ഒറ്റക്കൈയ്യൻ

ഒറ്റക്കൈയ്യൻ
ഒറ്റക്കൈയ്യൻ
	പ്രമാണം:Ottakkayyan.JPG
സംവിധാനം	G. R. ഇന്ദുഗോപൻ
നിർമ്മാണം	വിധുപാൽ ചിത്ര
രചന	G. R. ഇന്ദുഗോപൻ
അഭിനേതാക്കൾ	ഹരിശ്രീ അശോകൻ; അരുൺ; അശോകൻ; റാണി ബാബു
സംഗീതം	പാരീസ് ചന്ദ്രൻ ; സമദ് പ്രിയദർശിനി
ഛായാഗ്രഹണം	എം.ജെ. രാധാകൃഷ്ണൻ
ചിത്രസംയോജനം	വിജയകുമാർ
റിലീസിങ് തീയതി	26 ഒക്ടോബർ 2007;
രാജ്യം	ഇന്ത്യ
ഭാഷ	മലയാളം
സമയദൈർഘ്യം	79 മിനുട്ട്

ജി.ആർ. ഇന്ദുഗോപൻ സംവിധാനം ചെയ്ത 2007ൽ പുറത്തിറങ്ങിയ മലയാള ചലച്ചിത്രമാണ് ഒറ്റക്കൈയ്യൻ. ഹരിശ്രീ അശോകൻ, അരുൺ, അശോകൻ, റാണി ബാബു എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. ^[1] ഹരിശ്രീ അശോകൻ മുഖ്യവേഷത്തിൽ അരങ്ങേറ്റം കുറിച്ച ചിത്രം കൂടിയാണ് ഇത്. ^[2]

കഥാസാരം

മതമൗലികവാദികളായ ഒരു ഹിന്ദു യുവാവും (അരുൺ) മുസ്ലീം യുവാവും (അശോകൻ) ഒരു കൊലപാതകം നടത്തിയതിന് ശേഷം രാത്രിയുടെ മറവിൽ ഒരു തുരുത്തിൽ അകപ്പെടുന്നു. ഈ ദ്വീപിനെ പ്രധാന കരപ്രദേശവുമായി ബന്ധിപ്പിക്കുന്ന റെയിൽപാലം കലാപകാരികളെ കൊണ്ട് വളഞ്ഞിരിക്കുന്നു. ഈ യുവാക്കൾ ദ്വീപിലെ ഏക അന്തേവാസികളായ ഒറ്റക്കയ്യൻ വാസു (ഹരിശ്രീ അശോകൻ), അയാളുടെ ഭാര്യ, ഭാര്യാപിതാവ് എന്നിവരുമായി സമ്പർക്കത്തിൽ ഏർപ്പെടുന്നു. അവിടെ നിന്നും കഥ അപ്രതീക്ഷിതമായ അന്ത്യത്തിലേക്ക് നീങ്ങുന്നു. ^[3]