കേരള നവോത്ഥാനം

കേരളത്തിൽ ഉണ്ടായ സാംസ്കാരികവും മതപരവുമായ പരിഷ്കരണ പ്രവർത്തനങ്ങൾ

ഇരുപതാം നൂറ്റാണ്ടിന്റെ തുടക്കത്തിലും പത്തൊന്പതാം നൂറ്റാണ്ടിന്റെ ഒടുവിലുമായി കേരളത്തിൽ ഉണ്ടായ സാംസ്കാരികവും മതപരവുമായ പരിഷ്കരണ പ്രവർത്തനങ്ങളെ നവോത്ഥാനം എന്ന പേരിൽ പൊതുവായി വിവരിക്കുന്നു. പൊതുവായ ചില സമാനതകളിൽ ഉപരിയായി വളരെ സൂക്ഷ്മായ വൈവിധ്യങ്ങളും രേഖപ്പെടുത്തേണ്ടതുണ്ട് ഈ പരിഷ്കരണ പ്രസ്ഥാനങ്ങളെ അടയാളപ്പെടുത്തുമ്പോൾ.

പ്രധാനപ്പെട്ട നവോത്ഥാന ശില്പികൾ തിരുത്തുക

ശ്രീനാരായണഗുരു തിരുത്തുക

കേരളത്തിൽ ജീവിച്ചിരുന്ന സാമൂഹിക പരിഷ്കർത്താവും, നവോത്ഥാനനായകനും ആയിരുന്നു ശ്രീനാരായണഗുരു(1856-1928).കേരള നവോത്‌ഥാനത്തിന്റെ പിതാവ് എന്നറിയപ്പെടുന്ന ശ്രീ നാരായണഗുരു 1856 ആഗസ്ത് 20 ന് ചെമ്പഴന്തിയിലെ വയൽവാരം വീട്ടിൽ മാടൻ ആശാന്റേയും കുട്ടിയമ്മയുടെയും മകനായാണ് ജനനം.നാണു എന്നാണ് ബാല്യകാല പേര്."ഇന്ത്യൻ പോസ്റ്റൽ സ്റ്റാമ്പിൽ ചിത്രം വന്ന ആദ്യമലയാളിയാണ് ശ്രീ നാരായണഗുരു" (1967 ആഗസ്ത് 21). SNDP യുടെ ആദ്യത്തെയും എക്കാലത്തെയും പ്രസിഡന്റ്‌ ആണ് ശ്രീ നാരായണഗുരു.ജനന മരണ ദിനങ്ങൾ കേരള ഗവണ്മെന്റ് അവധി ദിനമായി ആചരിക്കുന്ന ഒരേയൊരു മലയാളിയാണ് ശ്രീ നാരായണഗുരു.ഗജേന്ദ്രമോക്ഷം വഞ്ചിപ്പാട്ടാണ് ആദ്യ കൃതി.നാണു ആശാൻ എന്നറിയപ്പെട്ട നവോത്‌ഥാന നായകനാണ് ഗുരു. 1904 ലാണ് ഗുരു ശിവഗിരി മഠം സ്ഥാപിച്ചത്.1904 ൽ തിരുവിതാംകൂർ ഗവർമെന്റ് എല്ലാത്തരത്തിലുമുള്ള കോടതി വ്യവഹാരങ്ങളിൽ നിന്നും ശ്രീ നാരായണ ഗുരുവിനെ മുക്തനാക്കി.1911 ലെ സെൻസെസ് റിപ്പോർട്ടിൽ ശ്രീ നാരായണഗുരുവിനെ ദേശീയ വിശുദ്ധനായി പ്രഖ്യപിച്ചു. ഗുരു 1915 ൽ പുലയ വിദ്യാർത്ഥികളെ മാത്രം ഉൾപ്പെടുത്തി മിശ്രഭോജനം നടത്തി. 1916ൽ കാഞ്ചീപുരത്തു നാരായണ സേവാ ആശ്രമം സ്ഥാപിച്ചു.ജി ശങ്കര കുറുപ്പ് ശ്രീ നാരായണ ഗുരുവിനെ രണ്ടാം ബുദ്ധനെന്നു വിശേഷിപ്പിച്ചു. 1913ൽ ആലുവയിൽ അദ്വൈതാശ്രമം സ്ഥാപിച്ചു. മറ്റൊരു രാജ്യത്തിന്റെ പോസ്റ്റൽ സ്റ്റാമ്പിൽ ചിത്രം വന്ന ആദ്യ മലയാളിയാണ് ഗുരു (ശ്രീലങ്ക).നാണയത്തിൽ ചിത്രീകരിക്കപ്പെട്ട ആദ്യമലയാളി കൂടിയാണ് ശ്രീ നാരായണഗുരു.2006ൽ 150 ആം ജന്മവാർഷികത്തിൽ റിസർവ് ബാങ്ക് അഞ്ചു രൂപ നാണയമാണ് ഗുരുവിനോടുള്ള ആദരസൂചകമായി ഇറക്കിയത്. go[1] കേരളത്തിൽ നിലനിന്നിരുന്ന സവർണ മേൽക്കോയ്മ, തൊട്ടുകൂടായ്മ, തീണ്ടിക്കൂടായ്മ തുടങ്ങിയ സമൂഹ്യതിന്മകൾക്കെതിരെ പോരാടിയ അദ്ദേഹം കേരളീയ സമൂഹത്തെയാകെ നവോത്ഥാനത്തിലേയ്ക്ക് നയിച്ചു. ജാതി വ്യവസ്ഥയെ ചോദ്യം ചെയ്യ്ത ഏറ്റവും പ്രധാനപ്പെട്ട സാമൂഹിക പരിഷ്കർത്താവാണ് ശ്രീനാരായണ ഗുരു. ബ്രാഹ്മണരേയും മറ്റു സവർണജാതികളെയും കുറ്റപ്പെടുത്തുന്നതിനു പകരം ഗുരു വിദ്യാലയങ്ങളും ക്ഷേത്രങ്ങളും സ്ഥാപിച്ച് അവർണ്ണരുടെ ഉന്നമനത്തിനു വേണ്ടി പ്രവർത്തിച്ചു. മറ്റുള്ളവരോടുള്ള തുറന്ന സമീപനവും അഹിംസാപരമായ തത്ത്വചിന്തയും അദ്ദേഹത്തിന്റെ മുഖമുദ്രകളായിരുന്നു. സാമൂഹ്യതിന്മകൾക്കെതിരെയുള്ള പോരാട്ടമായിരുന്നു അദ്ദേഹത്തിന്റെ ജീവിതം.

മന്നത്ത് പത്മനാഭൻ: തിരുത്തുക

നായർ സമുദായത്തിൽ നിന്നുമുള്ള പരിഷ്ക്കർത്താവായിരുന്നു മന്നത്തു പദ്മനാഭൻ കേരളത്തിലെ സാമൂഹിക- സാമുദായിക നവോത്ഥാനത്തിൽ പ്രധാന പങ്കുവഹിച്ച വ്യക്തിയാണ് മന്നത്ത്‌ പത്മനാഭൻ (ജനുവരി 2, 1878 - ഫെബ്രുവരി 25, 1970). (കൊല്ലവർഷം 1053 ധനു 20) നായർ സർവീസ്‌ സൊസൈറ്റിയുടെ സ്ഥാപകനാണ് ഇദ്ദേഹം [1]. ഇദ്ദേഹത്തെ അന്നത്തെ രാഷ്‌ട്രപതി ഭാരത കേസരി [2]സ്ഥാനം നൽകി ആദരിച്ചിട്ടുണ്ട്. പത്മഭൂഷൺ പുരസ്കാരവും ലഭിച്ചിട്ടുണ്ട്.

അയ്യൻകാളി: തിരുത്തുക

അയ്യങ്കാളി (അയ്യൻ കാളി) (28 ആഗസ്ത് 1863-1941)ബ്രിട്ടീഷ് ഇന്ത്യയിലെ തിരുവതാൻകൂർ രാജ്യത്തെ അയിത്ത വിഭാഗക്കാരായി കരുതപ്പെട്ടിരുന്ന വിഭാഗങ്ങളുടെ ഉന്നമനത്തിന് വേണ്ടി പ്രവർത്തിച്ച ഒരു സാമുഹ്യ പരിഷ്കർത്താവായിരുന്നു. ഇന്ന് ദളിതർ എന്ന് വിളിക്കപ്പെടുന്ന വിഭാഗത്തിന്റെ പുരോഗതിക്ക് കാരണമായ സാമൂഹ്യമാറ്റങ്ങൾക്ക് നിതാനമായത് അദ്ദേഹത്തിന്റെ പ്രവർത്തനങ്ങളായിരുന്നു

ചട്ടമ്പിസ്വാമികൾ തിരുത്തുക

ചട്ടമ്പിസ്വാമികൾ അഥവാ പരമഭട്ടാരക വിദ്യാധിരാജ ചട്ടമ്പിസ്വാമികൾ (ഓഗസ്റ്റ് 25, 1853 - മേയ് 5, 1924, തിരുവനന്തപുരത്ത് ജനനം) കേരളത്തിന്റെ സാമൂഹിക നവോത്ഥാനത്തിൽ നിർണ്ണായക പങ്കുവഹിച്ച ആത്മീയാചാര്യനായിരുന്നു. ഹിന്ദുമതത്തിലെ ബ്രാഹ്മണാധിപത്യത്തെ ചോദ്യം ചെയ്താണ് അദ്ദേഹം പൊതുരംഗത്തു ശ്രദ്ധേയനായത്. വർണ്ണാശ്രമ വ്യവസ്ഥയുടെ നിഷേധം, സ്ത്രീപുരുഷ സമത്വവാദം, സാർവത്രിക വിദ്യാഭ്യാസത്തിനുള്ള ആഹ്വാനം എന്നിങ്ങനെ അതുവരെ കേരളീയ സമൂഹം ചർച്ച ചെയ്യാത്ത വിഷയങ്ങൾ ചട്ടമ്പിസ്വാമികൾ പൊതുവേദികളിൽ അവതരിപ്പിച്ചു. മതപുരാണങ്ങളെയും ആചാരങ്ങളെയും യുക്തിയുടെ വെളിച്ചത്തിൽ സമീപിക്കുകയായിരുന്നു അദ്ദേഹത്തിന്റെ പ്രവർത്തനശൈലി.

ഡോ. അയ്യത്താൻ ഗോപാലൻ :(3 മാർച്ച് 1861 - 2 മേയ് 1948) തിരുത്തുക

"ദർസർജി", "ദർസർസാഹിബ്"എന്നുംറാവു സാഹിബ് (ബ്രിട്ടീഷുകാർ നൽകിയ ബഹുമതി) എന്നും അറിയപ്പെടുന്നു.

റാവുസാഹിബ് ഡോ. അയ്യത്താൻ ഗോപാലൻ[1][2] (3 മാർച്ച് 1861 - 2 മേയ് 1948) കേരളത്തിലെ സാമൂഹ്യ നവോത്ഥാന നായകരിലൊരാളായിരുന്നു.

അനാചരങ്ങളോടുള്ള പ്രതിഷേധം സ്വന്തം കുടുമ മുറിച്ചു കൊണ്ട് നടത്തിയ നവോത്ഥാന നായകൻ ആയിരുന്നു ഡോക്ടർ.അയ്യത്താൻ ഗോപാലൻ.

രാജാറാം മോഹൻറോയ് സ്ഥാപിച്ച ബ്രഹ്മസമാജത്തിന്റെ (1898 ) കേരളത്തിലെ സ്ഥാപകനും, നേതാവും, പ്രചാരകനുമായിരുന്നു. ജാതി അഭിമാനത്തിന്റെ പ്രതീകമായിരുന്ന "കുടുമ" മുറിച്ചു കളഞ്ഞതിന്റെ പേരിൽ മാതൃഗൃഹത്തിൽ നിന്നു പുറത്താക്കപ്പെട്ട നവോത്ഥാന നായകൻ ആയിരുന്നു റാവു സാഹിബ് ഡോക്ടർ അയ്യത്താൻ ഗോപാലൻ. വിഗ്രഹാരാധനയെ എതിർക്കുക, മിശ്ര വിവാഹം നടത്തുക, മിശ്ര ഭോജനം നടത്തുക, അയിത്തവും ജാതി വ്യത്യാസവും നിർമാർജ്ജനം ചെയ്യുക, കൂട്ട പ്രാർത്ഥനകളും കൂട്ടായ്മ സംവാദങ്ങളും നടത്തുക തുടങ്ങിയ ബ്രഹ്മ സമാജ പരിപാടികൾ അദ്ദേഹം ഏറ്റെടുത്തു.

സ്ത്രീ വിദ്യാഭ്യാസം വ്യാപകമാക്കുക, സ്ത്രീ പുരുഷ സമത്വം പാലിക്കുക,അയിത്ത വിഭാഗക്കാരായി കരുതപ്പെട്ടിരുന്ന വിഭാഗങ്ങളുടെ ഉന്നമനത്തിനും അവരുടെ വിദ്യാഭ്യാസത്തിനും വേണ്ടി പ്രവർത്തിക്കുക, ബാലന്മാരിലും, വിദ്യാർത്ഥികളിലും മാനവികതയുടെ മൂല്യങ്ങൾ വളർത്തിയെടുക്കുക, സാമൂഹിക പ്രവർത്തനങ്ങളിലേക്ക് അവരെ ആകർഷിക്കുക മുുതലായ പ്രവർത്തനങ്ങൾക്കായി, ഭാര്യ കല്ലാട്ട് കൗസല്യയുമൊത്ത് "സുഗുണവർധിനിപ്രസ്ഥാനം"1900രൂപീകരിച്ചു . 1909-ൽ ഡിപ്രസ്ഡ് ക്ലാസ്സെസ് മിഷൻ (Depressed Classes Mission) എന്ന സംഘടയ്ക്ക് തുടക്കമിട്ടു ഹരിജന ഉന്നമനത്തിനും അവരുടെ വിദ്യാഭ്യാസത്തിനായി വിദ്യാലയങ്ങൾ ആരംഭിച്ചു, ലേഡി ചന്ദാവർക്കർ പ്രാഥമിക വിദ്യാലയം തുറന്നു, സൌജന്യ വിദ്യാഭ്യാസം നൽകി.

അയ്യത്താൻ ഗോപാലന് ബ്രഹ്മ സമാജത്തിന്റെ പ്രവർത്തനങ്ങളിൽ സഹായിക്കാൻ അനുയായികളായി മുൻപന്തിയിലുണ്ടായിരുന്നത് വയലേരി കുഞ്ഞിക്കണ്ണൻ ഗുരുക്കളും (വാഗ്ഭടാനന്ദൻ) കാരാട്ട് ഗോവിന്ദ മേനോനും (ബ്രഹ്മാനന്ദ സ്വാമികൾ) ആയിരുന്നു.

ഡോ. ഗോപാലന്റെ ആവശ്യമനുസരിച്ച് ബ്രഹ്മസങ്കീർത്ത്നം എന്ന കവിത രചിക്കുകയുംബ്രഹ്മസമാജത്തിന് വേണ്ടി പ്രവർത്തിക്കുകയും ചെയ്യതതിനാൽ ഗോവിന്ദ മേനോന് ആദരസൂചകമായി ഡോക്ടർ ആയ്യത്താൻ ഗോപാലൻ നൽകിയ പേരാണ് "ബ്രഹ്മാനന്ദ സ്വാമി" എന്നുള്ളത്.

"ബ്രഹ്മസമാജത്തിന്റെ ബൈബിൾ" എന്നറിയപ്പെടുന്ന"ബ്രഹ്മധർമ്മ" എന്ന കൃതി മലയാളത്തിലേക്ക് തജ്ജമ ചെയ്തു.

"സാരജ്ഞിനിപരിണയം" "സുശീലാദുഃഖം" എന്ന സംഗീത നാടകങ്ങളുടെ കർത്താവുമാണ് ഡോക്ടർ അയ്യത്താൻ ഗോപാലൻ.

ബ്രഹ്മസമാജത്തിന്റെ വാർഷിക പൊതുയോഗത്തിൽ രവീന്ദ്രനാഥ ടാഗോർ ഡോ. ആയ്യത്താൻ ഗോപാലനെ "കേരളത്തിന്റെ രാജാറാം മോഹൻ റോയ്" എന്ന് വിശേഷിപ്പിച്ചിരുന്നു.

അദ്ദേഹത്തിന്റെ സാമൂഹ്യപരിഷ്കരണ പ്രവർത്തനങ്ങളെ മുൻ നിറുത്തി 1917 ൽ ബ്രിട്ടീഷ് സർക്കാർ 'റാവു സാഹേബ്[3] ' പട്ടം നൽകി ആദരിച്ചു.

ബ്രഹ്മാനന്ദ ശിവയോഗി :(26 ആഗസ്റ്റ് 1852 - 10 സെപ്തംപർ 1929): തിരുത്തുക

അന്ധ വിശ്വാസങ്ങൾക്കും അനാചാരങ്ങൾക്കുമെതിരെ പൊരുതിയ കേരളത്തിലെ ഒരു സാമൂഹികപരിഷ്കർത്താവാണ്. ബ്രഹ്മസമാജവുമായി ചേർന്ന് പ്രവർത്തിച്ചു. ഡോ. അയ്യത്താൻ ഗോപാലന്റെ ആവശ്യമനുസരിച്ച് ബ്രഹ്മസങ്കീർത്ത്നം എന്ന കവിത രചിക്കുകയും അതിൽ പിന്നീട് അദ്ദേഹത്തേ ഡോ. ഗോപാലൻ "ബ്രഹ്മാനന്ദ സ്വാമി" എന്ന പേരു നൽകി ആദരിക്കുകയും ചെയ്തു. ബ്രഹ്മാനന്ദ ശിവയോഗി 1918 ൽ ആനന്ദ മഹാസഭ സ്ഥാപിച്ചു. വിഗ്രഹാരാധനക്കെതിരായും ജാതി സമ്പ്രദായത്തിനെതിരായും ശക്തിയായി വാദിച്ചയാളാണ് ശിവയോഗി.1918 ഏപ്രിൽ 21,22 എന്നീ തീയതികളിൽ കേരളത്തിന്റെ എല്ലാ ഭാഗങ്ങളിൽ നിന്നും സിലോണിൽ നിന്നുമുള്ള സമാജം പ്രതിനിധകളുടെ സമ്മേളനം സിദ്ധാശ്രമത്തിൽനചേർന്ന് ആനന്ദമഹാസഭ എന്ന സംഘടനയ്ക്ക് രൂപം കൊടുത്തു.

വാഗ്ഭടാനന്ദൻ :(ജനനം 1885 ഏപ്രിൽ 27- മരണം1939 ഒക്ടോബർ 29) തിരുത്തുക

ഇരുപതാം ശതകത്തിൽ കേരളത്തിൽ ഉണ്ടായ നവോത്ഥാനത്തിൽ പങ്കുവഹിച്ച പ്രമുഖ ഹിന്ദു ആത്മീയാചാര്യന്മാരിൽ ഒരാളാണു് വാഗ്ഭടാനന്ദൻ. വയലേരി കുഞ്ഞിക്കണ്ണൻ എന്നതായിരുന്നു പൂർവ്വാശ്രമത്തിലെ പേര്‌.1905ൽ കോഴിക്കോട്ടെത്തിയ വി കെ ഗുരുക്കൾ , ഡോ. അയ്യത്താൻ ഗോപാലൻറെ പ്രവർത്തനങ്ങളിൽ ആകൃഷ്ഠനായി, ബ്രഹ്മസമാജത്തോടോപ്പം ചേർന്നു പ്രവർത്തിച്ചു. 1910ൽ കോഴിക്കോട് ടൗൺഹാളിൽ ബ്രഹ്മാനന്ദ സ്വാമിയുടെ പ്രഭാഷണം കേട്ടതോടെ അദ്ദേഹത്തിന്റെ ശിഷ്യനായി മാറി. 1911ൽ കോഴിക്കോട് കല്ലായിയിൽ രാജയോഗാനന്ദ കൗമുദിയോഗശാല സ്ഥാപിച്ചു. തുടർന്ന് മലബാറിലുടനീളം പ്രഭാഷണങ്ങൾ . ബ്രഹ്മാനന്ദ സ്വാമിയാണ് ശിഷ്യന് വാഗ്ഭടാനന്ദൻ എന്ന പേര് നൽകിയത്. വിഗ്രഹാരാധനയെയും അനാചാരങ്ങളെയും അദ്ദേഹം കടന്നാക്രമിച്ചു.ബ്രഹ്മാനന്ദ ശിവയോഗിയുടെവീക്ഷണങ്ങളുമായി വിയോജിച്ചാണ് സ്വന്തം പ്രവർത്തനങ്ങൾ ആരംഭിച്ചത്.1917 -ൽ ഇദ്ദേഹം ആത്മവിദ്യാ സംഘം സ്ഥാപിച്ചു. ജാതിവ്യവസ്ഥക്കും വിഗ്രഹാരാധനക്കുമെതിരേയുള്ള പോരാട്ടമാണ് വാഗ് ഭടാനന്ദ ഗുരുവും ആത്മവിദ്യാസംഘവും നടത്തിയത്.

വി.ടി.ഭട്ടതിരിപ്പാട് തിരുത്തുക

വെള്ളിത്തിരുത്തി താഴത്ത് കറുത്ത പട്ടേരി രാമൻ ഭട്ടതിരിപ്പാട് (1896-1982) എന്ന വി.ടി എന്ന ചുരുക്കപ്പേരിൽ അറിയപ്പെടുന്ന വി.ടി.ഭട്ടതിരിപ്പാട് ഒരു ഭാരതീയ സാമൂഹിക വിമർശകനും അറിയപ്പെടുന്ന നാടക പ്രവർത്തകനും സ്വതന്ത്ര സമര സേനാനിയും നമ്പൂതിരി സമുദായത്തിൽ നിലനിന്നിരുന്ന ജാതിവ്യവസ്ഥക്കും യാഥാസ്ഥിതിക്കുമെതിരെ പ്രവർത്തിച്ചവരിൽ പ്രമുഖനാണ്.

കുറൂളി ചേകോൻ തിരുത്തുക

വാണിയ കുരുവള്ളി കുറൂളി ചേകോൻ (ജനനം:1861-1913) കേരളത്തിലെ ജന്മിത്തതിന് എതിരെ പോരാടുകയും പാവപ്പെട്ടവർക്കും ആദിവാസികൾക്കും വേണ്ടി പ്രവർത്തിക്കുകയും ചെയ്ത ഒരു രക്തസാക്ഷിയാണ് കുറൂളി ചേകോൻ. ഇദ്ദേഹം കടത്തനാടാൻ സിംഹം എന്ന പേരിൽ ആണ് അറിയപ്പെടുന്നത്.

കല്ലിങ്ങൽ മഠത്തിൽ രാരിച്ചൻ മൂപ്പൻ തിരുത്തുക

കോഴിക്കോട് ശ്രീകണ്ഠേശ്വരം ക്ഷേത്രം പണിയുന്നതിൽ പ്രധാന പങ്കു വഹിച്ചു. മരണംവരെ മൂപ്പൻ തന്നെയായിരുന്നന്നു ശ്രീ കഠ്ണേശ്വര ക്ഷേത്രത്തിന്റെ പ്രസിഡന്റ്. ആദ്യകാലത്ത് ഡോക്ടർ അയ്യത്താൻ ഗോപാലൻന്റെ ബ്രഹ്മസമാജ പ്രവർത്തനത്തിൽ ആകൃഷ്ടനായി ഗോപലനോടൊപ്പം ചേർന്ന് പ്രവർത്തിച്ചു. ഹരിജനോദ്ധാരണം, മിശ്രവിവാഹം, പന്തിഭോജനം തുടങ്ങിയ സാമൂഹ്യ പരിഷ്കരണ സംരംഭങ്ങളിൽ ഡോക്ടർ ഗോപലനൊടൊപ്പം മുഖ്യപങ്കാളിത്തം വഹിച്ചു.1898-ൽ ബ്രഹ്മസമാജത്തിന് സ്വന്തം കെട്ടിടം പണിയുവാനായി കോഴിക്കോട് ജയിലിൽ റോഡിൽ ചിന്താവളപ്പിലെ മുക്കോണായ സ്ഥലം ബ്രഹ്മസമാജ ട്രസ്റ്റിനു ചാർത്തി നൽകി.


കുര്യാക്കോസ് ഏലിയാസ് ചാവറ

കുര്യാക്കോസ്‌ ഏലിയാസ്‌ ചാവറ അഥവാ ചാവറയച്ചൻ (ജനനം: 1805 ഫെബ്രുവരി 10 ആലപ്പുഴ ജി‍ല്ലയിലെ കൈനകരിയിൽ; മരണം: 1871 ജനുവരി 3 , കൂനമ്മാവ് കൊച്ചിയിൽ). കേരളത്തിലെ നവോത്ഥാന പ്രക്രിയയ്ക്ക് നേതൃത്വം നൽകിയ പ്രമുഖരിൽ ഒരാളാണ്. സീറോ മലബാർ കത്തോലിക്ക സഭയിലെ സി.എം.ഐ (കാർമ്മലൈറ്റ്‌സ്‌ ഓഫ്‌ മേരി ഇമ്മാകുലേറ്റ്‌) സന്യാസ സഭയുടെ സ്ഥാപകരിൽ ഒരാളും ആദ്യത്തെ സുപ്പീരിയർ ജനറലുമായിരുന്നു.‍ ക്രിസ്തീയപുരോഹിതൻ എന്ന നിലയിൽ മാത്രമല്ല സാമുദായ പരിഷ്കർത്താവ്‌, വിദ്യാഭ്യാസ പ്രവർത്തകൻ, ജീ‍വകാരുണ്യപ്രവർത്തകൻ എന്നീ നിലകളിലും ശ്രദ്ധനേടിയിട്ടുണ്ട്.

കുമാര ഗുരു തിരുത്തുക

കുമാര ഗുരു (പോയ്കയിൽ യോഹന്നാൻ)(ഇരവിപേരൂർ, 17 ഫെബ്രുവരി 1878-1939) ഒരു ദളിത് പ്രവർത്തകൻ, കവി, ക്രിസ്ത്യൻ സുവിശേഷകൻ, പ്രത്യക്ഷ രക്ഷാ ദൈവ സഭ ( God's Church of Visible Salvation) യുടെ സ്ഥാപകൻ എന്ന നിലയിൽ അറിയപ്പെടുന്ന വ്യക്തിയാണ്.

അവലംബം തിരുത്തുക

  1. സമകലീനാരായ ചില കേരളീയർ. കേശവ മേനോൻ. കെ. പി. (1974). സാഹിത്യ പ്ര. കമ്പനി: സാഹിത്യ പ്ര. കമ്പനി. പി. 239. 1974.
  2. ഡോ.അയ്യത്താൻ ഗോപാലൻ മലയാളം മെമ്മോയിർ (2013) എഡിറ്റ് ചെയ്തത് വി.ആർ.ഗോവിന്ദാനുണ്ണി,. കോഴിക്കോട് മാത്രഭൂമി പുസ്തകങ്ങൾ പ്രസിദ്ധീകരിച്ചത്. 2013.
  3. "RaoSahib honour tittle".
"https://ml.wikipedia.org/w/index.php?title=കേരള_നവോത്ഥാനം&oldid=3991404" എന്ന താളിൽനിന്ന് ശേഖരിച്ചത്