും)
KL-08	തൃശ്ശൂർ
KL-09	പാലക്കാട്
KL-10	മലപ്പുറം
KL-11	കോഴിക്കോട് (നഗരവും ചില പ്രാന്തപ്രദേശങ്ങളും)
KL-12	വയനാട്
KL-13	കണ്ണൂർ
KL-14	കാസർഗോഡ്
KL-15	കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷന് അനുവദിച്ചിരിക്കുന്ന നമ്പർ

നിയമവിശകലനം

• കേരളത്തിൽ രജിസ്റ്റർ ചെയ്യുന്ന 95 സി.സി.യിൽ കൂടുതൽ ശേഷിയുള്ള വാഹങ്ങൾക്ക് 1998 ഏപ്രിൽ 1 - മുതൽ 15 വർഷത്തേക്കുള്ള ഒറ്റത്തവണ നികുതിയാണ് ഈടാക്കുന്നത്. 95 സി.സി.യിൽ താഴെ ശേഷിയുള്ള വാഹനങ്ങൾക്ക് വ്യക്തിഗത താത്പര്യ പ്രകാരം 5, 10, 15 വർഷ കാലയയളവുകൾ തിരഞ്ഞെടുക്കാവുന്നതാണ്.
• കേന്ദ്ര/സംസ്ഥാന മോട്ടോർ വാഹന നിയമപ്രകാരം വാഹനങ്ങളുടെ ചക്രങ്ങളിൽ നിന്നും പരമാവധി ആറ് ഇഞ്ച് മാത്രമേ വശങ്ങളിലേക്ക് ബോഡി നിർമ്മിക്കാൻ അനുവാദമുള്ളു.

പുറത്തേക്കുള്ള കണ്ണികൾ

• കേരള മോട്ടോർ വാഹന വകുപ്പിന്റെ ഔദ്യോഗിക വെബ്‌സൈറ്റ്
• വാഹനത്തിന്റെ വിവരങ്ങളറിയുവാൻ